نسرع الساعات شوي عند توت وصلت عند بيت توق مع القطوه كان عندها علبه بقلاوه بالكيس و حامله القطوه باليد الثانيه اول مادخلت نزلت القطوه من يدها وركبته فوق على طول ظلت تناظرها بصدمه بس قاطعها صوت جنبها : ماعليك مافي الا اخواني فوق
التفت توت لها : اوو
هديل بضحكه : هاي انا هديل اخت فواز
توت بابتسامه : وانا
هديل : ادري توت اخت توق تصدقي اسمائكم حلوه مرره متناسقه توت وتوق في بعد وحده اسمها ايش
توت بابتسامه : تالين
هديل : وينها طيب ؟
توت : في بريطانيا مع زوجها
هديل : ماعلينا تعالي نسولف داخل
سحبت يدها ودخلو الصاله يسولفو ينتظرو توق
........
عند توق دخلت تتروش وطلعت ضبطت نفسها وراحت مكتب فواز دخلت شافته حاط راسه على المكتب ويفكر وذي الحركه مايسويها الا اذا كان متضايق او محتار
توق : حبيبي ماطلعت؟
فواز رفع راسها وابتسم بتعب : شوي
توق قربت منه وجلست على ركبها قباله ومسكت يده: بسم لله عليك شفيك
فواز قومها وجلسها على فخده وصار يلعب بشعرها : سلامتك بس
توق : بس ؟
فواز تنهد بضيق : والله ضايقه الدنيا فيني ونهد حيلي من التفكير
توق : سلامتك ياعمري لا تفكر يافواز الامور طيبه
فواز : الوقت قاعد يمر ونايف وابوه ماسوو شي جالسين يلعبون باعصابي ياتوق وبنفس الوقت مو قادر امسك اخواني اكثر
توق : اذا تبي رايي نايف وابوه بس قاعدين يبون يعيشونك بقلق والا هم بالسجن كيف بيسوو ذا كله صدقني بس تخويف مافي شي حبيبي
فواز : والله ما اعتقد
توق : جرب اليوم خلينا نطلع عادي بتشوف مابيصير فينا شي وبعدين ربك الحامي لا تخاف يافواز ولا تهوجس يلا قوم
فواز : وين ؟
توق : اطلع مع اخوياك او شبتسوي
فواز : لا لا بروح المكتب
توق : اضحك زين
فواز ابتسم لها ابتسامه تسلكيه وغبيه ضحكت بقووه وهي تضربه على صدره بخفه : ياسامج توني اكتشفت انك سخيف
فواز بضحكه : المفروض من اول يوم تكتشفي
ابتسمت وقامت وطلعو برا شافت القطوه جالسه على طرف الدرج ابتسمت وقالت : ذي اكبر دليل ان اختي جت
فواز : قطوه؟
توق : ايي ذي لتوت
فواز : يلا زين خليها تتمشى بالقصر تاخد نظره
ابتسم ونزلت ودعته عند الباب ضمته بقووه : انتبه لنفسك تمام؟
فواز : توقي توك تقولين الامور طيبه
توق: اي عادي حتى لو الامور طيبه انتبه لنفسك ولا تسرع بالسياره تمام؟
فواز : حاضر يلا انتبهي لك
توق باسته بخفه ودخلت بسرعه وهي مستحيه ابتسم على خجلها وطلع وهو جاهل عن اللي بيصير له
.........
عند توق دخلت عند البنات شافتهم مندمجين بالسوالف
توق: اووو شكلكم اندمجتو
هديل : اي والله ياخي انتو مصنع حلويات وش ذي الكياته اللي فيكم
توت بضحكة : الحين خلك مننا وين قطوتي
توق : تشوفيها فوق روحي شوفيها
هديل نست ان اخوها فوق : اي اطلعي ترا مافي احد
ركبت توت تدور على القطوه وشافت في باب مفتوح نصه دخلت تدورها شافتها جالسه على الكنبه : انتي وش جابك هنا ها؟
يوسف ماكان شايف وجهها ف فكرها توق: توق ؟
نزلت القطوه من يدها بخوف ولفت له انصدمت من شافت يوسف واقف وهو نفس الشي توتر من شافها ونطق بارتباك: ا انتي ؟
توت : انت شتسوي في بيت اختي؟
يوسف بصدمه : اختك !!!
توت : الحين انت تركت كل شي وركزت ان اختها ؟ شتسوي هنا ؟ هييي ليكون تراقبني ؟
يوسف بضحكة : حبيت الثقه اللي بمكانها بس لا هذا بيت اخوي
توت : اها انت اخو فواز وليش م قلت لي
يوسف: شنو من اول م اشوفك اقولك والله يابنت الناس انا اخو فواز ؟ طيب شعرفك انتي فواز مين ؟
توت : يعني معاك حق
قاطعهم اتصال ليوسف : ها ولد الحلال دق
يوسف : هلا فواز ، شنوووو زين الحين جايين
توت : شفيه ؟؟
يوسف بخوف : فواز ودوه المستشفى
توت : ليش!!
