يوم جديد على الابطال و نسرع الاحداث شوي
في بيت فواز كانو الجميع مشغولين بالتجهيزات للعزيمه اللي متفقين عليها ماعدا فواز و يوسف بالمكتب
يوسف ضرب الطاوله بعصبيه وفز : لا تقول لي بنعطيه توت وربي واللي خلقني م يلمسها
فواز ناظره باستغراب : وليه هالبنت مهمه بالنسبه لك ؟
يوسف بعصبيه : لانها البنت اللي حكيت لك عنها البنت اللي احبها والله يافواز لو صار فيها شي
فواد قاطعه ونطق بحده: انت مفكرني مجرم ؟ اسمعني للاخر ياخي
يوسف : قول
صار فواز يحكي له عن الخطه وشنو بيسوي مع حسين وراكان
يوسف : وتوت
تنهد فواز ومسح وجهه بيده ونطق : مابيصير فيها شي يابن الحلال شفيك هي بس بتساعدنا وانا كلمتها وقالت موافقه ماعندها مانع
يوسف : زين بس بجي معكم
فواز : وين تجي يا يوسف اصبر
يوسف قاطعه بسرعه: تخيل توق مكان توت شبتسوي يافواز
فواز ظل يناظر فيه وكمل يوسف: تخيل الحقير ذا اللي اسمه نايف حاول يقرب من توق شبتسوي جاوب شفيك سكتت
فواز بهدوء: باخذ روحه
يوسف: اجل لا تحاول تمنعني واعمل حسابك بس نخلص من هالمشكلة بفاتح توت بموضوع الزواج
جا بيطلع بس سحبه فواز من ذراعه : لحظه لحظه اي زواج انت ناسي انك تدرس ؟
يوسف: لا تخاف م بقى شي واتخرج باخذ صيفي واتخرج وتوظفني عندك شقلت
فواز : تخرج ونتكلم بموضوع زواجك
طلع يوسف لجناحه واخذ جواله ودق على توت
........
عند توت كانت جالسه بغرفتها ومطلعه ملابسها تختار اي لبس للعزيمه لفت انتباهها رقم يوسف انصدمت اول مره يدق عليها اخذت نفس وردت وهي حاسه بدقات قلبها تتسارع
توت بتوتر : اءء الو
يوسف : عرفتي عن اللي بيصير الفجر صح؟
توت : شنو اللي بيصير الفجر ؟
يوسف بعصبيه : اقصد ابن الكلب نايف وخطه فواز
توت : اي حكالي فواز كل شي وانا بساعده
يوسف: وانا بكون موجود لا تخافي طيب ؟
توت بتسرع : لااا انت لا تجي
يوسف: لييش ؟
توت : اخاف يسوي لك شي نايف انا اعرفه غدار
يوسف: ويمكن يسوي لك شي انتي بعد تبيني اظل جالس كذا ؟
توت : ماقلت اجلس كذا بس نايف يبيني انا
يوسف بحده : لاعاد اسمعك تقولين اسمه ياتوت
توت : لييه تكلمني كذا طيب؟
يوسف اخذ نفس من انتبه لنبره صوته معاها : معليه انا اسف بس والله مابيك تعانين اكثر لو بيدي كان مادخلتك بهالموضوع ابدا
توت بنبره حزن : انكسر لي قلب وخاب فيني شعور طحت بين عثرات الايام الرديه عشت في حزن ماصابني سرور ومازلت بيت اوجاعها قويه
يوسف: لو قلت لك خلي همومك علي ؟
توت: وش اللي يخليك مهتم لذي الدرجه يا يوسف
ابتسم اول م سمع طريقه نطقها الى اسمه : خلي السبب لي وخلي همومك لي بعد
توت : جاوبني ليه تتهرب
يوسف تنهد ونطق بهدوء: ابد ماكنتي هوى وملذة طيش ، انا اللي شفتك بعين الستر امّيمه عيالي
توت بدون م تنتبه ضحكت ابتسم يوسف
انتبهت لنفسها وسكرت في وجهه رمت جوالها على السرير ضربت راسها : ياغبيه لييه تضحكين الحين بيفكرك مبسوطه ، بس انا مبسوطه ليه اكذب ، بس وش يعني كلامه افف اكره ذي اللحظات اللي اكون محتاره فيها والبقرات خواتي مو هنا انا مدري ليه تزوجو
اخذت جوالها ودقت على توق
.......
