بعد شهرين ...
في احد القاعات ...
دخل عليها و لقاها جاهزة و رفعت راسها و شافته : شكرا
رائد : لو انه مو رجال كان تحلمين تاخذينه
ضحكت بسمه : رائد
جلس جنبها : اسمعيني يا بسمه صح ان حنا بس اخوان من الاب و انا مو شقيقك بس يشهد الله علي ان نفسك نفس خواتي الشقيقات و زود بعد فوالله يا بسمه اني فخور فيك و للمكان اللي انت موجوده فيه و اسمعي لو ودك بشيء و لو صار شيء تذكري ان عندك اخو انا موجود و متى ما ودك و يا ويلك اذا صار لك شيء و انا مدري و بعدها ابتسم : و لو ضايقك ذا الغثيث علميني و ما يرد لك لسانك و لا تسكين عن حقك ابد حتى ولو كنت تحبينه مع اني ما اشوف انه بيترك لانه واضح يا اختي انك جايبه راسه بس يعني اقول للاحتياط
ابتسمت و باست خده : يا جعلني ما خلا منك يا اخي العزيز و بعدها ناظرته : ومتى دورك ؟
قام من مكانه يهرب : انا استئذن و طلع من الغرفة
و ابتسمت
-
تحت عند البنات ...
ياسمين : شوفو يا عمري على عمه كيف متأثره
جوري : بعذرها تنرحم ما عندها الا بسمه و اكيد هي كذا من زود الفرحه و لفت على قمر : و انت ِخلاص طفشتي من هالحلى
قمر : انكتمي يكفي علي هالكرشه اللي مدري متى بتروح
ياسمين : تعبتِ ؟
قمر : مرا تعب و خصوصا انا شايله اثنين
جوري : ايه والله الله يعينك يا اختي
قمر : افف تعبت كله من ملهم هذا وجهي اذا حملت مرا ثانيه
ناظروها بحزن لانهم صدق راحمينها مرا
-
فتح باب الغرفة و شافها بفستانها و بيدها المسكه و رفعت و شافته بالبشت نزلت راسها و هو قال : مبروك علي انت ِ
قرب و باس راسها رفعت راسها و هو قال بضحك : كيف كذا لهالدرجة حلوه
ابتسمت بخجل و جلس جنبها : ماراح اسمع صوت يا المحاميه بسمه ؟
بسمه : مبروك غسان
غسان : يبارك فيك يا روح غسان
مسك يدها و حس فيها بارده : متوتره ؟
بسمه : مراا
دخلت عليهم شيخه : يالله الزفه الحين بتبدأ
راحت شيخه و هم قامو و انفتح الباب و مشو بين هالناس ماسكين ايادي بعض جلسو على الكوشه و لبسها الشبكة بعدها جوهم جوري و ياسمين
و قالت جوري : حي الله مرت اخونا
ابتسم لها بسمه و قالت ياسمين : تخوفون من كثر ما انكم لايقين لبعض
طقها غسان من يدها : قولي ماشاء الله
كشرت ياسمين : ماشاء الله
و راحو و ناظرها غسان و هو لازال ماسك يدها : تجسدي على اسمك لفت عليه و هو كمل : دايم ابتسمي
اتسعت ابتسامتها بحياء : غسان
غسان : يا عروق قلب غسان
نزلت راسها بحياء وشد على يدها
قمر : ماشاء الله حلوين
ياسمين : مرا ماشاء الله الله يخليهم لبعض
و طلع غسان عشان تاخذ راحتها شوي مع البنات
-
جالسين جنب بعض و هو جالس يتحسس رقبتها و ماسكين يد بعض : و صرتي حلالي
ابتسمت و هزت رأسها و كمل : تجين معي ؟
رفعت رأسها : وين ؟
غسان : نتقهوى
هزت راسها بايه