يوسف بعصبيه : اكييد ابن الكلب سواهاا ضاربينه برصاص بظهره
توت نزلت مسرعه لتوق اول م شافتها توق ولاحظت نظرات الخوف اللي بعيونها راح من بالها ان ممكن يكون صاير شي فكرتها خايفه من يوسف : لا تخافي يوسف اخو فواز انا نسيت اقولك انه
توت قاطعتها بدموع : توق فواز
توق ناظرتها بخوف وقربت منها: شفيه فواز ؟ توت انطقي شفييه
قاطعهم يوسف اللي كان واقف على الدرج وصاد : توق اجهزي فواز بالمستشفى ولازم نروح له
توق بخوف : شفيه انطقوو ؟؟
يوسف : لما نروح نعرف ، هديل بتروحين ؟
هديل بدموع : اكييد
يوسف : يلا اجل خلينا نروح وامي نايمه لحد يصحيها
توجهو كلهم للمستشفى اول م وصلو سال يوسف عنه وشاف الدكتور
يوسف: دكتور انا اخو المريض فواز بن***** شلون وضعه
الدكتور : نحمد لله ان جابوه بدري والا كان خسرناه بس طبعا مضاعفات لان من الواضح ان طايح على وجهه ف جته ضربه على منطقه العين
يوسف: يعني ؟
توق : لحظه يوسف ، دكتور شصار معاه بالضبط
الدكتور : المريض جانا مضروب برصاصتين بظهره
شهقت توت اول م سمعت بالكلام و اول م جا في بالها ممكن يكون نايف او ابوه بعدت عنهم وراحت على جنب و دقت على طول الى رهف
رهف : لا توت توني بدق عليك
توت ببكى : رهف في اخبار عن نايف و ابوه ؟
رهف : نايف هرب اليوم بس ان شاء الله بيلاقونه ليش شصار
توت حكت لها اللي صار
رهف : طيب شلووون صار هالشي
توت : هذا اللي مجنني يارهف ماندري بننتظر فواز يصحى
رهف : طيب حبيبتي انا شوي وبجيك انتبهو لبعض
سكرت من رهف وتوجهت عندهم كان يوسف جالس ومسند نفسه على الجدار و توق تبكي وهديل تهديها
جلست توت جنبها ومسكت يدها : ياتوق صلي على النبي ياحبيبتي ان شاء الله بيطلع بالسلامه
توق ببكى : ياررب قال ليي في شي بيصير بس انا الغبيه اللي قلت له اطلع لو قايله له يشتغل بالبيت احسن اففف من غبائي
هديل : انتي ماتعلمي الغيب ياتوق
توق : اففف احسني حيوانه لما قلت له هالكلام
قاطعوهم الممرضات وهو ماخذين فواز متوجهين الى الغرفه وقفت توق بسرعه وتوجهت له شافت وجهه فيه كدمات و ملفوفه عينه مسكت يده بدموع ونطقت ببكى : حبيبي تسمعي ؟ فواز انا هنا حبيبي
توت مسكتها : توق حبيبي خليهم ياخذونه مايصير
توق ببكى : ليش مغطيين عينه
الممرضه : المريض عنده ضربه على عينه
توق : يعني ؟
الممرضه : الدكتور بيطلع الحين وتكلمو معاه
دقايق وطلع الدكتور توجه له يوسف يسأله عن وضع اخوه
الدكتور : وضعه حاليا مستقر بننتظر لين يصحى
توق : والضربه اللي بعينه ممكن تسبب له مضاعفات؟
الدكتور : المضاعفات موجوده بكل الاحوال بس الظاهر لي الحين انه مافي شي يخوف بس يصحى نتطمن عليه اكثر م تشوفو شر
مشا الدكتور وناظرت هديل ليوسف : يعني ؟ مافهمت شي انا
يوسف : ان شاء الله خير امشو نروح وراه وانتي هديل كلمي امي قولي ليها وطمنيها
.......