عند توق كانت جالسه تلبس حلقها شافت توت تدق اخذت جوالها وردت عليها
توت بسرعه : توق سؤال وجاوبي عليه بدون م تسألي
توق بصدمه : بسم لله شفيك
توت : وش يعني اللي يقولك انا اللي شفتك بعين الستر أميمه عيالي
توق بضحكه : وين سامعتها
توت : انطقي شنو
توق : يعني يبيك ام عياله شنو يعني
توت بحماس: حلفيي
توق : توت وش في مخك انتي مين قال لك
توت : اقولك بس ماتقولين لاحد
توق : قولي يلا
توت : يوسف
توق بصدمه : يوسف يوسف اخو فواز ؟؟
توت : اششش قصري صوتك لا يسمعك زوجك ايي اخو فواز شفيك
توق: كيف و وين ومتى وكيف قالك يبيك ام عياله
قاطعهم دخول فواز اول م شافها ابتسم وضمها من وراها
فواز بهمس عند اذنها: اشتقت لك
توق بنفس الهمس : حبيبي لحظه اكلم اختي
اخذ الجوال من يدها ونطق : والله ياتوت كننا نتمنى ان توق تكلمك زياده بس تعرفي زوجها جا ولازم تهتم فيه وقت ثاني تكلمك
توت بضحكه : بشويش على اختي ياطويل العمر اعرفها من بوسه وحده بتدوخ
توق انصبغ وجهها من الخجل و بنرفزه من توت : توت ياكلبه انقلعي حسابك بعدين
ضحك فواز وشدها له بقوه
توق : يافواز متى بتترك حركاتك
فواز وهو يبوس رقبتها ويهمس باذنها: اي حركات حبيبتي
توق : فواز
فواز كان مستمر يبوسها ليه توق بعدت عنه ناظرها باستغراب : شفيك
قربت وضمته : مافيني شي بس مدري بتحس اني استحي
ضحك من سمع نبره الخجل بصوتها : شنو كانت تقول لك توت على موضوع نايف؟
توق : لا حبي بس بسالك
فواز سحبها وجلسو على طرف السرير مرر يده على خصرها وشدها له بحيث ان يصير راسها على كتفه وصار يلعب بشعرها : قولي ياعيوني
توق : شنو يعني اذا احد قال لبنت انا اللي شفتك بعين الستر أميمه عيالي يعني انا فهمتها ان يبيها تصير امه عياله صح ؟
فواز بابتسامه : صح اصلا واضحه من الكلام بس مين قالها لتوت
توق : وانت شعرفك انها لتوت
فواز بضحكة : لان لو كانت لك كنتي مارح تقولينها بهذا الاسلوب
توق : اممم ممكن
فواز ابتسم ونطق بهدوء: طيب مارح اتدخل بس وحنا ؟
توق : شفينا؟
فواز : متى بتصيرين ام عيالي ؟
توق ابتسمت بخجل وشدت على يده : مدري
فواز رفع راسها له ابتسم وباس عيونها ونطق : انتي تبين هالشي ؟
توق بارتباك: تقصد ان ابي يصير
فواز قاطعها بابتسامته : عندنا عيال اي تبين ؟
توق بخجل ضمته ونطقت بهمس : ابي بس مو الحين
فواز:متى طيب
توق بعدت وناظرته ببرائه اخذت قلبه : اذا خلصنا من العله نايف وابوه مابي اجلس اهوجس بأي لحظه ان يصيبك شي منهم خلينا بعد م نرتاح منهم طيب ؟
فواز تنهد وباس راسها : طيب خلاص اللي تبيه
قاطعهم صوت السيارات تعلن وصول الضيوف
توق : الضيوف وصلو يلا ننزل
فواز : لحظه
مسك يدها ولفها قدامه مرتين وشدها له بضحكة : وش ذا الجمال ياحبيبة خاطري
توق حاوطت رقبته بيدها ونطقت بابتسامه وخجل : شوي من جمالك ياعيوني بس ترا اذا ظلينا كذا م بنخلص بعد مايروحو لضيوف تغزل لين تشبع
فواز : وبرايك بقدر اشبع منك ؟
توق بضحكة وهي تبعد عنه : مدري صراحه
طلعت متوجهه الى الصاله للضيوف اما فواز توجه الى مجلس الرجال
...........
