5
كلهم ملتمين على الغدة جنت كاعدة وياهم بس بدون نفس
جان عمي صالح كاعد واباوع على بناتة وفواز يمة شلون يضحكون ويسولفون اختنكت كلش
وطلعت الشهگة من صدري قوية ونزلت دموعي اتذكرت بابا كمت من الاكل ورحت لغرفتي اناشغ ودموعي تنزل
جنت احاول اكوون قوية وماخلي دموعي تنزل كبال احد بس تخوني دموعي وينزلن غصب
ثاني يووم كعدت الصبح فتت سبحت لفيت المنشفة على جسمي وطلعت من الحمام فتحت الجنطة صفنت شنو اللبس هسة لبست فستان اسوود طويل وشعري ضل مفلول بس ذبيت الشال علي وامبين كلة
باوعت من شباك الغرفة فتحت باب البالكون الجووو روعه مطر وباردة والشط امبين وصوت ماطور المي ع شط يخبل الجو
نزلت جوة للمطبخ لكيت سجى محضرة العجين تريد تطلع تخبز وجدي وجديتي كاعدين بوستهم
جوان..جدوو خلي اروح وية سجى من تطلع تخبز وبعدين نطلع نتمشى شوية بالبستان
جديّ. يي روحي جدو بس خلي عباية على راسج من تطلعين هنا مو مثل بغداد
جوان .اوك فدووة لجدو بستة ورحت اخذت عبايا من سجى ولااعرف البسهة كل ساع اتطير وتوكع ويطلعن هدومي وتضحك علية خبزت وكملت وطلعنة نتمشى وصلنة يم الشط جانن نسوان يم تنور طين يخبزن قريب ع شط سلمت سجى عليهن وكامن يسولفن
سجى..اعرفكم هاي بنت اخوية محمد الله يرحمة
ام اياد..هاا هاي بنت بغداد
ضلن يباوعن علية اكلني اكل
ورة شوية سمعنة عياط جوي جهال يصيحون واحد من جهالهن واكع بالشط لأن مطر وصاير طين وزالك وواكع
والشط عالي وسريع يجري لأن شتا ومطر رحنة نركض للجرف مال الشط وشفت الطفل مجلب بصخرة ويبجي
كامن يتعايطن
لا إراديا مااعرف منين جتني الجرأة وشمرت نفسي بالشط اعرف الفراك والموت صعب شفت خوفها على ابنها ودموعها واني مااعرف اسبح اصلا بس الله انطاني القوة مدري منين واذا متت عادي ماكو شي وراية وجريت الطفل وبلكوة وصلت لجرف وانطيتها ابنهة وبعد ماكدرت اقاوم وجرني المي وتعبت جلبت بحجر
سجى .بس شفتها شمرت نفسها بالشط هاي الخبلة ركضت للبيت لا ارادي وصلت اصيح واعيييط راح تغرك راح تغرگ
فواز..شبيج اهدي مني
سجى..جوااان الحكها شمرت نفسها بالشط
فواز..طلعت ركض شفتها مجلبة بالحجر وماتحملت وجرها المي شمرت نفسي بالشط وسبحت والمي يجرها بلكوة وصلتها وجريتها للجرف ردت اصحيها ماكو مختنگة
فوواز...وحدة منكم تسويلها تنفس استطناعي
ام اياد ..مانعرف
فواز..ماكو كدامي خيار ثاني قابل اخليها اتموت سويتلها تنفس استطناعي طلع المي من خشمها وحلكها وصحت شوية باوعت عليها جسمها كلة منكع وامبين لازكة الهدوم عليها وشعرها مفلول شطولة ماكو شي يغطي شلتها واخذت عباية من عبي الواكفات غطيتها واخذتها للبيت صعدتها للغرفة واني عصبي وعيوني يجدحن كمت اصيييح سسسسسجى
سجى..ها
فواز..ساعديها خل اتغير ملابسها لتتمرض وهاي بعد لحد يخليها تطلع برة بعد لا اكسر رجلهة لتفضحنة بينة حيل فضاايح
طلعت وكاعد بالديوان وعصبي افور والناس الكاعدة يمي ومشاكل الناس كمت اشبج بيها
فواز..ادري صعبة تخسر ابوها بس مو تنتحر خبلة هاي
لليل كاعدين نتعشة شفتها ماكو سألت سجى وينها
سجى..مريضة شوية وحرارتها مرتفعه
فواز..طبعا شامرة نفسها بالشط بهل برد والمي ثلج اكيد تتمرض لاتخليها توصل لباب البيت بعد ترة اذا اشوفها برة اكسر رجلها
سجى..هاي شبيك البنية يتيمة تكسر گلبها هيج
ثاني اليوم الصبح
فواز..كعدت بدلت لبست دشداشة وغترة ونزلت للمطبخ اتريك ورحت لديوان
جانت اكو مشكلة وحليتها ورة شوية اجة علية جيرانة يشتغل فلاح ابو اياد
ابو اياد..السلام عليكم شيخ
فواز .وعليكم السلام اتفضل ابو اياد
ابو اياد..جاي اتشكر من المحروسة بنتكم الله يحميها والله فضلت علينا من فوك
فواز..مني هاي وشنو السالفة
ابو اياد..مو البارحة ابني راد يغرگ وهية انقذت حياتة هو بس هالولد جان خسرتة لوما المحروسة اتشركلي منها نيابة عني ومشكورين على هل تربية
فواز..ضليت صافن يعني هاي الخبلة مارادت تنتحر شمرت نفسها حتى اتطلع الطفل وعرضت حياتها للخطر وماتعرف تسبح بس حتى اتطلع الطفل ضحكت على شجاعتها واتذكرت شكلها واني شايلها
للحكاية بقية ....
