حبٌ بعد طلاق💏

الفصل تاسع

من بعد ما طيحني هاذ الحمار ديال ادم او انا بلا شعور قلت له:
رودينة: هانتا خديتي الانتقام ديالك!
بابا:شنو واقع أ رودينة أو شكون هاد راجل؟!
او انا عاد تفكرت الحصلة لي حصلت أو بلي دبا خاصني جلسة شرح ليه ولاكن
دراما..
دراما..
بابا استبق الأحداث عاوتاني ...
بابا:واش هاتشي علاش ربيتك أ بنتي باش تغضرينا من مورا ضهرنا بحال هاكا هاتشي علاش صيفطناك تقراي ولاكن المشكيل منا لي خليناك بحال هاكا تعيشي بوحدك أو تلقاي لحرية ديالك ..
رودينة:خليني غير نشرح لك ابابا عفاك...
قاطعني!
بابا:مكاين متشرحي ليا شفت كولشي بعينيا أو مابقا مايتفهم ..
ادم:بلاتي اعمي...
قاطعو!
بابا:نتا بضبط سكت معندكش لحق لهدرة...
عينا مع بابا ولا هو بغا يسمع ولا هو خلانا نهضرو أو نشرحو ليه..أو فلخر لقا لحل لهاتشي..
من فضلكم لحل لانسب ليه ماشي ليا!
بابا:دبا باش نعالجو هاد الفضيحة لي طرات. خلصكوم تزوجو!
و ها هي صدمة!
واش انا نتزوج بهادا هو منكدبش تيتيز كريزما ..ولاكن هاتشي ميعطيش سبب باش نتزوج بيه ...
ولاكن بلاتي!؟
انا راه مزوجة بيه؟
رودينة:كيفاش ابابا مفهمتش؟
بابا:اشنو لي مفهمتيش غتزوجوأو غنديرو لعرس أو كولشي أو ناس تعرفك مزوجة...
رودينة:ولاكن ابابا نتى مبغيتيش تفهم بلي مو..
قاطعني!
بابا:هاتشي لاباغيتي تغطي على لخطيئة ديالك أو هاد الفضيحة..
ادم:عمي نتى راه مفاهم والو هاتشي راه ميمكنش راه غير غلط وقع منين كنا انا و رودينة ف.
قاطعو!
بابا خاصو بهاد جائزة على عدد المرات لي قاطعنا فيها!
بابا:اه غلط غنصلحوه أو هاتشي لي ناوي ندير قبل ما نتفضحو انا خاصني نرجع ل بلاد باش نكَولها لمك او نحدد لعرس هاد الأيام..او نتوما خاص تمشيو معايا..
رودينة:بلاتي بابا..
او معندي منكَوليكم غير مقدرت نكمل لجملة ديالي حتى لقيت راسي فلبلاد قدام دارنا!
بلفعل كانت صدمة ثلاتية لابعااد لماما من بعد زيادات لبابا بطبعت لحال مغيقولش ليها قصة ليطريق كاملة هو كسرد لينا عليها بلي درنا خطيئة أو خاصنا نتزوجو...
ا عباد الله راحنا مزوجين!
واقيلا فهاد الحلقة غيخدم فيها ادم نفوذ ديالو باش يقاد تمثيلية اول مرة كيتزوجو أو بلي حنا بلاصل مكناش مزوجين..
كيكَولو كاين مثل ديال مكَدو فيل زادوه فيلة..
هاد المثل هو لي طبق عليا منين جات لا واقيلا غلطت فهاد الكلمة..
انصححها!
هجماااات عائلة ديال ادم علينا! من بعد معيط عليهوم بابا حييت عطاه نمرة ادم بنية لحسنة!
بثينة(الام ديال ادم):ادم 'جات عنقات ولدها'اش دروليك اولدي باش وصلاني اتصال بلي باغي تزوج شي بنت من هاد طبقة المتدنية!
ادم:ماما اش هاتشي كتكَولي قدام ناس
بثينة:ياكما سحروليك اولدي توليتي كتنهض فيا؟!
هنا فاض لكاس!
ماما:ايوة حدك تم فرعتي علينا لباب كَلنا مكين باس عيرتينا بطبقة متدنية دوزتها بجغيما دلما ولاكن باش تكَولي سحرنا ليه منسمحش لك...
بثينة:مالي كذبت باينة سحرتو لولدي باش غتخليوه يتزوج بنتكوم...
ماما:راه حنا لي كنفكرو واش نعطيوه بنتنا ولا لا...
بثينة:واش نتوما لقتو شي عريس بحال لولدي لي تزوجوه ليها و تخبيو لعيب لي فيها...باش تشرطو..
إيناس(اخت ادم):ماما بلييز متقوليش ليا غير غنديرو لعرس فهاد لبلاصة لعامرة بلحشرات...
بثينة:سكتي نتي..خلينا نحلو هاد المشكيل لي خرجات لينا من جنب...
بابا:الالة مكاينة حتى مشكيلة راه حنا باغين نجمعو دراري لي ناوين لحلال...
