احباء تحت المطر ☔️

1

تحت سماءٍ ماطره في ليله مليئه بالجمال
وفي الطرقات من يركض ليحمي نفسه من
قطرات المطر والبعض الاخر يرقص فرحا
بقطرات المطر التي تداعب خده تحديداً
تحت سماء تركيا ,
اول م طلع من احد الاماكن المعتاده بالنسبه
له نظر لوهله فاذا بالمطر يتساقط بشده التفت
يمين يسار م شاف احد كان راكن سيارته بعيد
و م فيه احد يقدر يساعده ويجيبها له تنهد
حط يديه فوق راسه رغم حساسيته ضد المطر
الا ان الليل حل ولازم يرجع لبيته ركض ب اقوى
م عنده متجهه لسيارته المركونه خلف الشارع
قطع الشارع الاول ووقف من التعب سند ظهره
على الجدار واخذ ينفض قميصه المبتل بقطرات
المطر رفع راسه ف اذا بعينه ترتكز بتلك الفتاه
التي تتراقص فرحاً بقطرات المطر والسعاده
التي تعلو محياها وتعلو ذاك الوجه الصغير تنهد
وهمس بإستغراب وهو يلتفت للجهه الاخرى ؛ لا
ادري وش سبب هالسعاده المفرطه والمطر
قد بللها بالكامل
التفت لجهتها وشافها واقفه وتناظر بملابسها
المبتله تجاهلها اول م سمع اهتزاز جواله الي
بجيبه طلعه ورد ؛ هلا ، ايه ، تو طلعت بس المطر
شديد ، ساعه بالكثير وارجع انتظريني ، اوك ،
مع السلامه
قفل المكالمه ورجع جواله بجيبه عقد حواجبه
ب استغرب اول م رفع عيونه وشافها اختفت
عن انظاره ؛ وين راحت.؟ .
استوعب على نفسه ؛ وانا شدخلني امشي احسن
كمل خطواته بإتجاه سيارته قطع الشارع الاخر
و يديه فوق راسه ضناً منه انها تحميه من قطرات
المطر تنهد براحه اول م وصل سيارته ركب وحرك
,
,
وقفت امام بنت خالها
نادين بتحديق ؛ بتمرضين بفهم ليه تعاندين كل
شوي ؟
سمى بقل حيله ؛ احبه يختي احبه وش اسوي
نادين ؛ تحبيه بس بتجلسين اسبوع مريضه
ومحد بيخاف عليك ويهتم فيك غيري
نزلت جكيتها ولبستها ؛ لا تبردين
سمى ابتسمت بإمتنان ؛ تدرين اني احب
اهتمامك فيني
نادين ابتسمت ؛ ادري لان محد معطيك وجه
غيري ولا تخافين م راح اقول لجدي
سمى ضحكت بخفه ؛ نرجع
نادين ؛ اكيد وش رايك نجلس بعد اكيد جدي
يدور عليك
سمى وعيونها على ملابسها ؛ لازم ابدل قبل
يشوف ملابسي !
نادين ؛ حفظتك خلاص لدرجه قبل نطلع جبت
لك معي ملابس قبل نوصل البيت راح تغيرينهم
سمى ؛ وشعري ؟
نادين ؛ نلقى له حل بس امشي
اتجهو لسيارة السايق الي ينتظرهم خلف المبنى
وصلو وركبو وحرك السايق ,
,
صباح يوم جديد تحديداً فلة جد سمى •
كان الجد جالس على طاولة الطعام
وكان الكل موجود ومن ضمنهم نادين
الجد ناظر فيهم كلهم بتدقيق طاحت عينه
على مكان سمى لف لنادين وبتحديق ؛ وينها
م نزلت ؟
نادين بربكه ؛ الحين تنزل
الجد بحده ؛ انا مأكد على الكل وقت الاكل
محد يتأخر ولا يتغيب م تقولين وش الي
مسهرها هالايام ؟
ام نادين بغضب يعتريها لانه عصب على
بنتها ومو اول مره دايم كل م اغلطت سمى
حط حرته بنادين قالت بحده ؛ عمي بنتي
مالها دخل تعصب عليها روح شفت بنت
بنتك واسألها وين تروح ومن وين تجي
ابو نادين لف بحده عليها ؛ احترمي نفسك
ابوي م تكلمينه كذا
الجد بحده ؛ مالك دخل ولسانك امسكيه
لا اقصه لك وكلهم احفادي مالك دخل
وشلون اتعامل معهم فاهمه !! ،
ابو نادين فز بخوف اما ام نادين بلعت
لسانها وسكتت من حدته الي خوفتها
لاول مره يعصب عليها كذا خافت
منه وهجدت
لفو كلهم على الي نزلت مع الدرج وببجامتها
حتى م تعبت نفسها تغيرها ابتسمت بغباء
وهي تروح تحب راس جدها ؛ صباح الخير
ي ريحة امي * دايما تقولها اذا غلطت
وعشان م يعصب عليها ذي نقطة ضعفه *
الجد ؛ روحي اجلسي مكانك