عند تالين وعزام وصلو المملكة وتوجهو شقتهم يجهزو بسرعه لان توق خبرتهم عن العزيمه
جاها عزام بس م لبس ثوبه وشماغه كانت مشغوله بلبس الكعب بس من قرب عزام لها ناظرته وبسرعه توجهت للحمام عزام استغرب من وضعها ركض لها يبي يتطمن عليها
تالين وهي حاطه منديل على خشمها : عزام اي عطر مستعمل انت ؟
عزام : بسم لله عليك عطري اللي احطه دايم
تالين: شفيه صاير خايس روح بدل
عزام : تستهبلين انتي ؟ تاخرنا اي بدل مب مبدل ولا شي
تالين بحده : والله م اركب معاك السياره وانت حاظ هالعطر
عزام بنرفزه : تالين ترا مو وقت دلعك هالعطر صار لي سنين احطه و انتي كان عاجبك شصار الحين
تالين بعصبيه : مووو حلوو غصب يعني ؟؟
عزام : وش في امك معصبه انتي ؟ اقولك مب مغير
تالين : يابزر اقولك غيره مو حلوو العطر
عزام بعصبيه رما شماغه على السرير ونطق : اللهم طولك ياروح
قام وغير الثوب ولشماغ قرب ونطق : اخلصي انتي اختاري العطر
ابتسمت بانتصار وقربت اختار له عطر وعطرته بضحكة
عزام : اشوف بين سنك ؟ بعد م خليتني اغير
تالين : انت الله يهديك عصبي وش صار لك غيرت من البدايه ؟
عزام بضحكه : اهخ انتي بتخليني اجن
ابتسم ولبست عبايتها شبكت يدها بيده وتوجهو لبيت توق
...........
عند فواز بمجلس الرجال كانو الجميع مجتمعين ابو خالد و اخوانه و عيالهم و خالد و فواز واخوه و دقايق وجاهم عزام و اخوياهم وكان من الحضور خال البنات احمد و ولده سلمان
كانت الجلسه كلها سوالف و ضحك بس قاطعهم
الخال احمد التفت لابو خالد بابتسامه : يابو خالد لي عندك طلب واتمنى ماتردني
ابو خالد : ابد ابشر بعزك
الخال احمد : تعرف بنات اختي الله يستر عليهم كلهم تزوجو ماعدا وحده وانت اعرف الناس فينا وفي نسبنا
يوسف احتدت نظرات الى الخال وابوه انتبه له فواز وشد على فخده بمعنى اهدا ناظره يوسف وهو شوي وبينفجر وكمل الخال احمد : بعد اذن الحاضرين وبعد اذنك انا طالب يد بنتك لولدي سلمان
يوسف بعصبيه شد على يد فواز كان الوضع شد اعصاب بالنسبه ليوسف وفواز
ابو خالد بهدوء: والله انت خال البنت ولنا الشرف فيك وفي ولدك بس يابو سلمان انت عارف الشرع لازم اسال البنت و الحين وراها دراسه اجلها وانا اخوك واذا ربك كاتبها من نصيب ولدك بتصير واذا لا فالله يرزقه باللي احسن
ابتسم فواز ليوسف اللي ناظره باستغراب
يوسف بهمس: يعني وافق والا لا
فواز هز راسه له بمعنى لا ونطق بهمس :بس بيسالها
ابتسم يوسف بفرح وكانه ملك الدنيا كلها بس بنفس الوقت في خوف داخله بحكم ان للحين مايعرف مشاعر توت تجاهه
...........
نسرع شوي الوقت عند ابطالنا
انتهت العزيمه وكل من راح بيته وظلو توق وفواز لوحدهم
كانت توق بالغرفه تتجهز لنوم شالت مكياجها ودخلت تروشت طلعت شافت فواز جالس على السرير وبيده صوره ابتسمت وجته من خلفه ضمته وباست خذه : صورت مين ذي
فواز ابتسم ورفع الصوره لها ونطق : ذي صورتي مع ابوي قبل لا يقتلوه باسبوع كنت متحمس كثير لانه بنروح حديقه الملاهي مع بعض وتصدقين من بعد موت ابوي مارحت ابدا يعني في طفولتي
توق بابتسامه : تروح معي ؟
فواز ابتسم بسخريه : م رحت وانا بزر بروح وانا كبير لا لا انسي حبيبتي
توق : عشاني حبي خلينا بعد م نخلص من بكرا نعيش حياتنا طبيعي كل شي نبيه نسويه نسافر ونلعب ونروح ونجي بكرا نهايه تعبنا كلنا
فواز تنهد وعد جلست مد يده لها بمعنى تعالي قربت منه وجلست بحضنه
توق : شقلت حبي ؟
فواز : اشش الحين خليني انام وبكرا نتفاهم ولا تنسي وعودك لي كلها
توق ابتسمت من فهمت عليه قصده موضوع الطفل باست خذه ورجعت مكانها وانتهت ليلتهم
..........