بثينة:انا مموافقاش نعطي ولدي لي هاد لعائلة لي ماشي من نيفَْو ديالنا ...
ماما:اهياتا حنا بزاااف علك يا لعوجة...
بثينة:لعوجة هي نتي يا شارفة لهارفة اوفف بعدي لهيه ريحتك عطااات...
او انا كنشاهد انا و ادم فهاد لمدابزة معقلنا على راسنا حتى طارت ماما على المرأة المسمات ببثينة كنا ...
رودينة:ماما طلقي من لمرأة راه غتقتليها...
ايناس:طلقي من مامي يلمتوحشة...
تاهي معقلااات على رأسها حتى لقيناها تخلطات مع مها...
...أو بعد نتيف أو لعضان او لقمييش ماما برداات غدايدها فيها ..
ماما:أوى هادي خدمة نقية ..
بثينة:بعدي لهيه أو متقبيش ليا كنتي غتقتليني. 'مشات عند ولدها' شتي اولدي شنو دارو لماماك أو ختك..
ايناس:اه اخويا شو كيوليت أو شوف طبايع لعندي فوجهي محال تمشي...
مشينا انا و ادم باش نهضرو فهاد شي أو فين وصلنا...
رودينة:اشنو غنديرو فهاد المصيبة اربي...
ادم:انا لحقيقة معرفتش أو مشاكيل دماما أو باباك لي مخلاناش نشرحو ليه ...
رودينة:بابا انا متأكدة لكَلنا لا غيمشي يقولها لماما أو زييد لماما بزااف دلحاجاات تتولي فاهمانا غلاط او بابا غيبقى غيبقى حتا يقول ماماك داكشي ديالنا أو ديك ساعة عاوتاني غيدابزو أو غنعاودو من جديد...
ادم:يعني نكَولو اه ..
للاسف!
رودينة:اه هادا هو لحل مناسب واخا راه حنا مزوجين يعني..
ادم:اه داكشي أو انا غنقنع ماما بطريقتي أو نتمنى هاتشي ميطولش كثر من لقياس..
رودينة:انشاء الله ...
منعرف ولاكن هادي اول مرة كنهضرو انا و ادم بلعقل ...
اويلي غتجي زينب او مغتلقانيش خاصني نشرح ليها باش تجي هنا ...
~~عبر الهاتف~~
رودينة:《الو》
زينب:《الو رودينة لاباس سمحيليا بزاف مغنقدرش نجي هاد اليومين حييت مشغولة بزااف هنا او هما محتاجين ليا..》
رودينة:《لا لا مكينش موشكيل حيت انا اصلا بلعروبية جييت مع بابا او خاصني نعود لك واحد لحاجة بزربة أو عافاك متقاطعينيش...》
زينب:《كنسمعك》
عاودت لزينب كولشي لحقيقة واقيلا ليوم
مغتسكتش من الاسئلة...
زينب:《كيفاش طرا هاتشي؟أو واش وليتي عايشة معاه؟أو سؤال الاهم واش حصلكم باباك بوضعية مخلة تال ديك درجة يعني بصيغة اخرة ،بوسة؟》
انا راه جاوبتها على هاد الاسئلة ولاكن هي بغا اجوبة بحال هادي...
رودينة:《اويلي بلاما تفكريني هو داني لواحد لمطعم حجزو لينا غير حنا بوحدنا أو درليا لخاتم وسط لحلوة امم ضروري نولي عايشة معاه امم ولاكن لي فاقصني هي كانت كثر من بوسة!》
زينب:《هاااا هاتشي كامل وقع أو مكَلتيهاش انا كنت متأكدة بلي طرا كثر من بوسة باش تعقدات الامور ياك؟ وغير كَولي سرك فبير!》
رودينة:《بصح!انا غنكَوليك شنو وقع》
زينب:《يالا كَولي تحمست!》
رودينة:《لي وقع هو .......موقع والو غير نتي واقيلا وقعاات ليك شي رتيجاج فراسك واش هادا هو رئي ديالك فيا واش انا كنكَووليك مشييت فيها أو نتي كتكَولي واش بوسة ولا كثر ...》
حمقة!
زينب《اصلا كنت عارفة نتي معندكش هاد زهر كولو》
قطعات من كليماتها القاصحة قبل صيفطليها ميساج حييت باينة مغتجوبنيش واخا نعيا مانعيط...
"شوفي يقدر يكون العرس هاد ليامات هاتشي علاش اجي هنا من بعد يومين"
صيفطتو ليها أو عطاتني جوج شرطات زورق دلات على لقرائة ديالها لميساج ولاكن واخا هاكاك مجوباتنيش..
خرجت من البيت لي كنت كنهضر فيه...
ايناس:اووفف واش مكيناش شي بلاصة فيها ريزو انبوسيبل نبقا هنا ...
رودينة:راه لبيت شاد فيه ريزو سيري ليه...

