''ولڪنني أخترتُ البُعدَ ليسَ تخليًا، ولڪن قلتُ عساي أن أجِد نظرةَ عينٍ واحده تتمسَكُ بي!!''
-هتمشي؟؟
فرڪت أيدي وحاولتَ أخفي دموعي:آه
-يعني ڪده حڪايتنَا أنتهت؟؟
رفعت عيني بحاول ألمحَ أي نظره بتطلب مني أني أفضل موجوده وما أمشي لڪن، لڪن مالقتش فحسمت قراري بڪل إصرار:آه انتهت
وبصيت للخاتم في أيدي لثواني وبعد ڪده أتخليتَ عنهُ زي ما صاحبهُ أتخلى عني، ومشيت.
________
-يعني رجعتي الخطوبه وارتحتي؟؟
بصيتلها بدموع: لأ ما ارتحتش..
-بطعيتي لي دلوقتي يا"سهيله"مش عملتي اللي نفسك فيه؟؟
_لأ ما ڪنش نفسي إننا ننفصل في أڪتر وقت أنا محتاجه فيه.
هزتني بأيديها:"سهيله"فوقي يا حبيبتي أنتِ اللي سيبتي مش العڪس، أنتِ اللي روحتي وقولتي مش هڪمل، أنتِ اللي اتخليتي مش هو!!
رديت بإندفاع:لأ هو اللي اتخلىٰ، أنا بعدت لأسبابي لڪن هو ما مسڪش فيا ماقاليش أفضلي أنا محتاجلك، ماقاليش ماتمشيش مالمحتش في عيونه نظرة خوف لو فقدنَي، ماحستش بأي حاجه ڪان بارد ويڪأن الموضوع عادي بالنسبه له.
-طب بهدوء ڪده أسباب مشاڪلك أي مع؟؟
بدأت تفڪر شويه وتحرك عينيها في ڪذا مڪان:امممم
-اممممم أي؟؟
_أنعدام شعوري بالأمان مع، طول الوقت بحس إنه وجودي وغيابه عنده عادي، لو بعدت بيلاحظ بعدها بفتره، لوتعبت وماقولتش مش بيعرف مش بيحس إنه فيهَ حاجه متغيره، لو زعلت مش بيحاول يصالحني، بل بالعڪس بيحاول يديني ڪل الأدله إني غلط، مش بيهتم بنجاحي ولابيهتم لأحلامي، مش بيسألني نفسك في أي، ولا بيسأل عن يومي ڪان أزاي، مين دايقني ومين لأ؟ مش بيهتم إنه يسمعني ولايسمع مشاڪلي، بيمل بسرعه مش بيحب يقضي وقته معايا طول الوقت الشغل وأصحابه أهم مني، ماڪنش باقي على وجودي معا ولا متمسك بغيابي عنهُ، ببساطه ڪده ماڪنتش فڪرة وجودي في حياته فرقالـهُ أصلاً.
-طب مش يمڪن علشان شغله وهو الولد الوحيد وشايل حمل أسرته ڪلها وبيساعد بابا، لي ماتعذورهوش؟؟
_غلط يا"شهد" مش معنى إنه مشغول يبقى يجي عليا أنا، طالما أفتڪر شغله وعيلته وأصحابه لي ما أفتڪرنيش معاهم؟، طالما أهتم بأخته اللي عندها درس الساعه واحده وصاحبه اللي عنده مشڪله ومواعيده اللي من خمسه لتسعه، وخروجاته اللي اتفق عليها، لي من وسط زحمة حياته ما أفتڪرنيش أنـا؟، لي أنا ماجيتش في أول الأولويات في حياتهُ؟، لي ڪنت آخرهم، مش المفروض أنا نصه التاني مش المفروض إحنا الأتنين هنڪمل بعض دايمًا؟
بصي اللي مايفتڪرنيش وقت زحمة يومهُ ومشاڪله وما أجيش على بالـهُ ولو لثانيه يبقى مابيحبنيش ولايستاهل وجودي معَ.
بصتلي بنظره وضحڪت:بتقارني معَ صح؟؟
بصتلها بإستغراب:مع مين؟؟
بدأت تلعب في شعرها وتبتسم:مع "عمر"مش ڪده؟؟
بدأت ألعب بصوابعي:اممم لأ يا"شهد"وبعدين أي الهبل ده؟ "عمر"مين اللي لسه هفضل فاڪره وأقارن بيه ڪمان؟ أڪيد لأ طبعًا.
-طب عيني في عينك ڪده؟
بصيت في إتجاه تاني وسڪت.
-يبقى زي ماقولت، قولتلك هتفضلي دايمًا في مقارنه بينه وبين أي حد تاني، قولتلك إنك هتعدي ڪل نقص في ڪل شخص هتعرفي بسببهُ، قولتلك إنك مش هتنسي لڪن ڪذبتي وقولتي خلاص نسيته، لڪن أدينا أهو
"ننّدِبَ حظوظنا علىٰ ماقد فات، ولا أمل في رجعتهِ أبدًا".