عند نايف كان جالس بمستودع خاص فيهم فجأه انفتح الباب اخذ سلاحه بس نزله من شاف امه داخله عليه
ام نايف : الله يهديك يانايف وين جايبني وانا امك
نايف مسك يدها وجلسها على الكرسي : يمه تعرفين جايين هنا عشان لحد يعرف مكاني
ام نايف : وابوك كيف بنطلعه
نايف : لا تخافين كلمت احد بيساعدنا نطلعه من اللي هو فيه
ام نايف : وابن الضابط شسويت معاه
ابتسم نايف بخبث وهو يذكر لما اطلق على فواز
" فلاش باك"
عند فواز طلع من المكتب متوجه الى البيت وهو بالسياره تعطلت عليه السياره نزل وهو يحاول فيها
لاحظ ان في احد وراه التفت شاف نايف
نايف بابتسامه خبث : يقولو انك اشتقت لك ياولد عبد الله
فواز : انت وش طلعك
نايف : خلك من مين مطلعني قول لي شلونها توق
فواز مسكه من ياقته بعصبيه : يابن الكلب اذا تجيب طاري زوجتي مره ثانيه اني ذابحك
نايف بعصبيه : اخذت مني حبيبتي وبعد لك عين تتكلم
فواز نزل فيه ضرب و رماه على الارض بس م لاحظ ان معاه سلاح مشا بس وقفته ضربه نايف له برصاصتين بظهره التفت له قام نايف ولكمه بوجهه ورماه على الارض طاح فواز على وجهه تركه نايف ومشا عنه باعتقاده ان مات
" الواقع"
نايف : وبس هذا اللي صار يمه مات وارتحت منه الحين اقدر اعرض على ابو تالا مبلغ وبيعطيني بنته
ام نايف : انا مدري وش محببك فيها مو من مستوانا ولا من اهلنا في مليون بنت غيرها تتمناك
نايف بحده : وانا مابي غير تالا يمه وبتصير لي غصب عن الكل ، والحين خلك من تالا ركزي باللي بيهربني جهزتي الفلوس ؟
ام نايف : ايي جهزت كل شي بس بننتظر كم يوم عشان ابوك
نايف : مالي دخل باحد انا باخد تالا وبسافر
ام نايف : خلي تالا على جنب يانايف
نايف وقف بعصبيه : لااا انا ما اسافر الا مع تالا
ام نايف بعصبيه : مو على كيفك م بنتظر انهم ياخذونك مني عشان البنت الرخيصه
نايف بصراخ وعصبيه : لااا تقولييي عنهااا كذااا يمممهه هي كل شي بالنسبه ليي مارح اسافر بدوونهاا اموووت اختنق بدوننهاا تفهميييننن ؟؟؟
ام نايف شافت حاله ودها وقربت ضمته : خلاص خلاص اجيبها لك خلاص
اخذت وجلست جنبها وتحاول تهدأ فيه ويفكرو كيف يجيبو تالا لنايف
..........
عند توق والبنات وصلت ام فواز وجلست تقرا قران على فواز انتبهت هديل على يد فواز انها تحركت
فواز : توق؟
توق قربت منه بسرعه ومسكت يده بقوه : حبيبي انا هنا فواز
ام فواز : يمه فواز وش تحس فيه
فواز ببحه تعب : ليش مغطيين عيني
هديل : ارتاح ياخوي الحين بيجي الدكتور ويشوف وضعك
فواز : توق وين توق
توق ببكى : حبيبي انا جنبك
فواز بانزعاج : توق لا تبكي يمه خليها لا تبكي
قربت ام فواز وحطت يدها على كتف توق وهمست لها : يمه توق خفي على نفسك عشانه وعشاننا
اشرت لها توق ببكى بمعنى ان شاء الله مسحت دموعها ونطقت : طيب مارح ابكي ياعيوني انت بس قول لي وش تحس فيه
فواز : شيلو هالشي من على عيني
يوسف : انا رايح اكلم الدكتور عشان يجي
ام فواز : يلا روح يمه
راح يوسف وكلها دقايق وجا الدكتور تطمن على فواز و وضع جرحه قرب بيشيل الشاش من على عينه
شالها بهدوء ونطق : فتح عيونك يافواز
فواز حاول يفتح عينه بس كان الوضع صعب عليه
فواز بتنهيده ضيق : مو قادر يوجعني راسي
الدكتور : مو مشكلة حاول بعد مره ثانيه
فواز حاول لين قدر يفتح عينه بس كان يشوف مشوش
فواز : مو واضحه الرؤيه
توق طاحت دموعها اول م نطق كلامه شدت توت على يد اختها ناظرت فيها توق بدموع
الدكتور : هذا من اثر الضربه بس لا تخاف كلها فتره وبتعدي
فواز بنرفزه : شلوون يعني بظل اشوف مشوش ؟؟؟؟
الدكتور : اكيد لا مع القطرات بتخف ان شاء الله الحين بكتب لك قطرات وان شاء الله يومين ثلاث تصير زين
طلع الدكتور ومعاه يوسف عشان كذا الادويه
.......
