#_فصليتي_بغدادية
#البارت_10
....
انتبهنة جان محد عاكد حواجبة ويخزر سوهيلة كال
هوه هذا اكرام لضيف يابنت لشيوخ ولدواوين هي هاي معاملتج لضيوفج يابنت عمي عيب عليج اتركي ايدهة اذيتيهة ومره لخ متدخلين تدخل بغرفتي او لا اني سمحتلهة تفوت ضيوفنة همة لازم همة جوه واحنة بره عيب هذا تصرفج وثانيا شوكت صرت خطيبج اني متستحين ترخصين نفسج هيج استحي بعد اخوج لمستحة للبنت حلو
ابد هي محجت شي خلت ونزلت جوه اجة علية محمد حضني كال اذتج بعد روحي خلي اشوف ايدج
عسى باايدهة لكسر انشاللة
ابد احد ممسويلي هيج بسرعة استهضمت منهة بقيت ابجي حسيت من محمد حضني وكئنما حضن علي لفيت ايدي على بطنة وبجيت اخذني لغرفتة كعدني على رجلة مسح ادموعي وباسهن كال لا تبجين بعد روحي اله انعل شيب لخلفهة بس خلي تصبر علية ايده لثانية يلعب بيهة بشعري سكتت انتدهة على نفسي بسرعة فزيت من حضنة كال مو جنتي كيوت وهادئة شصحاج ياحضي ابتسمت وغيرت ملامحي كلت اني مو كتلك ممنوع تلمسني ليش تستغل لفرصة محمد لا تخليني ازعل منك ولنبي
محمد... لا يابة كلشي ولا زعلج كلشي يهون اله زعلك انعل يومي لو طخيتج بعد كرص خدي وباس اصبعة كال يلة انزلي كدامي وبعدين انزل وراج ولا اطلعين بالمطبخ بهذا لبسج يشك حتى لمطي
هزيت راسي وطلعت نزلت يم امي ونسوان اخوتي لعروس جانت جاية كلهة تسال علينة. هاي منو وامي تكول هاي بنتي بقينة متونسين واغاني وركص بس ابد بعد مختلطت وية لبنات بس وية ام مصطفى سحبتني ام مصطفى اركص وياهة مكدرت اردهة ركصت وياهة بس ركص بغدادي مااعرف مثلهم اركص كلهن انسحبن وام مصطفى تصفكلي ردت انسحب مخلتني كالت ركصج يخبل كملي جان ام محمد تكول يا يمة هاي ياهية تركص جنهة غصن ريحان ام مصطفى كالت يمة هاي عشق كالت يا يمة فدوه اروحن لركصج ليخبل اجاني اشعار لتليفوني من محمد حبيبتي كافي ركص اخاف على خصرت لا تنصابين بالعين بقيت ادور علية بعيوني واني متفاجئة شمعرفة اني اركص كعدت يم امي دزيتلة مسج وانت شعرفك بية انت وين معليج بعد روحي اجاني اخبارج بس شني بوية تشكين شك بركصج من نتزوج اريدج بس الية تركصين هيج سديتة ومجاوبتة شوية كالو يدخل لعريس اخذت شالي لبستة وصرت على صفحة اجتي مره على امي كالت خاله ماتنطين هاي لورده لابني واللة اخليهة بعيوني ابتسمت امي كالت نتشرف بيكم واللة بس بنتي رافضة لزواج تريد تكمل دراستهة
ليش خاله شتدرس بنتج
طب تدرس
يا ماشااللة اللة يحفظهة الكم تمنيتهة تكون جنتي واللة
بقت تحجي وية امي وكل ساعة يدك علية واحد من لولد اخواني يطمن علينة لليل خلصة لحنة ومحمد بعد محجيت وياه تعبت كلش وهمة بعدهم سهرانين كالت ام محمد خالة اصعدي فوك ارتاحي نامي لولد ينامون بالمضيف مايفوتون للبيت اخذتني ام مصطفى كالت نامي بغرفة محمد محد يدخل ويزعجج مقبلت وهي اصرت علية واني نعسانة دخلت سبحت وبدلت وتمددت على چربايت محمد الله عطره بالفراش نمت من لتعب محسيت الة شي يمشي على وجهي فزيت مخترعة صفنت لكيتة محمد يلعب بشعري ويخلي خصلات منة على وجهي كلت انت شجابك اهنا كالو تنام بالمضيف ليش اجيت وبعدين اشلون تدخل علية واني نايمة
اخذ نفس وكال
