🍃 مشاعر_صامتة 🍃| ( مكتملة )

🌛بارت 109🌜

🌺مشاعر صامتة🌺
                   بقلمي✏️: خولة غزالي🌹
           

بعد مرور اربع أيام
و أخيرا جا نهار لي كيتسناو فيه أبطالنا نص باغي هاد نهار يجي و نص اخور متخوف منو و لكن حاط أمالو فالله
هبط من لوطو ديالو قاد حوايجو سد لباب و تم متقدم بخطواتو موزونة و عينيه كيشوفو غير فجهة وحدة ما كايتزحزحوش دخل من لباب و بقا غادي بخطواتو تا وقف قدام غرفة دكتور دق بشوية تا سمع لإدن و دخل هز فيه طبيب عينيه بان ليه داخل تا جلس قدامو بكل هدوء سد ملف لي فليديه و نطق بابتسامة: مرحبا بيك امسيو ناصر
اومأ ليه ناصر و نطق: كولشي مزيان
نطق طبيب بابتسامة: كولشي هو هداك
شاف فيه ناصر بتساؤل و نطق: سماح؟
نطق طبيب و هو شابك ليديو: بصراحة اخت ديالك ماعندي مانقول عليها من غير انها كتحسن بطريقة زوينة حيت هي قانعة بالفكرة انها باغا تحسن و مانكدبش عليك نبغي نبشرك ان ختك تقدر تزيد معانا شي شهورة قلال و يمكن ليها تخرج تا نتأكدو من سلامتها و شفائها 100 في 100
نطق ناصر بهدوء: كنشكرك على مجهودات ديالك
بتاسم ليه دكتور و نطق: ماتحتاجش
تنهد و نطق: امكن ليا نخرجها ليوم لواحد غراض
حرك ليه دكتور راسو بنفي و نطق: لا حيت لا خرجات امكن كولشي يتضرب لينا فزيرو اللهم تا تشافا بمرة
وقف ناصر و نطق: واخا ، دبا امكن ليا نشوفها؟
اومأ ليه طبيب ناطق: اه بطبيعة لحال قول لأي ممرضة ديك لعندها
اومأ ليه ناصر استأدن منو و تم خارج بخطواتو خاترة و اول ممرضة بانت ليه قصدها وطلب منها توريه لغرفة، تمات غادة معاه وقفاتو قدام غرفة ختو حلات لباب و دخل هو فالمقابل هي سدات لباب و خرجات دور عينيه فلغرفة بانت ليه مختالفة على لغرفة لي كان شافها اخر مرة بالعكس هاد لغرفة مدخلين فيها جوج ألوان من غير لبيض كان لون سموي عاد لون باج لي عاطين جمالية خاصة
تسللات ابتسامة خفيفة ملي بانت ليه مربعة رجليها و كتقرى فلكتاب منغامسة معاه جامعة شعرها كعكة مهملة ماكدبوش لي قالو لوقت كافي يشفي الجروح و هادشي لي وقع لناصر واخا يوقع لي وقع كتبقى ختو المدللة و حبيبتو مفششة تنهد براحة حيت حاس براسو مابقاش كيكن ليها تا كره فلداخل ديالو ،تقدم لعندها بخطوات هادئة تا جلس حداها و هي مشاعراش بيه حيت من هواياتها انها تقرى و تستكشف ،هز ليديه و حطها على شعرها كيدوزها عاد حسات بيه كمشات حواجبها بانزعاج هزات عينيها و ماغاتجي غير فعويناتو ديك ساعة عينيها تغرغرو نطقات بصوت خافت: تعطلتي
بتاسم ليها و نطق : تسمحي لخوك
ديك ساعة عنقاتو كتنخصص و تدوي: توحشتك بزااااف اناصر و الله علاش مابقيتيش جيتي لعندي واشي حيت باقي مقلق مني ااا
باس ليها راسها مزير عليها و قلبو مزير عليه : على نقدر نتقلق من بنتي اا
بعدات منو كتشوف فيه بحزن و نطقات: وعلاش تعطلتي
بدا كيمسح ليها دموعها ونطق: بحال ماعارفاش خدمتي
اومأت ليه بايجاب و بتاسمات ليه عاودات حطات راسها على صدرو فالمقابل هو نطق: جيت نقول ليك شي حاجة
ناضت و شافت فيه نطق تاهوا مكمل: خاصكي تباركي لخوك راني نويت ندير لمرى
سماح وسعات عينيها و نطقات: بصح
بتاسم ليها ابتسامة حلوة و نطق: ااه و ليوما عقد
دازت ليها دمعة و نطقات: ماغاديش نحضر
تنهد شد ليها وجهها بين ليديه و نطق: ماتخميش غادي نخلي لممرضة تيلي و ندوي معاك ابيل فيديو كولشي تشوفيه
برقو عينيها لمغرغرين و نطقات: بصح
اومأ ليها و نطق: على راني نقدر
عنقاتو فالمقابل هو بقا معنقها مدة طويلة و بداو كيتعاودو تا دازت ساعة شاف تيلي كيصوني هزو و نطق: وي ياسر
ياسر نطق بجدية: محاكمة بقات ليها ساعة و نص
نطق ناصر بهدوء: هاني جاي
قطع معاه بعدها عليه ونطق: نخليك دبا و كنتمنى تبقاي بحال هكا باش تخرجي فأقرب وقت
بتاسمات ليه بحنان و نطقات: كون هاني اندير لي فجهدي
بتاسم ليها باس ليها جبهتها و وقف توادع معاها و خرج من غرفتها ناوي يشوف ممرضة و يعطيها تيلي بعد مدة خرج من سبيطار كلو ركب فلوطو و تم غادي لوجهة ديالو لي هي المركز

وقف قدام لمركز و تم داخل بخطواتو واتقة وصل قدام مكتب ديالو و دخل و ما غاتجي عينيه غير عليها مابين لكل زير على ليديه و عقد غوباشتو مكره عض حنكو سد لباب شاف فعينيها نيشان و بلا ما يتحرك نطق ببرود: اش راك ديري هنا
شافها مجاوباتوش زير على ليديه كتر و نطق: ألاء سولتك
ديك ساعة سرطات ريقها و شافت فنجوى كترجاها بعينيها باش تعتقها ديك ساعة نطقات نجوى بهدوء: بغات تحضر لمحاكمة و ماتخافش ماغاديش تشهد
شاف ناصر فنجوى و عاود شاف فألاء و نطق هاد مرة بصوت شوية عالي: ألاء سولتك اش راكي ديري هنا
ألاء سرطات ريقها و نقات بصوت هادئ: بصراحة بغيت نحضر لمحاكمة

يتبع...✏️

ياله ترحمو عليها بوحدة بوحدة🙂♥️