اسمي جنة عمري 20 خلصت دراسة وتخرجت وصرت محاضرة واداوم مدرسة ولد اني معلمة انكليزي حلوة بمعنى الكلمة طويلة طولي 166
وحنطاوية وكل شي بيه حلو ويجذب نظر
بس البيه مو حلو ماعرف اختار صح مراح احجي شي سمعوني بسس
أمي...... حياة اسمها طيبة بشكل وتحب كل ناس
جنة يمة كعدي صار وقت دوامج لا تتأخرين هم يالله ريوك وانتي ساعه ماتوخرين من المراية
جنة:اي يمة كعدت يما تعرفين احب المكياج
ام جنة.. يمة انتي حلوة ما يحتاج مكياج جنج كمر
جنة.. يمة حلاتيش وحظي بطين نايم
ام جنة.. لا يمة لا دكولين هيج كعدي تريكي
اخواني 3 كلهم أصغر مني
احمد. ومحمد وحسن
كعدت تريكت بدلت لبست ملابسي طبعا منطقه جنوبية احنا ولازم عباية البس بس انزعها من ادخل مدرسة
ماحب اركب سيارة تكسي ولا احب اركب تكتك احب امشي بشارع هيج واشوف ناس لان جنت ماطلع وعيب عدنا وحده تطلع فجان متنفس الوحيد اليه هل طلعه الدوام هي. وشحجي طبعا ع دوام كلهم وياي عوانس يكرهني واني زغيره وعدكم الحساب
يوم من الايام جان يوم الخميس آخر يوم بدوام
اشوف سيطره منصوبة يم شارع مدرستي وتفتيش طبعا كتلكم اني امشي بلا سيارة مشي
شفت جيش وصايره هوسة وظباط كملت طريقي ودخلت الدوام
سألت ست هناء صباح الخير
شنو هاي الهوسة شكو سيطره منصوبه يم المدرسة وجيش َشرطه تفتيش شنو صاير
ست هناء.. صباح النور والسرور يا حلو ولج شنو هل كيك هذا فوك هذا جمال عدسات من صبح جنة هاي كاتلين واحد قبل اسبوع واليوم صارت سطو ع محل صيرفه ب6 صبح وكتلو ابو محل
جنة... صدك هذا محل صيرفه لي يم مدرستنا
ست هناء.. اي هو هذا
دخلت كملت دروسي تقريبا صارت 12 حليت وجنت تعبانه من دروس طلعت من باب المدرسة فجأة الحذاء مالتي انشلع ياااا شوف حظي وكتك تنشلع هسه صخام ان شاء الله نوب عدي بس الف دنيار يالله هسه اركب تكتك هسه تجي تكتك هسه ماكو منو اوكغه يكول عندي خط
سيطرة كبالي وكلهم نظراتهم الي واني دايرة وجهي فشلانه لان كعب مبين مكسور واكفه جني عرجة
فجأة تجي سيارة مال جيش ينزل شخص منها
شخصية وهيبة وطول. (وسام)
هسه راح تعرفون منو وسام
الرائد وسام شخص من ديالي بس يداوم يمنا بجنوب مواليد 88
جنة.. اوف ربي جمالي وشيلة خشمي وتالي كعبي مكسور َوجبت هذا صاك كبالي ليش ربي هسه غير يجي تكتك يجي صخام ياخذني
وسام... مرحبا ليش واكفه بشمس
جنة. لا ماكو شي بس منتظره تكسي طبعا بداخلي جذب اريد تكتك عدي بس الف
وسام لا عادي أكدر اوصلج
جنة.. عفوا شنو توصلني سالمين احنا هنا عدنا عادات وتقاليد اخاف انت من بغداد وحضري
وسام.. لا يابة اني من ديالى وثاني شي هاي مساعده معليها بل محافظه تعالي اوصلج شمس حركتج وانتي لابسه عدسات لا تموع عدساتج
جنة... ممكن تؤخر منا لا أحد يشوفك يمي
وسام.. تري سيطرتنا هنا
جنة.... اجة تكتك الحمدلله
شكرا ع مساعدة
وسام...... هاي طيرة شلون اصيدها
سيدي سيدي ولك هااا سيدي صافن
ولك عبد هاي تموت وخشمها يابس شغل سياره ورا هذا تكتك سيدي تدلل
جنة هذا شلون شخصية فوكاها يطك بل كاع حظي لبست هذا الكعب القديم هذا حظي مطين وين العوجه يجيبها
جنة.. اي هنا نزلني
وسام... ندليت بيتج يحلوة
سيدي هسه شنسوي هاي هي ارجعنا
ام جنة... يما تأخرتي شسالفه بالي يمج ادك عليج ترفضنيني
جنة.. يما الحذاء مالتي انشلع وبقيت واكفه ردت تكتك ماكو كلهم عدهم خطوط
تالي اجه تكتك صعدت
دخلت غرفتي واني بالي كلة يم هذا رائد لي عبالك اجة مخصوص حتى يخطف كلبي
اني اكلت حتى اضافري هي مجرد كم دقيقه حجينا شبيه هيج خفيفه كبر حتى كبر شويه ثكلي اووف نوب بأجر جمعة وراها سبت شيصبرني حتى اداوم ياربي يالله خل اخلصها شغل وكرف
ام جنة ... يما تعاي غسلي مواعين
جنة يماا متت من مواعين ادية صارت زرك
خل افتح فيس احسن لي
اووووو ساعه سوده فتحت فيس طبعا اول ما افتح فيس أو نت الكي هذا جوارينا لازك الي لزكة الف حضر ما يفيد الف مصيبه ما يفيد اخر شي مليت خليت يدز وحده
محمد مواليد 90 عنده محل موبايلات بداخل منطقه طاب طالع يشوفه موتني لازك لزكة جونسون هو خريج وخطبني بس اني رفضته احسة خفيف واي وحده تهزة وعيونجي ورفضته
محمد.. بل محادثه مسانجر
جنة انتظرت تحلين انتظرت ماكو
وينج ردي فدوة الج ولله احبج يحي يوم توافقين علية ولله توافقين
جنة.... اوف ربي خلي هذا مثل جلب يكتب مارد علي
ياربي وين شفت هذا ظابط مدري رائد وسحل كلبي سحل يالله ان شاء الله باجر اني صباحي ياربي اشوفه ياربي لازم ابدل واكشخ
ام جنة.. يمة جنة هل ايام صافنه صارلج يومين شكو شبيج احد مضوجج بداوم
جنة.. لا يمة مابيه شيء بس عدي امتحانات لازم اسوي اسئله
الله يوفقج يمة