عند تالين جالسه بحديقه قريبه من الشقه بين مايكون عزام بشغله جتها صديقتها اثير
اثير : الحلوه شتسوي هنا
تالين بتوتر : ولا شي جالسه ادق على خواتي بس مايردو
اثير : ياتالين ناسيه الوقت يختلف
تالين : مو ناسيه بس مو من طبعهم ابدا
اثير : طيب جربي دقي مره ثانيه
تالين دقت على توت وردت عليها
توت ببحه : هلا قلبي
تالين بخوف : انتو وينكم ادق عليكم مافي احد يرد كلمت خالد يقول مايدري شقاعد يصير
شدت على يدها اثير بمعنى اهدئي
توت : بسم لله عليك شفيك م انتبهنا للجوال بس
تالين : وكل مره كذا ؟؟؟ شقاعد يصير معكم
توت : ياتالين مافي شي قلت لك م انتبهنا للجوال لا تحاتي
تالين بعصبيه: ابي اعرف شقاعد يصيير
توت بنرفزه : قلنا لك مافي شي شفيييك
تالين بغبنه : اصلا مو انتي الغلطانه انا اللي داقه عليك عطيني توق
توت بتسرع : توق مو فاضيه لدلعك كفايا عليها اللي فيها
تالين : شفيها توق ؟؟
توت ضربت راسها : افف وش قلت انا
تالين ببكى: شفييها تووق انطقيي
توت حكت لها كل شي صار مع فواز
تالين : تستهبليين كل شي صايير وما قلتو ليي وش وضعكم انتو
توت : يابنت قلت لك الحين شفيك
تالين بعصبيه : بعد اييش !!!
توت : يعني بتظلي تهاوشيني !!
تالين : لا بسكر احسن زيين ؟؟
سكرت تالين وصارت تبكي بحرقه على خواته ومصره تبي ترجع المملكة ضمتها اثير بحزن على حالتها
.........
عند توت تنهدت بس التفت من سمع يوسف : شفيك
توت بتنهيده : ولا شي بس
يوسف : بس ؟
توت بزعل : بالغلط قلت لاختي تالين عن وضع فواز وهاوشتني عشان م قلت لها من البدايه
يوسف : وانتي ليه زعلانه
توت ناظرته بصدمه ونطقت بتسرع : غبي انت ولا تستغبي اقولك هاوشتني
يوسف ضحك من كلمتها ابتسمت توت من شافت ضحكته ونطقت : اسفه صدق بس نرفزتني
يوسف : معك حق بس الله يسعدك صدق خليتني اضحك
توت : طيب هذا شي حلو اني خليتك تضحك بس وش ذا اللي بيدك
يوسف : ايس امريكانو تبيه
توت بارتباك : شبي فيه لا بس اسال
يوسف : خذيه بس اخذت منه شوي بس تقدري تشربي من جهه ثانيه اصلا اخذته كذا بس
توت : لا احس عيب
يوسف: يابنت الحلال وين العيب خذيه عادي حنا اهل
ابتسمت واخذت من يده لامست اصابعه يدها ابتسمت بخجل واخذته ونطقت : انا بروح البيت تبون شي ؟
يوسف : الحين هديل وامي جايين نوصلك معنا
توت : لا لا ماله داعي
يوسف : شلون ماله داعي مارح اخليك تروحين لحالك
توت : زين خلاص لا تنهار علينا
ابتسم يوسف وقطعهم صوت ام فواز وهديل وتوجهو كلهم برا المستشفى
.......
عند توق كانت جالسه وحاطه راسها على كتف فواز
نطقت بحزن : يعورك ؟
فواز : لا
مررت يدها على الشاش اللي على عينه : وعينك
اخذ يدها وباسها : دامك لمستيه مايعورني
ضمها بقووه وهو يحس بدموعها تطيح ونطق
" هاتي مايوجع قلبك وهاتي الضيق
ونامي قريرة عين لا يزعجك شي
دام الحزن ماهو على وجهك يليق
يبطي يشوهلك ملامحك وانا حي "
توق ببكى: خايفه يصير فيك شي والله العظيم مابقدر اعيش لو صار فيك شي
فواز : ولا تبكين ياضي العمر كله ولا تبكين
ولا يطري عليك الدمع يا أول وأخر أحبابي.
توق وهي تشد عليه بقوه : من سمع صوتك وهو ضايق من الدنيا ترجع له الضحكه اللي مبطيٍ عنها
قامت وشالت عبايتها فردت شعرها وقفلت الغرفه وجت انسدحت بحضنه صار يلعب بشعرها وضمها بقوه
توق : مابتقول لي وش صار لك
فواز : نامي ياعيون ابوي نامي بعدين اقولك وش صار
شدت عليه وكلها دقايق وغفت عينها وهي ضامته وخايفه تفقده شوي ولحقها فواز بالنوم وانتهت ليلتهم باحضان بعض الاثنين يحاتو بعض فواز يحاتي كيف يحميها من نايف و توق خايفه تفقد لانها عارفه لو نايف ورا اللي صار له مارح يسكت له
............
نكمل وقت ثاني بأذن لله اعطوني رايكم بالبارت و توقعاتكم للجاي.
