🍃 مشاعر_صامتة 🍃| ( مكتملة )

🌛بارت 110🌜

🌺مشاعر صامتة🌺
                   بقلمي✏️: خولة غزالي🌹
          

ديك ساعة ما جات فين ترمش تا لقاتو واقف قدامها و عينيه فعينيها جاب ليها خلعة خصوصا ملي شافت عينيه حمرين: راكي مريضة أ ألاء بلا ماتجعريني
تدخل أناس ملي شافو يقدر يغلط: ناصر مافيها والو
ناصر تلفت ليه و عاد قدر يلاحظ وجودهم كلهم اناس ياسر الياس من غير نجوى و ألاء مسح على راسو و نطق تاهوا: فيها ا اناس سمعتي راه مريضة ،راه شهادة ما غاديش تشهدها غير على قبل مرضها و نت كتقول ليا غاتمشي لا مشات غير تشهد حيت مايمكنش هي حاضرة و ما شاهداش
تنهدات ألاء و تقدمات خطوة لعندو شدات ليه فليدو و نطقات: عااافاك اناصر غير هاد لمرة مافيها والو لا شهدت و حضرت
عض على حنكو كيشوف فعينيها مغرغرين قدرات تكسب عاطفة ديالو زير على ليديه ماعرف ما يقول بغا يقول ليها لا و تكمشي و خاف لا تحقد عليه خصوصا انه خايب فتصرفاتو و ماباغيهاش تشوفو جاعر حيت تقدر تبدل نظرتها عليه
تنهد و نطق ببرود: دكتورة
هي غير سمعات ديك دكتورة عرفاتو بدا كيبرد زيرات ليه على ليديه و نطقات بصوت خافت قدر يسمعو غير هو جاب ليه تبوريشة: عافاك احبيبي
شاف ليها فعينيها و نطق تاهوا بصوت خافت : غاتخلصي ادكتورة اتخلصي
بتاسمات ببراءة و نطقات: واش صافي وافقتي
باس ليها جبهتها خلاها تغمض عينيها من قوة إحراج و نطق هو بصوت خافت و شفايفو محطوطين على جبهتها: على نقد نرفض لخضرة لعيون
بعد منها ملي سمع إلياس كيكحب تلفت ليه وشاف فيه ببرودة مدوز عينيه عليهم كلهم و نطق: مزالكم هنا
وسعو فيه عينيهم بصدمة جرى عليهم عاين باين شاف فنجوى و نطق: كولشي واجد
اومأت ليه و نطقات: اه كولشي مزيان
خبطات ليديها على حقيبة لي كانت هزاها و نطقات: كولشي كاين هنا
نطق إلياس بتساؤل: و طبيب
شافت فيه و نطقات بانوتة: ايتبعنا لمحكمة
شافت فساعتها و نطقات: بقات لينا ساعة فقط
ناصر شد فألاء من ليديها سليمة و نطق: انمشيو من افضل نكونو قبل
لاح هضرتو و تقدم لبيرو و معاه ألاء تا هز شي حاجات و تم خارج مخليهم غير كيشوفو شافو تاعياو وتبعوه
ركب ناصر و ألاء و كسيرا شد أناس فنجوى من كتفها و نطق: تمشي معايا
شافت فياسر لقاتو كيشوف فيها بنص عين و هو كيدوي مع إلياس زعما راني مامسوقش بتاسمات لأناس و نطقات بعد ما عنقاتو: بطبيعة لحال
ركبات و ركب معاها و كسيراو مخلين ياسر مزير على ليديه بقوة ماحملش لبلان كيفاش عنقاتو و مشات معاه مشا ركب و سد لباب مجهد و ركب حداه الياس و قبل ما يديماري نطق إلياس بهدوء: علاش كنحس بيك كتعرف نجوى و شايفها قبل من دبا
شاف فيه ياسر و ديمارا مخليه كيشوف و نطق: ادن كلامي صحيح اياسر
تنهد ياسر و نطق: اممم كانت جات لعام لي كنتي مشيتي لسلا على قبل قضية
نطق إلياس و عينيه مترقبين حركاتو: شنو كانت نجوى بالنسبة ليك
زير ياسر على ليديه و نطق: كانت
نطق إلياس بهدوء: دبا
ياسر نطق ببرود : محامية خويا
نطق الياس مصغر فيه عينيه: متأكد
هنا ياسر نطق ساد على موضوع: تا نفكو لحريرة و نعاود ليك
سكت إلياس مخليه فراحتو مكمل طريقو تابع أناس و ناصر بعد مدة وقفو بتلاتة قدام لمحكمة لي غادي تحكم على مصير لؤي يا اما تنصفو او تظلمو
دخلو لمحكمة جلسات ألاء و حداها نجوى و حداها جلس اناس و إلياس مخلين ناصر واقف حدا ألاء و ياسر واقف حدا واحد لباب
وقفات نجوى و نطقات: سمحو ليا
خلاتهم و مشات لحمام بدلات حوايجها بحوايج لمحامية و خرجات متاجهة لعند واحد من شرطة نطقات بتساؤل: واش موكل ديالي لؤي جا
اومأ ليها شرطي و نطق: اه جا
نطقات بتساؤل: امكن ليا ندخل لعندو
اومأ ليها بنفي و نطق: لا ممنوع
كمشات حواجبها و نطقات: علاش
شرطي: قرار خرج من فوق مني
كمشات حواجبها كتر و نساحبات عرفات قضية داخلة فيها عائلة ضحايا و بلعاني دارو هكا وقفات عليهم و نطقات بصوتها انوتي: بصراحة مخاصناش نحگرو عائلة ضحايا حيت قادرين على بزااف
نطق ناصر بجدية: ماتخافيش امور كلها مزيانة
مقال هكا تا كان متأكد من كولشي حيت وقف على اي حاجة غير باش ما دخلش رشوة فالقضية
بتاسمات ليه نجوى و تلفتات ناوية تجلس و ما غاتجي عينيها غير فعينيه لي كيشوفو فيها ببرود كيطلعها و ينزلها كيشوف لبسة كيف جات معاها وتاهيا ماشي من عاگزين غمزاتو و مشات جلسات خلاتو كمش حواجبو و لولب عينيه مبعد شوفة عليها حيت زمطاتو خلات قلبو كيضرب