من خلصت لحفلة طشو كلهم كلت الام مصطفى تاخذ عشق لغرفتي تنام لان تعرفني احبهة وهي صغير لوحيده بااخواتي تعرف كلت خليهة ترتاح احنة انام بالمضيف نمنة كلنة بس اني مابدلت متضايق من ملابسي ترخصت من لولد رحت ابدل ملابسي خليت لبنات يسوولي طريق علمود اصعد ابدل بس نسيت عشق بغرفتي نايمة دخلت للغرفة شفتهة نايمة مثل لملاك ولشعر نازل بالكاع حبيت اباوع على تفاصيل وجهة رحت يمهة شفتهة اشلون نايمة طبعت بوسة بشفايفة مكدرت اقاومهن وبوست خدودهة جنهن تفاحة اخذت نفس قومي من شعرهة دخلت للحمام سبحت وطلعت بدلت مكدرت مااتحارش بيهة اباوع لتفاصيل جسمهة كلهة تعجبني اعشقهة اتمنة متطلع من غرفتي بقيت تحارش بيهة لحد ماكعدتهة كعدت متعصبة كلت عشقي اسف نسيت اني اهنا. نايمة واجيت اغير ملابسي بس حبيت احجي وياج واروح للمضيف جنت جايبلهة حلويات انطيتهن اله كلت علمود ماانطرد من لبيت ضحكت كالت
لحد هسة اخواني كل واحد يجي لازم هاي لعلاكة وياه واذا مجايب يورق فلوس بدالهة لو ينام بالشارع ضحكنة وبقينة نسولف بس مبتعدين من بعض مر وقت اهواي واحنة سوه كال تاخرت على لولد ارجعي نامي حياتي كرص خدي وباس اصبعة وطلع للصبح.نفس. لهوسة وصارت لزفة خلص لعرس ردنة نرجع بس مقبلة واصرو بقبة ليلة ولفجر نرجع وبقينة يمهم ونفس لشي نمت بغرفة محمد وهم اجة وبقينة نسولف لنص ليل لفجر طلعنة من بيتهم ودعناهم وزجعنة للبيت بس وصلنة دزيت مسج لمحمد وكتلة حنام من اكعد اتصل بيك نمت للساعة 9 بليل يالة كعدت ميتة جوع كبل رحت لغرفة علي دكيت لباب كلت علي جوعانة اطلبي اي شي مابية اسوي عشة كال تدللين واللة دزلي شنو اريد اشوية وصل لطلب جابة الية للغرفة تعشيت وراسلت محمد بعدهة حضرت اغراض لدوام لثاني يوم مرت سنة كاملة وماكو اي تغيير ونجحت مرحلة ثانية طب بعدني وية محمد دائما يجي واشوفة حيل تعلقنة بعض ومحمد كل يوم يجي للجامعة من هوه بغداد ومن يرجع للبصره نبقى على الاتصال حددنة عرس منتضر وكلنة هماتين نعزم محمد واهلة كلهم بدينة نحضر للعرس وبقى اسبوع لزواجة بيوم اني بالجامعة دك علية علي كال ابد لا تطلعين من لجامعة انتضريني بالسنتر اجي اخذج ممنوع ترحين وية اي واحد كلت شكو كال صارت مشكلة من اجي احجيلج بقيت خايفة وكلبي كام يوجعني اناضرت علي تقريباً ساعة محمد جان مموجود عنده انذار محافضات اجة علي اخذني وجهة ميتفسر من لعصبية من لدوام واجة علية كلت علي شبيك اهلي بيهم شي هز راسة بيأس وكال اي
دكيت على صدري علي احجي شصاير
منتضر
عزززه شبي
دعم واحد بسيارتة وهسة بحازة خطرة وحاجزينة بالسجن
يمة عززه لعزاني بقين ابجي وعلي يهدي بية
وصلنة للبيت ونزلت لكيت بيتنة مكلوب كلاب بالناس بقيت ابجي بحن امي وهي تبجي وكوة سكتونة
........
منتضر..... حددت موعد لعرس وبقه اسبوع للزفة طلعت اريد اخذ نواقص لغرفة والية هم احجي وية اية بالموبايل فجأة صار ولد كبال لسياره ملحكت علية ونضرب للرصيف بقيت صافن من لرهبة بسرعة اخذتة للمستشفى كالو لضربة براسة كلش قوية لو يموت لو يفقد ذاكره عالجو واني سلمت نفسي للامن مال مستشفى ودوني للمركز وحجيت الي صار انطيت اسمي ابتسمت لضابط كال انت اخو ل**** لرتبة علي كلت نعم سيدي ضحك كال اجيت واللة جابك وكعت بيدي ياعلي اله اطلع لقضى ولمضى بيك وطلع الي دعمتة يصير ابن عم هذا لضابط ومتواعد لعلي عدهم عداوه شغل دخلني للحجز وطلع
...........