ايناس:حيدي حيدي من قدامي نشوف هاد زبل..
طال زمان ولا قصار انا غندابز مع هاد خيتي لي حاسة براصها...
...دازو ليام أو جا نهار لي تخطط فيه نتزوج ب ادم او نعاود نتزوج به داك نهار كنحس كيتعاود مرة اخرى ديال لباس كوافور كولشي شحاال هادي منين كنت كنتفكر هاد نهار ديال اني اول مرة غنتزوج كنت كنكره راسي حييت كنت فرحانة أو غنطير بلفرحة حييت غنتزوج براجل لي كنت كنبغي ولاكن من تعود زمان حسيت براسي بحال هادا نهار الجنازة ديالي غيتعاود...
قادوني مزيان بدا لعرس كولشي كان فرحاان حتى زينب لي جات الا بطبيعة الحال مامات ادم لي هانا نشاشةاومعاجبها حال أو حتى بنتها ولاكن هاديك عندها هم آخر هو لحشرات لي اصلا مكينينش ..
ادم(همس ليا فوذني):واش مجاكش صهد .
رودينة:بحالك بحال مك سلعة وحدة سير خود من عند ماماك نشاشة احبيب ماماه...
ادم:شنو كتقصدي؟! أو عافاك راه هاديك ماما واقيلا
رودينة:والو أو عافاك متبقاش دور أو تبقا
تهضر ليا فوذني...
ادم:شتيني غير مشوكَ فهاد شي لحصلت فيه..
رودينة:عافاك بلاما تهضر معايا من لاحسن باش مندابزش معاك أو نقربلوها..
ادم:واقيلا عندك مشاكيل عقلية خصك تمشي عند شي أخصائي..عدوانية.!
رودينة:لمسكتيش غنصدقو غادين عند صبيطاار...
داز داك لعرس بحال طرشة كيفما صفعاتنا واحد طرشة واقيلا..
نسينا واحد لحاجة...
ولاكن فات لفوت عاد تفكرناه..
محسينا براصنا حتا جمعونا فبيت واحد انا و أدم...
انا و آدم بقينا كنشوفو فبعضيتنا مصدومين...
شوفيا نشوف فك يا طاجين لحوت!
ادم:اهاه شنو غنديرو دبا!

يتبع♡♡♡

اسفة على تأخير غير حييت كانو عندي شي اشغال ولاكن انشاء الله فاقرب وقت غنحط لفصل جاي..
نتمنا يكون عجبكوم لفصل واخا تعطلت فيه!