بعد مدة هزات عينيها ما غتجي غير فعينيه كيشوفو فيها بألم و حزن و بلا ما تشاور مع شي حد مشات لعندو بخطواتها نطقات ملي وقفات قدامو: لؤي
تغرغرو عينيه و نطق:  ألاء ماعرفتش واش نطلب منك سماحة حيت انا سباب لداكشي لي وقع ليك ولا نشكرك حيت وفيتي بلوعد و مانستينيش
بتاسمات ليه ببراءة خلاتو يبتاسم معاها: ماتقولش هكا انا حسبتك من داك نهار خويا و الخوت مابيناتهمش هادشي
نطق بابتسامة كيحس بقلبو كيضرب بقوة الفرحة: بصح خوك انا
و ياله اتنطق تا تمو جارينو و نطقات بصوت شوية عالي باش يكون قادر يسمعها : ماتخافش كلنا معاك
دخلوه خلاوها هي تلفتات شافت فجنابها لقاتهم كلهم واقفين حداها من غير مالك قلبها ديك ساعة عضات على شفايفها عرفات راسها اش دارت تلفتات شافت فيه بان ليها متكي على لحيط و مربع ليدو كيشوف فيها ببرود عينيه حمرين و وجهو حمر حركات شفايفها بغاتو يقراها ليها و تاهوا قراها: سمح ليا ماقصدتش

يتبع...✏️

دبا ألاء علاش كتقلب 🙂