يوم جديد على الابطال وتحديدا عند
توق وفواز ، ويوسف و توت بالسياره توجهو عند المكان اللي اتفق عليه فواز مع نايف
عند ابطالنا بالسياره
فواز : توت خففي توترك وانا اخوك وترا اسمحيلي بس انا هنا ع الاقل مضطر امد يدي عليك
يوسف بدون م ينتبه : تخسي وتعقب علشان اكسر يدك
فواز ناظره بحده وبعدها نطق يوسف : اقصد يعني
فواز: اششش انت حسابك بعديين ، سمعتي توت
توت بقوه : لا تخاف عارفه كل شي وسوي اللي تبيه
توق : اي بس بدون محد يتأذى فيكم
فواز : ان شاء الله
وقف سيارته والتفت ليوسف : انت وتوق خلكم بالسياره وهذا حسين مع راكان والباقي موجودين ع اليمين
توق شدت على يد فواز ونطقت بنبره حزن : تنتبهو لانفسكم منه تمام؟
فواز : لا تخافين
حطت توت جهاز التتبع بعبايتها واخفته توجهو و وصلو عند مكان المستودع دخل فواز وهو يشد توت ودخلها معاه
نايف اول ماشافها فز : تاالا
توت ناظرته بهدوء والتفت لفواز بتمثيل : ليش جايبني هنا
فواز سحبها وراه : هات الادله وخذها
نايف بعصبيه: لا تقرربب منها
فواز : لا تجلس تنافخ على راسي قلت لك جيب الادله
نايف بعصبيه اخد الاوراق و تسجيل الصوت ورماهم عند رجلين فواز: خذ كل شي وخذ ابوي بس عطني تالا
فواز همس لتوت : انا بطلع دقايق
توت ناظرته بصدمه ونطقت : بتخليني عنده ؟؟
فواز ناظر للجهاز يذكرها بوجوده واشر لها بمعنى لا تخافي
توت ناظرت بنايف اللي واقف ومتلهف لها بعدها ناظرت لنايف بنظرات قرف
......
عند حسين وراكان جاهم فواز بالادله
راكان : ها بشر
فواز : هذا هم الادله تاكد منهم ياراكان
راكان اخذ الاوراق والتسجيلات ومدها للضابط اللي جنبه : تاكل لي منهم ع السريع
حسين : توت مركبه الجهاز والا ؟
فواز : اي اي بس لازم م نتاخر انا متفق معاها ان تخليه يطلع ومن بعدها يبدا شغلك ياراكان
راكان حط يده على كتف فواز وشد ونطق : ماعليك
........
