🍃 مشاعر_صامتة 🍃| ( مكتملة )

🌛بارت 102🌜

🌺مشاعر صامتة🌺
                   بقلمي✏️: خولة غزالي🌹
            

شاف ليها فعينيها نيشان ملامح ديالو لانت مابقاش باين عليه لغضب تقدم لعندها بخطوات بطيئة و قلبو تزادو دقاتو مخليها تاهي عضات على شفايفها بحشمة من كلمة لي خرجات ماشي خرجاتها عفوية لا هي عن قصد قالتها باش تقدر تهدنو حيت بدا كيبان ليها غايخرج على سيطرة
وقف مقابل معاها تحنى لعندها و كالا بليديه جات مخشية بيناتهم و كتشوف فيه بتوتر شاف فعينيها و نطق بصوت مبحوح : شكون انا
شافت ليه فشفايفو لي نطقو و عاودات شافت ليه فعينيه سرطات ريقها باش تقدر تبلل حلقها و نطقات بصوت خافت : حبيبي
حط شفايفو على حنكها كيتلمس فيه و قلوبهم كيضربو بواحد وتيرة لي هي عالية باسها بوسة خفيفة و هز راسو تايشوف فيها بحب و نطق بهدوء: و علاش ماتمشيش مع حبيبك
بتاسمات ليه بحب و نطقات بهدوء: ماكرهتش و الله ولكن راك عارف ديننا و تا مجتمعنا مايقبلش وحدة ساكنة مع واحد بلا موجب شرع
تنهد بشوية و عينيه مركزين فعينيها نطق بصوت خافت: ماتيهمنيش مجتمع حيت عارف اش تانسواو و لكن على قبل ديننا نقدرو لقاو حل
كمشات حواجبها ناوية تنطق تا سمعاتو كمل كلامو: الى بغيتي جي نتي سكني مع لواليدة و انا نخرج بيما تزوجنا
عضات شفايفها كاتمة فرحتها هي عارفاه ناويها لزواح و لكن ملي شافتو دوا على موضوع مرة وحدة قالت امكن تراجع ساعة صدمها دبا بتاسمات ليه بحنان ونطقات: غير بقا مرتاح نت فدارك و تانا باش مانحسش بغرابة و انا باقا تانحشم من خالتي فاطمة داكشي علاش كنفضل نبقا فدار و الله ماتخافش
عقد غوباشتو بجدية و نطق: بوحدك ا ألاء تبقاي بوحدك
اومأت ليه بنفي و نطقات بزربة: لا انقول لنجوى تبقا معايا
تنهد بهدوء حط ليديه على حنكها و نطق : كنواعدك غير تسالي هاد قضية انديرو حل لهادشي
بتاسمات ليه بحنان و اومأت ليه بايجاب فالمقابل هو باسها فجبهتها مغمض عينيه و بعد عليها شاف فيها و نطق بهدوء : انهبط واحد خمسة دقايق و نرجع
اومأت ليه بإيجاب عارفاه باغي يهبط باش يكمي بحكم ملي فاق ماكماش باسها فحنكها و خرج مخليها تكات و قلبها كيضرب راه هادشي لي كتحس بيه من جيهتو فات لحب لديك جيه راه شي حاجة بزاااف لدرجة ولات ما كترتاح تا يكون معاها و حدا عينيها كتحمد الله حيت كيبغيها و كتمنى من ربها يتجمعو فلحلال

دازت كتر من ساعة ،وقفات لوطو ناصر قدام عمارة ألاء حل لباب و هبط دار لجهة لاخرى حل لباب على ألاء ،وقف حداه أناس لي كان تابعو تاهوا بلوطو ديالو
تحنى ناصر هز ألاء فحين هي تنهدات بحشمة و نطقات: و الله تا قادرة نوقف غير هبطني
شاف فيها ناصر بابتسامة مطمأنة و نطق: ماسولتكش
بتاسمات ليه فحين ناصر شاف فأناس و نطق بهدوء: واخا تطلع معاك ساك لي لور لا ماكانش عندك اشكال
بتاسم ليه اناس و اومأ ليه: واخا
هز أناس ساك و سد ناصر لوطو و تم طالع بألاء لي بين ليديه و أناس تابعهم طلعو لبرطمة ديال ألاء ياله ايدق ناصر تا منعو أناس لي جبد ساروت من جيبو و نطق: انحل بلا ماتدق
ناصر عض حنكو من لداخل شاف فألاء لي كتشوف فيه و ترمش غفلها أناس ،شاف فأناس و نطق: اش تدير عندك ساروت دار
اناس عرف راسو فرطها و كحلها نطق ناوي يكدب و ينقد موقف: اا ،لا راه عطاتو ليا ألاء ملي كانت عندك فدار باش مرة مرة نطل على دارها و لكن نسيتو و مع هادشي لي وقع قلت هادي لفرصة رجع ليها ساروت
هز ناصر حاجبو ببرود و نطق : واخا حل لباب
تنهدات الاء حامدة الله حيت دازت سالمة اما كون قال ليه راه من نهار حطات رجليها فدار و ساروتها عندي كون راه واحد فلحبس و لاخور مقتول شافت فناصر بان ليها كيشوف فيها ببرود عرفاتو شاك و لا عاق بيها وحدة فيهم و لكن مهما مادواش ادن راه مطمر على موضوع
حل لباب و دخل مخلي ناصر تابعو لي غير سد اناس لباب نطق بجدية: ارى ديك ساروت
اناس حل عينو: ااا
نطق ناصر هاز حاجبو: ياك كنتي ناوي تعطيه ليها اوى ارى

يتبع...✏️

أناس باغي لراسو لخدمة 🙂ياله البنات بونوي💋♥️