مساء الخير 🥸✨،
رواية جديدة الله يستر وماتاخد بلاغات
هسة هاي مقدمة بعدين ابدي نشر رسمي
بيها من يخلصن ١٩٨٠ وجناح، حرفياً
مليت كدما كلت هالكليشة بس يلة 😂 احفظوها.
المهم تحذير: الرواية بيها مشاهد صريحة وعنيفة،
لغة جريئة وسب عامي صريح، علاقات توكسك،
ومواضيع جريئة والقصة ماتمت للواقع بصلة،
وبيها مواضيع يمكن ماتعجبكم.
مقدمة گصيرة حماسية للرواية،
استمتعوا ولاتبخلوا بتعليقاتكم الحلوة وحبكم للرواية 🫀.
......
طبگ سيارته گدام ذاك البيت الچبير حيل وكأنه قصر، ينزل من سيارته الرانج روفر المظللة بجاماتها المضادة للرصاص بنفس الوكت، يعدل بدلته الرسمية قبل مايمشي بثقة ناحية الباب ومامنعوه الحرس انه يدگ الجرس لانهم يعرفونه، ماينتظر غير ثواني قبل ماينفتحله الباب بسرعة من الخدامة الاثيوبية التشتغل عند مُلاكه.
دخل بدون حتى ماتحاچيه ماشي برفعة خشم وراس عالي تمشي هي وياه موصلته للباب الخارجية لغرفة الضيوف، تفتحها اله يدخل بدون حتى ماينزع حذاءه يوصخ الگاعية يلي تلمع من گد نظافتها هي والزولية الراقية جوة رجليه بدون أي أهتمام.
وانحطت أنظار الرياجيل الأثنين يلي ديشربون قهوة عليه اول مادخل، صاحب هالقصر وگعت عيونه على حذاءه يلي دخل بيها ومع أنه تنرفز من هالحركة بس رسم ابتسامة چذابية مجاملة اله يسلم عليه بنبرة حاول يبينها فرحانة • هلا والله نور البيت بجيتك، تعال اگعد شاركنا گهوتنا.•
أبتسم المعني بهالكلام صفح يدنى الهم گاعد على التخم الفردي رافع رجل فوگ رجل بتعيقل وشوفة نفس • ماحب الگهوة، عندك چاي الزنجبيل؟.• سأله مضيگ عيونه الجوزية عليهم شوية فعض الثاني باطن خده يتعذرله محاول يلزم اعصابه • لا والله حقك علية حضرة المدعي عراق، اسويلك چاي بالليمون؟.•
• اي مقبول.• كبرت ابتسامته الصفح لدرجة بينت سنونه قابل باقتراح الثاني بنبرة متعالية، فصاح الثاني الخدامة والرجال الثالث بيناتهم تدخل بضحكة چبيرة يسأله محاول يطول وياه الحچي • اي سيد عراق، شونك وشون الاهل وشخبار الوزير؟.•
• الحمدالله، خير ان شاء الله شكو طالبين شوفتي هنا؟.• بشكل مختصر رد ماله خلگ يطول بسوالف هالاثنين يلي گدامه، الاول چان مدعي عام أول بمحكمة الجنائيات وقريب من عمر أبوه، ومع انه يعتبر رئيسه واعلى منصب منه ولازم ومفروض واجباري على الكل احترامه ومهابته بس عراق چان اكبر استثناء، لانه أبن وزير بالبرلمان ومدعي عام ثاني واكثر شخص مرفوع خشمه للسمة وماحد يكسرله عينه.
YOU ARE READING
عِرَاقٌ أَثِمٌ / متوقفة النشر.
Romanceسلام الله عليك أيها العراق الأثِم، أني هويتك وبالأثام غارِق!. مثلية، عراقية عامية +18. عنف، الفاظ جرئية وسب عامي صريح. الغلاف من صنع المبدعة: Adamdrafts ✨🫀.
