#_فصليتي_بغدادية
#البارت_1
...
هلو👋 كايززززز
نبلش بالرواية مالتنة ومن خلال لرواية راح تتعرفون على اابطالنة
؟.......
ابوعلي... السلام عليكم
لكل.... عليكم السلام
الله يساعدك يابة هلا ابني يساعدك بختك وليدي اخذت امك الدكتور
اها والله يابة مقبلت تروح
علي اني شكتلك موكلت تاخذهة غصب ابني
. تدلل بعد روحي هسة اخذهة بعد وكت
..........
السلام عليكم اسمي علي الابن الاكبر لعائلتنة احنة 6 اخوان ولسابع بالطريق بس منعرف ابنية لو ولد اني اتمنة تكون ابنية واني اربيهة
اني منتسب بالدولة احنة من محافظة بغداد لحبيبة شكلي عادي طويل ضخم لوني حنطي ملامحي حاده
كلمتي مسموعة من بعد ابوية
.......
هي شنية انتم تخلفون واحنة نبتلي
... مصطفى كص لسانك لا اجي اكصة
. حبيبي عليوي لغالي تاج وباج على لراس
اي تلفض عدل احسن ما اني اعلمك اشلون تتلفض
. امممم انجبينة
.........
هلو اسمي مصطفى لصاك مال لعائلة كلهة تحبني ادرس طب مرحلة اخيره قسم تحليلات
لولد لثاني للعائله احب اتشاقة ماعندي شي يضوجني اهم شي اتونس شكلي خنفوشردو ماانطي مواصفاتي اخاف تزحفلي 😂
احم طويل ضخم ملامحي حلوه بس مو حاده مثل لصاك مالتنة
........
هلو اسمي مرتضى طالب خامس اعدادي نفسي اصير ضابط مثل علي احب اهلي واتمنة تصير عندي اخت شكلي عادي طولي وسط جسمي رياضي ملامحي حلوه
........
هلو اسمي منتضر طالب ثالث متوسط اشبه علي بس على شكل اصغر وطبعي مثل مصطفى احب لشقة
........
مرحبا اسمي يوسف
مرحبا اسمي سيف
هههه احنة توائم بكلشي بس لاسم يختلف شكلنة حلو طلاب سادس ابتدائي
انريد انصير اطباء تجميل نحب لشقة ولمرح مو عقده مثل بعض ناس
..........
يمة يلة حضري نفسج نروح للدكتوره
يمة علي ميحتاج
اشلون ميحتاج غير نعرف لجنين اشلونة ابنية ولد صحتج اشلونهة وها اني من هسة اكلج اذا مااجتي ابنية ماتقفلين اله تسوين النة اخت
هههههه سوده بوجهك وكلت كمت استحي امشي بالشارع بهاذه عمري واخلف
عليش تستحين بعد روحي جايبتة بالحرام ماعليج من لناس
هههه الله يحفظكم الية حبايبي
يلة يمة انتظرج بالسياره
انشاللة بعد امك
رحنة للدكتوره وبقيت انتضر امي بره لحد متطلع رغم احنة اكبار بس امي موكلش جبيره
بالعمر لان وهي اصغيره متزوجة يعني امي اكبر مني ب15 سنة هههه اختي مو امي
بقيت انتظرهة اشوية وطلعت واشوف الابتسامة بوجهة رحت اركض عليهة
ها يروحي بشري
يبعد عمري انت شنو جنت تتمنة
لا بروح اهلج يمة
ههههه اي والله
يعني راح تجي مدلله اخوهة
هههه اي حبيبي بس اخذ جيب لعلاج وتعال
خوش هسة اجيبة اكعدي ارتاحي
كعدت ارتاح وحده كاعده بصفي كالت
الله يحفظكم تجننون مبين اهواي ايحبج وفرحان باليجي اكيد ولد لان فرحتة فرحتة جاية ولد