عند نايف وتوت
نايف قرب يبي يضمها بس وقفته ناظرته بنظرات حقد ونطقت وهي تحاول تستعطفه : لك عين بعد تقرب مني بعد م تركتني معاهم ؟
نايف وهو يحاول يقرب منها : تكفين اسمعني غصب عني اخذوني اولاد الكلب
توت وهي تمثل العصبيه : لا تسبهم انت لو ماتبي
نايف بصراخ : انتي اللي رحتي وقلتي لهم كل شي عني وعن ابوي استغليتي حبي لك
توت ناظرته بهدوء وقربت منه ونطقت : ايي لانك ماتفهم انت تبي كل شي بالقوه وعمرها ماكانت حركاتك رجوله لو جيتي باللين يمكن حبيتك بس تعرف الغلط مو بس عليك الغلط الاكبر على اهلك من يوم جيت على الدنيا وانت تسمع موافقه على شي ماعمرك سمعت كلمه لا ولما جيت انا وقلت لك لا ماظل شي م سويته فيني يانايف
نايف بهدوء: انا كل شي سويته عشانك
توت : كل شي سويته عشان نفسك يانايف عشان نفسك
نايف بعصبيه وبكي بنفس الوقت قرب منها وضمها بقووه : احبك تكفيين لا تتركيني تكفييين انا شفت فيك اللي م شفته باهلي تكفيين
توت صارت تحاول توخر عنه بقوه : ناايف شقاعد تسوي ناايف وخرر
نايف بسرعه وبصراخ صار يبوسها ويضمها : تكفييننن تالاا
توت بقوه وخرته عنها وضربته كف بقووه : الله ياخذك
طلعت برا بسرعه فزر راكان وفواز من شافوها جايه تركض التم المكان بالشرطه حاوطو المكان والقو القبض على نايف ولما جو بيركبوه السياره جته توت و وقفت قباله ونطقت بقوه وهي تناظر بعينه
جعل المرض من عز نومك يصحيك
وامك تشق الثوب من قو بلواك
جعلك تنادي الموت و الموت يجفيك
تفقد لذيذ النوم والناس تجفاك "
كملت وهي تناظر فيه : حسبي الله عليك ياجعل ربي ياخذ حقي منك وحق كل ليله عشتها ودمعتي على خذي بسببك روح يجعلك ماتطلع من هالقبر اللي دخلت نفسك
ناظرها ودموعه على خذه ونطق : كل شي سويته لاني احبك
ناظرته بقرف ومشت التفت شافت توق تناظرها بابتسامه ركضت لها وضمتها بقووه صارت تبكي بحرقه وكأن كل اللي عاشته ينعاد عليها صارت توق تضمها وتمسح على راسها رفعت راسها توت شافت يوسف يناظرها بابتسامه بادلته الابتسامه وخرت عن حضن توق ابتسمت لها اختها ومسحت دموعها
توق : انتهى ياعيون اختك انتهى
توت بدموع : ماعاد بشوفه صح ؟
توق بابتسامه : باذن لله خلاص
ضمتها بقووه وهي تبكي وتضحك وتحمد ربها انها خلصت من نايف ومن همومه
عند يوسف كان فواز واقف جنبه وهمس له
يوسف : بما اننا خلصنا من هالحيوان و قرفه يعني الحين وقت
فواز قاطعه وابتسم له ونطق : قريب وانا اخوك قريب
يوسف بادله الابتسامه وضمه : الله لا يحرمني منك طلعو من المكان توجه فواز و وصل توق و الباقي البيت وتوجه للمقبره عند قبر ابوه اول م وصل عند قبر ابوه جلس ونزلت دمعته بحرقه : اشتقت لك يبه ادري صار لي فتره م جيتك بس ماحبيت اجيك وانا ماوفيت بوعدي لك ابو نايف بالسجن يايبه و كل الادله جبتها ضده انتهى يايبه واخدت حقك
طاحت دموعه ونطق : جيت قبرك وحولك كل هالقبور تتشابه وأهلها داريين بجيتي وساكتين ، ذاك الميت وهو شايب وذاك بشبابه وذاك ميت وهو في بطن امه منهو اللي بنعيم ومنهو اللي بعذابه كلهم عند ربي برحمته نستعين بس قبرك يابوي والله ان له مهابه كانها هيبتك يامكرم الغانمين جيت قبرك وعيني ياحبيبي سحابه ساقها لك لك حنين وهلها لك حنين
ظل يبكي عند قبر ابوه وبعدها قام متوجهه للبيت
عند فواز بالسياره التفت لجواله شاف توق داقه عليه
توق : حبي وينك
فواز : توني طالع من المقبره زرت ابوي وهذانا جاي البيت
توق بخجل : اءء شرايك تتاخر عشر دقايق ؟
فواز: ليه شعندك
توق : فواز شفيك مو قلنا بعد م نخلص من نايف بنسوي شي
فواز ضحك بقوه على خجلها ونطق : اخييرا جت منك ؟
توق بضحكة وخجل : افف خلاص عاد
فواز : طيب باخذ لي لفه وبجيك تمام؟
توق : طيب واذا جيت وانا لسى ماجهزت اجلس بالصاله لين اخلص
فواز : حاضر من عيوني
توق : ابوس عيونك
............
عذرا على التاخير ،نكمل وقت ثاني وقراءة ممتعه للجميع 🤍
