នៅក្នុងបន្ទប់ដែលងងឹតមានតែពន្លឺចាំងចូលតាមបង្អួចបង្ហាញឲ្យឃើញសភាពរបស់មនុស្សប្រុសវ័យចំណាស់កំពុងសម្រាន្តនៅលើគ្រែ ដោយរាងកាយគ្មានកម្លាំង សុខភាពក៏ចុះខ្សោយថែមទៀត បានត្រឹមតែឲ្យប្រពន្ធ កូនស្រី និងអ្នកបម្រើចាំបម្រើមើលថែតែប៉ុណ្ណោះ ។
« លោកបងក្រោកឡើងពិសារបបរទៅ » លោកស្រីម្ចាស់របស់វិមានត្រកូល Kim និយាយឡើងពេលម៉ែដោះ Mison លើកបបរមកថែមទាំងចូលទៅគ្រាលោកម្ចាស់ជាស្វាមីឲ្យអង្គុយផងដែរ ។
« ហូបច្រើនយ៉ាងណាក៏គ្មានបានការអ្វីដែរបើគង់តែជិតដល់ថ្ងៃចូលមឈូសទៅហើយតែនៅតាមរក Taehyung មិនឃើញទៀតនោះ » លោកម្ចាស់ ស្រដីទាំងគ្មានកម្លាំងកាយនិងចិត្ត ត្បិតអីគាត់បានតាមរកកូនប្រុសអស់ច្រើនឆ្នាំហើយតាំងពីមានតម្រុយរហូតដល់3ឆ្នាំមុនក៏បាត់ដំណឹង ស្ទើរតែអស់សង្ឃឹមទៅហើយ ធ្វើឲ្យគាត់ដែលជាមនុស្សចាស់ខំចុះឡើងពីវិមានទៅក្រុមហ៊ុនហើយចេញចូលប្រទេសជិះយន្តហោះទៅមករហូតបាក់កម្លាំងដេកឈឺនៅលើគ្រែអស់ជាងមួយឆ្នាំទៅហើយ មកដល់ពេលបន្ទាប់ក្រុម ហ៊ុនក៏ត្រូវឲ្យ Yumii ជាកូនស្រីពៅមើលថែជំនួសតែនាងគ្មានបទពិសោធ ធ្វើមិនបានល្អដូចTaehyung សោះទើបក្រុមហ៊ុនត្រូវផ្អាកបិទចោលតែម្ដងទៅ ។
« បងកុំនិយាយចឹងអី បើបងមិនពិសារអីសោះនឹងកាន់តែបាក់កម្លាំងហើយធ្ងន់ធ្ងរជាងមុនទៅទៀត ឆាប់ពិសារទៅណា៎ រឿង Taehyung អូនឲ្យគេតាមស៊ើបមើលហើយកុំបារម្ភអី » លោកស្រីព្យាយាមបញ្ចុះបញ្ចូលគាត់ណាស់តែរាងចំណាស់មិនព្រមហារមាត់ទទួលឡើយធ្វើឲ្យគាត់ងាកទៅមើលមុខម៉ែដោះទាំងពិបាកចិត្ត ។
< តុកតុក > សុខៗក៏លឺសម្លេងគោះទ្វារទើបម៉ែដោះរហ័សទៅបើកភ្លាម ។
« នាងមានការអី? » គាត់សួរទៅអ្នកបម្រើស្រីដែលដកដង្ហើមត្រហេបត្រហបបណ្ដាលមកពីប្រញាប់រត់មកទីនេះ ជាបន្ទប់នៅជាន់ខាងលើ ។
« លោកស្រីម្ចាស់!! អ្នកអង្គម្ចាស់ត្រឡប់មកវិញហើយ »
« នាងថាម៉េច? » ម៉ែដោះសួរបញ្ជាក់ទាំងភ្ញាក់ផ្អើល ។
« គឺអ្នកអង្គម្ចាស់ធំនោះអីម៉ែដោះ ទ្រង់ត្រឡប់មកវិញហើយ ឥឡូវកំពុងនៅខាងក្រោមឯណោះ!! » បានលឺបែបនោះ ម៉ែដោះត្រេកអរខ្លាំងណាស់មុននឹងងាក មករកលោកស្រីម្ចាស់ដែលញញឹមរំភើបដូចគ្នាមិនខុសពីលោកម្ចាស់ដែលមុននេះបាក់ទឹកចិត្តធ្លាក់ដល់សូន្យ តែឥឡូវត្រេកអរជាងអ្វីទៅទៀត ។
VOCÊ ESTÁ LENDO
♡︎ជំនះស្នេហ៍អ្នកអង្គម្ចាស់♡︎
Romanceស្នេហាដែលស្ថិតនៅចំកណ្ដាលរវាងសែស្រឡាយនិងសម្ពាធជាច្រើន... 🝮 𝐉𝐞𝐨𝐧 𝐉𝐮𝐧𝐠𝐤𝐨𝐨𝐤 𝐱 𝐊𝐢𝐦 𝐓𝐚𝐞𝐡𝐲𝐮𝐧𝐠 🝮
