في اوسطهم

البارت السابع

بسم الله

اللهم صل على محمد وآل محمد وعجل فرجهم
♡♡♡♡♡♡♡♡♡♡♡♡♡♡♡♡♡♡♡
تفانت عواطفي بنبلٍ
تغطس في محاجر ودَكِ
يا وَهجاً للغسق المنطوق ..

أرواحاً قَد تخالطت اعماقها
بسمَك..
حتى ما عاد للتباعد قدَماً
وإن تَلبس في شتان مظهر
سيزجرهُ الحُب بعيداً..

بياض الغرفة والآلات والسرير وحتى قميصي ابيض
ماعكس ذرة على كًلبي الفَحَم بمرسال الشؤم
مهامس يزور مسمعي ودفو براحة إيدي وملتف عليها
وبين مرة ومرتين كررت محاولتي  فتحت عيوني ناطق بغرابة:
_ وين آنه ..

صاح رماح بفرح: كًعد يابة كًعد

مطرت عليهم عيوني بنظراتها الحايرة سرعان ما غطاها الفزع بأول ذكرى للصار :
اعتدلت بكًعدتي صارخ بلهفة:
_ رماااح

داروا علية اثنينهم ونصر وياهم :
طلال لازم إيدي يرد علية بقلق:  كًول حبيبي شبيك؟

_ لازم اطلع لازم اشوف حل ..

طلال: على كيفك انطينه مجال وين تروح؟

_ إلها

اقترب أبوي هاجر كرسيه الي بنهاية الغرفة ماخذ من طرف سرير المستشفى مقعد ثاني إيدة صارت بإيدي ثانية ونبرته الحنونة تريد تهدي وتخمد نوبة نيران الوجع الشبت ..

وآني خالي من اي احساس عدا الخوف ترجيت أبوية يبرد روحي:
_  إذا صدكُكً تحبني طلعني منا خل الحك عليها والله همه مو اوادم ويجبرونهه وحتى يأذوها ايدهم والطكً

_ بوية وين تروح؟ كل حكً مالك

_ إلي حكً كًلبي العاشكًها
وحكً عشرتنا  وايامنه وضحكتنا سوة
بكل الدرابين ..

طلال: هدي روحك يخوية البت مسجلة باسم ابن عمها حب
هاجمت عبارته بقهر :
_ مو سلعة هي ولا دار للبيع تسجل باسم هذا وذاك والله اذا ماخليتوني اطلع لو ما وكًفتوا وياي ابليكم بسالفة تشهركم بالمنطقة كلها

نصر: فهمني شتريد تسوي وآني حيلك المهدود اسويلك رغبتك

خزرة طلال غلس و حضن جتفي ..

عواد: خليناك تطلع شون تحلها؟

_ أنته مو تروح إذا… حشرت بلعومي وكًلبي عز عليه يمررها
_ إيي عزموني

_ كًل للشيخ البت مجبورة

_ وياخذ بحجيي؟

_ مارح يحصلون شيخ غير شيخ جامع مالت المنطقة هسة وشيخ راشد يخاف ربه ومايسويهه اذا ما يتأكد من رضاها

_ ومايكًدرون يجيبون شيخ غيرة؟

_ هسة بس عكُبهه لباچر واني الكًالي حل ثاني..

غض سمع عني يتنهد بحيرة:

_ ها يابة شكًلت

_ أمري لله ..