قصه [فهد و صغيرته]
قصه كتبت بيد الكاتبه :[زمرد الـﻋلي]
لاتنسون التصويت و تفاعلكم و نشركم علمواقع التواصل
و الابطال حيتابعون التعليقات و اريدكم تتفاعلون بيها
شكرا مقدما الكم
ــــــــــــــــــــــــــــــــــــــــــــــــــــــ
ثاني يوم جان يوم جمعه فكعدت من الفجر تريكت وي اهلي و بالـ6 رحت اراجع و دكيت على وتين نراجع سويه الماده لان احنا قرينا الامتحان اول شي قبل الامتحانات البقيه و بايام المدرسه و وحده تسئل الثانيه و ضلينا لحد ما بقى موضوع و نخلص فرحت اجيب اكل و اكول الها
شمس: خنجيب اكل و نسولف و بعدين العصر نكمل الموضوع و كل وحده تراجع المادة لوحدها بالليل
وتين: هاهيه حبيبي نجيب اكل و نسولف
ضلينا ناكل و نسولف طب فهد و كال
فهد: ويامن تحجين؟
شمس: وي وتين
بس وتين سمعت صوت فهد هيه سدت الكام و كتمت الصوت
شمس: حبيبي بس احاجي فهد و اجيج م اتاخر لتسدين الاتصال
محجت و رحت طلعته من الغرفه و حاجيته
شمس: شبيك هيج كفتت علغرفه متكول عندي خصوصيات لو اكول لابويه عليك
فهد: علكيفج شبيج اخذتيني حاصل فاصل يعني اسمع اختي تحاجي احد مدري منو و تكول حبيبي و م اجفت هيج لعد شسوي
شمس: لتسوي و ترا البنيه تستحي و يلا امشي خلي اروح لا تسد الاتصال
فهد: خوش
رجعت لوتين و لهسه ساده الكام و ساده الكتم كتلها راح فهد افتحي الكام فتحت الكام و سولفنا و بعدها كلنا خلي نكمل الموضوعو نرتاح ليش نضل للعصر
المهم خلصنا الامتحان و بالليل كل وحده راجعت و نمنا
في الصباح
كعدت الصبح سبحت و بدلت و سويت ريوك اليه و لاهلي و كعدنا تريكنا و رحت للمدرسه اني و امي و شفت وتين و جابت مبايلها و خلينا المبايلات يم ماما و من طلعنا صورنا و اكلنا و كلت لماما لمن تجي الوجبه الثانيه يلا نمشي كالت راح انتضرج لعد خلصنا و صورنا و اكلنا و بجينا لان حنتفارك بس تذكرت حشوفها هوايه لان حيخطبها اخويه بنص البجي كمت اضحك اشو هيه تشهك و تحاجيني
وتين بشهكه و بجي: شبيج كمتي تضحكين بس لا تخبلتي
شمس: لا متخبلت و الايام الجايه حتعرفين
و توادعنا رجعت للبيت و اني كلي حماس و فرحانه خلصنا امتحانات و راح صديقتي المقربه تنخطب و لمنو لاخويه متدرون فرحت شكد المهم بدينا اني و فهد نحضر علمود الخطبه طبعا هو ياخذني بدون ميدرون اهلي وين و كل ما يسئلونه يكول الهم
فهد: نروح للالعاب و للمول لان ضوجه
ثالث يوم عطله اجاني ورا العشى و كلي
فهد: شوي بعد راح نحاجي امي و ابوي بالموضوع
شمس: جذااااببب
فهد بضحكه: والله
شمس: جبناها و اجت ويانااا ككككلللللوووووشششششش
فهد بابتسامه:
صارت الساعه بالـ9 بالليل و احنا كاعدين ناكل كرزات و فاكهه و حلويات و اني وجهي متروس ككاو فهد عدل كعدته و كال
فهد: يمه يابه عندي موضوع وياكم
ام فهد و ابو فهد: خير انشالله
حجيت اني و اكل
شمس تاكل و تحجي: خير الي يصيبكم اسمعوا شيريد يكول
امي و ابويه استغربوا و سكتو علمود يسمعون
فهد: اني اريد اخطب و عندي بنيه بالي و اني كلشي مجهز بس نشتري و حاجز كلشي و بقى بس رايكم و نحاجي البنيه
امي و ابويه بصدمه:
شمس: ها شبيكم ترا اعرفها البنيه
فهد: نجبي و اني اكول الهم
ام فهد: اي و منيه خلي نعرفها و نعرف اهلها
فهد بضحكه: صديقه شمس وتين يوسف
و لهنا و نختم البارت
ـــــــــــــــــــــــــــــــــــــــــــــــــ
لا تنسون التصويت و التعليق
💋💋🤍
