يابوي ليتك حيّ وتشوف حالـــي

البارت الرابع

الجزء السابع 

قولوا : اللهم صل على سيدنا محمد وابدأوا

خرجت رغد من المستشفى

رعد جاء مع السواق للمستشفى وصرفه لذلك بيجي سيارة سالم .
سالم كان يسوق وجنبه عمه رعد وبالخلف سعود جالس ورا سالم ورغد ورا عمها ومشوا بالسياره .
رغد كانت لابسه النقاب عطاها اياه سعود قبل تطلع من الغرفه حقت المستشفى.


وهم راجعين بالسياره رغد كانت سانده راسها على الشباك وتلعب بيدينها سعود انتبه لها وحس انها تبكي مد يده ومسك جوالها من جنبها وعطاها اياه وهز براسه بمعنى افتحيه فتحته وعطته اياه ورجعت سندت راسها.
سعود لما خذا جوالها سجل رقمه وكتبه باسم سعود وعطى رنه لجواله بعد ما خلاه كتم (صامت/ميّوت)
ورجع لها جوالها وفتح جواله سجلها باسم رغد ودخل الواتس وارسل لها مسج.

رغد جوالها هزاز حست برجة جوالها فتحته وشافت اسم سعود ناظرت سعود جنبها وسعود غمض عينه بمعنى اي ذا انا رغد دخلت الواتس وقرت رسالة سعود: ليه تبيكين تعبانه للحين؟؟
كتبت له رغد: ليت التعب جسدي .
سعود: ما ابي اتدخل بخصوصيتك واسألك وش عشتي وش تحسين فيه الخ...
بس بقول لك شي واحد الحين تشوفين شهد وترتاحين لها وصدقيني بتغيرين جو معها.
رغد: مين شهد زوجتك؟؟
سعود: لا انا مو متزوج وشهد بالنسبه لك اختي وبالنسبه لي اختي وحبيبتي وصديقتي وكل دنيتي .
رغد: الله يخليها لك .
سعود: امين والله يسعدك.

رغد سكرت الواتس وراحت للاستوديو(المعرض ) وفتحت صور ابوها وكانت تشوف ابوها وتبكي وتغمض عيونها بحرقه وكان شكلها يقطع القلب .
وبعدها رجعت فتحت الواتس ودخلت محادثتها مع ابوها وكتبت: يبه لقيت عمي تؤامك تراه يشابهك حيل فكرت للحظه انه انت لكن خاب ظني لما شفت الشامه الي تفرقكم .
يبه مشتاقه لك حيل ابي اجيلك يبه تكفى قولي شلون وجت بترسل الرساله بس يدها كانت ترجف ضغطت على نفسها وارسلتها وشوي وطاح الجوال منها خذاه سعود وشاف الاسم كان ( انكسرت بعدك) وقرا اخر رساله وحرفيا شوي ويبكي طلع من الواتس وانتبه حوله كانوا قدام بيت جدهم نزلوا كلهم وابو سعود مسك يد رغد وخذاها واول ما دخلوا البيت رغد سحبت يدها من عمها واتجهت للباب وطلعت لحقوها سعود وسالم وعمها .
رعد: وشفيك يبه وش حصل ليه خرجتي؟
رغد: عمي تكفى انا ما اعرفكم بس ابوي مات بحسرته بسبتكم انا مدري شلون بعيش مع ناس قتلوا ابوي تدري ليه تقبلتك بسرعه لانك تشبه ابوي اقصد نسخت ابوي مجبوره اناظرك لاجل اصبر نفسي بس خلاص هونت برجع بيتنا.
رعد:يا يبه اذكري الله ويلا ندخل.
رغد: لا عمي تكفى ما ابي.
تكلم سعود وهو منقهر عليها:يبه للحين مو متقبلتنا انا باخذها لبيتهم تجيب اغراضها ونرجع يمكن تتغير نفسيتها شوي وش رايك؟
رعد: بكيفكم.
سعود طلب السياره من سالم وخذا منه المفتاح ولف على رغد وقال لها : يلا؟
رغد هزت راسها ولحقته.

دخل رعد وسالم بيت الجد ابراهيم وسأل الجد رعد :وينك فيه يا ولدي؟
رعد: يبه بدر ما سوى شي تزوج وحده حبها واسلمت قبل تتزوجه يبه ما في حرام بالموضوع ليه تركناه يبه تدري ان بدر عنده بنت وهو توفى من 8 شهور وبنته مع زوجته الثانيه وتتعذب؟
الجد انصدم مو من مو موت بدر بس انصدم من وجود بنت قال: يبه رعد ادري ان اخوك مات وتقطع قلبي وتذكر لما تنومت انت بالمستشفى وانا صابني انهيار عصبي انت حسيت باخوك وانا شفت وضعك وعرفت خبر موت اخوك بس والله مدري ان عنده بنت.
كل العائله جلست تبكي والجده قالت: وينها يا يمه ليه ما جبتوها ووين سعود؟
رد سالم: خذاها سعود تجيب اغراضها من بيتهم وبتسكن عند عمي رعد.
الجد: لا البنت تيجي عندي.
رعد: يبه تكفى لا ذي بنت الغالي بنت تؤامي ذي بنتي انا خلها معي.
الجد رحم ولده ووافق.