سمى سحبت كرسيها وجلست ؛ صباح
الخير ، اسفه اني تاخرت
ام نادين ناظرتها بتحديق
سمى لفت وارتاحت اول م شافت خالها
يبتسم لها ؛ صباح النور
لفت لنادين وبهمس ؛ وش صاير ؟
نادين بخفوت ؛ م يحتاج تسألين جدي
عصب لانك تأخرتي احمدي ربك م هاوشك
سمى ؛ راحت علي نومه وش اسوي
نادين ؛ عارفه خلاص خلينا ناكل لا تصير
مصيبه ثانيه ,
,
دخلت غرفته وشافته نايم مب عادته
يتأخر ولعت النور اتجهت له وضربته
على كتفه بخفيف ؛ غيث قوم
حست عليه م يتحرك ولا يستجيب
معها حطت يدها على جبينه تتحسس
حرارته ؛ لا طبيعيه اشوى بس ليه
م يقومم
فزت بخوف وهي تهزه بقوه ؛ غيث
غيييث غيثث قوم
غيث ضحك بخفه على خوفها وقام
؛ اسمعك ترا وجعع
ريما ضربته بقوه ؛ وجع خوفتني ليه
م تقوم من اول
غيث ؛ قلت اخوفك شوي
ريما؛ غليظظ انا نازله اسرع غسل
وبدل وانزل عشان نفطر لا تتأخر
غيث قبص خدودها ؛ هو انا اقدر
اتأخر على بنتي ودلوعتي وحبيبتي
ريما ابتسمت بخجل ؛ يخليلي
طلعت بعد م اكدت عليه م يتأخر
غيث اول م طلعت قام طاحت عينه
على ملابسه الي تاركهم من امس
اول م رجع تذكر الي صار ابتسم
برقه اول م عبر طيفها بمخيلته
وشكلها بالمطر وكيف كانت
ابتسامتها لطيفه وتأسر القلب
لوح بيمينه امام وجه يبعدها عن
مخيلته ،
بعد عشر دقايق بالضبط نزل ومعه
ملابسه المبتله شاف العامله
مدهم لها ؛ اغسليهم سريع ابيهم
العامله اكتفت بأنها تاخذهم منه وتهز راسها بالايجاب
ريما ؛ خلصت امش اجلس انا جوعانه
غيث ضحك بخفه وهو يسحب الكرسي
؛ وانتي هذه عادتك م تاكلين لين اكل
كأنك امي وانا ولدك مو كأنه العكس
ريما ضحكت ؛ م اقدر تعودت
غيث سمَّ بالله اكل لقمته ؛ يلا اكلت اكلي
ريما ؛ حاضر ,
....
حـديـقـة الـمـنـزل
نادين وهي تسقي الزرع ؛ بس
ي سمى تكفين م فيني
سمى وهي تلعب بالماء ؛ افا وش
الي متعب حبيبتي
نادين هزت راسها ؛ ولا شي
سمى ؛ تخبين عني ؟
نادين ؛ لا بس ماله داعي
سمى ؛ طيب هاتي عنك
نادين ؛ وش ؟
سمى ؛ انا بسقي الزرع اليوم
انتي اجلسي هنا
نادين ؛ بس ي قلبي م يحتاج
سمى ؛ مو هذا عقاب جدي لك
عشاني ؟
نادين ؛ إيه
سمى ؛ خلاص انا احق ب اخذ العقاب
انتي ارتاحي
نادين ؛ لو درى جدي بيزعل ؟
سمى ؛ خليه يزعل لانه عاقب الشخص
الخطاء
اخذته منها وبعدتها ؛ قلت لك ارتاحي
انا الي بسقي الزرع وانا الي بغسل
السراميك انا بسوي كل العقابات
الي امرك جدي فيها انتي ارتاحي
نادين جلست على الثيل ؛ كيفك
الجد كان واقف امام شباك غرفته
وشافهم من البدايه ابتسم بسبب
سمى على انها طايشه بس يدري
انها م تحب الظلم لاحد وتكره
ان نادين تتعاقب على شي هي
سوته همس ؛ طبايع امك اشوفها
فيك ليت الزمن يرجع ولا ابعدها
عني
التفت لجهة درجه الي فيه خبايا
واسرار كثيره اتجه له تنهد وفتحه
اخذ الصندوق الي فيه وجلس على
الكرسي حطه على الطاوله وفتحه طلع
صور بنته وهي صغيره نزلت دمعته ؛
سامحيييني واغفري زلتي ي بنتي
مسح على صورة بنته بطرف سبابته
؛ تدرين بنتك تشابهك بكل شي ليتك
لحقتي تشوفينها يوم كبرت بس اوعدك
م تعيش الي عشتيه
رجع صورة بنته بعد م طبع بوسه على
صورتها وقفل الصندوق ورجعه لمكانه
رجع ووقف قدام الشباك ويطالع فيهم
بهدوء
انطق الباب لف ؛ ادخل
ابو نادين دخل ؛ يبه فيه موضوع بكلمك
فيه
الجد جلس ؛ اجلس وقول وش عندك؟
اذا بتتكلم عن الي صار الصبح من الحين
اقولك م ابي اسمعه
ابو نادين ؛ لا لا يبه بكلمك بموضوع
يخص سمى
الجد بإنتباه ؛ وش فيها.؟
ابو نادين ؛ وافق انها تكمل دراستها يبه
الجد بحده ؛ ...
.
.