😳 بقيت مصدومة شجاوبهة احم لا بية ابنية
وهوه يتمنة تجي ابنية
اها الله يحفظكم تجننون
احم بس حبيبتي انتي غلطانة هذا مو زوجي
😳 لمره ها
احم اي هذا
علي.... ها يروحي اتاخرت عليج
لا بعد عمري متاخرت
لمره يعني انت مو زوجهة
علي.... 😠 شنو
احم لا حبيبي بس لمره عبالهة هيج
علي..... لا اختي انتي غلطانة لا تحكمين على لناس بسرعه اتصير اختي الغالية 😉وغمزتلهة
لمره ها الله يحفظكم
علي.... يله يالغالية اتاخرنة
اي يلة حبيبي
طلعنة كتلة ولك تستنكف تكول امي لان حامل وانت ضابط شنو
علي.... بعد روحي اشلون استنكف منج انتي تاج لراس بس خفت تنصابين بالعين وعلي
هوه ليشوفج ميكول امي اموت عليج يالغالية
رجعنة للبيت كلهم موجودين
مصطفى هلا هلا بالصاكة كواج الله
هلا بعد روحي يكوي حيلك
اشو صايره صاكة شنو لسر
بدينة بسوالفك لماصخة
حطيلهن ملح بعد روحي
ههههه متكعد راحة
ها عليوي اخوية لصاك بعد ضلعي اشلونك مشتاقلك
علي.... تشتاقلك لجنة بلا سخافة حبيبي
اكعد وانجب
لتوم..... بم في منتصف لجبهة
علي.... انجبو بعد روحي
مرتضى..... هههه الزكة
علي.... وانت هم انجب بعد كلبي
منتضر.... هههههه
علي.... سد حلكك لا تفوت بي ذبانة لمايع
منتضر..... اووووي حبيبي شكد قاسي تعال امعطك
علي.... وعلي لو اجيت اسمطك سمط
مصطفى..... هههه ليوم حامي شبيك
علي.... اللهم طولج ياروح نفوت لولا كوم جيب مي يلة
ها يابة الله يساعدك
هلا بعد ابوك ويساعدك
ها ام علي اشلونج شكالت لدكتوره
كل خير كالت بعد كلبي
مصطفى.... احم احم
منتضر.... لا تتمرتكون طاكنة لجفاف 6 عزابية كاعدين يمكم حسو بينة
لكل.. ههههههه
مرتضى.... اي يمة احجي شكالت لدكتوره
علي..... كالت راح تجينة اميره صغيرونة
لكل..... عااااااااااع كول والله
علي..... والله
مصطفى..... بوياااااي بوية راح تجي زمن فدوه اروحلهة
منتضر حبيبي انتجب زمن شنو اني اسميهة اميره
اي مو هوه بكيفك اني اكبر منك اني اسميهة
مرتضى.... اني اسميهة
لتوم.... احنة نسميهة
علي..... كلكم تنجبون وتسكتون محد يسميهة غير امي وابوية
لكل..... اهوووووو حجة لغثيث
علي..... مو اكوم
ام علي..... محد يسميهة نسوي قرعة وكل واحد يخلي الاسمي اليعجبة ونسحب واليطلع نسميهة
لكل..... اي خوش اقتراح
منتضر..... امعطج على هذا لقتراح
الام.... مااااااااريد اكعد واسكت
لكل ههههههه
لتوم يلة جبنة ورقة وقلم
علي.... جيبوهن اني اسويهة
لكل لا كل واحد يكتب اسم ونخلي
علي.... يله يابة ابدي انت
وبعدك امي
كلنة كتبنة الاسماء وخليناهن خلينة امي تسحب الاسم
يلة اختاريت
بس اريد اعرف كل واحد شنو اختار
علي.... عشق
مصطفى.... عسل
مرتضى..... فرح
منتضر.... اميرة
لتوم..... شهد
الام.... ملاك
الاب... زهور