علي.... بعد معرف الي صار وعرفت منتضر بيد منو عرفتة مراح يمررهة على خير رحت للمستشفى كلت نحلهة بالعشاير احسن لان هذا حقير وصار منتضر جوه ايده راح ينتقم مني لمهم اخذت عنوان اهل لولد طلعو بالبصره كلت يجوز محمد يعرفهم ادك علية مااحصلة لان انذار واجب بتكريت طالع لمهم عفت كلشي بيدي لميت عمامي واخوتي ولد عمامي وطلعنة للبصره بعد لحادث ب 3 ايام اني هلكد مااعرف اهل محمد اهواي لمهم وصلنة اهناك وجان اتفاجأ لضابط لحجز منتضر موجود عرفت يصير اقاربة صدك خفت لان اعرفة جلب كلشي يسوي كعدنة وحجينة وجيب عمك ودي خالك جان ابو لولد كال اريد فصلية و50 مليون كلنة تفاجئنة شنو فصلية وين عايشين احنة كلنة بس احنة ماعدنة بنات ننطيهن فصليات نطق لضابط كال ليش حضرت ل****علي عندك اخت تشك شك تكدر تنطيهة واخوك يطلع من لحبس تفاجئنة بكلامة وين يعرف عشق هجم علية مصطفى ومرتضى تضاربو ناس تضرب ناس واني افكر مستحيل انطي عشق فصلية هاي بنيتي ومدللة اشلون انطيهة فصلية تفاككو لولد كلت بدل ل50 مليون ننطي 500 مليون بس اختي ماانطيهة فصلية نطق واحد كال مضيفنة يتعذر. كعدتكم بي طريق لسلامة وابنكم مقابيل ابنة شيصير باابنة نسوي باابنكم لدم بالدم ابوية انهد حيلة مكدر يحجي لولد ناس اكل ناس صارت هوسة شكبرهة واني حاير شنو اسوي صعبة يا امة محمد صعبة كالو الكم مهلة منا ل10 ايام بعدهة احنة نتصرف طلعنة. من عدهم وكلنة رافضين فكرت عشق تروح فصلية عمي كال اني انطي بنتي فصل بس ماقبلنة شنو ذنبهة رجعنة للبيت وحيلنة مهدود اول مادخلت اجتني عشق نامت بحضني وتبجي على
منتضر اول مرة توكع دمعتي حضنتة بثنين ايده حيل لصدري وصح ااااااخ ولج بنيتي ريت اكدر اضمج ومحد ياخذج منة واللة انروح كلنة نموت ومااخلي احد يطخ شعره منج اني تالي وكت واحد ادبسز ك****ص****يحجي بااختي بدواوين لزلم ريت ميت ولا هذا ليوم
عشق... من اجوي اخواني حالتهم تكسر لكلب رحت لحضن علي واول مره اشوف علي بهاي لكسره ويحجي بحركة كلبي سحبني منة مصطفى واني مصدومة شبيهم حضني كال نضحي بمنتضر بس منكدر نضحي بيج احنة 6 لو راح واحد نعوض 5 بمكانة بس انتي عشق اخوانهة مستحيل نخليج تتأذين رجع اخذني مرتضى بحضنة كال انطي بنتي ومااخلي شعره منج تروح بعد روحي واخواني لتوم نفس لحالة بالاخير تهسترت اريد اعرف شنو صاير بس محد حجة بالاخير عاطت امي بيهم كالت فهمونة شصاير كعدو وبدو يحجون بالاول من سمعت فصلية وشي بجيت وخفت بس من عرفت لو اني لو حيات منتضر وصارت كبالي اية وموعد زفتة عفتهم يحجون رحت لغرفتي قفلت لباب علية بقيت ابچي لوحدي كسر لباب اخواني ابد مافتحتة حاضنة نفسي وابجي واتذكر كلشي حلو وية اخوتي بعدهة محسيت بشي اله واني بالمستشفى
.......
علي..... بعد ماعرفو اهلي كل الي صار عشق راحت لغرفتهة صعدنة وراهة ندك لباب بس مجاوب بس صوت نشغاتهة احس يزرفن بكلبي كلهم نزلو بقيت كاعد باب غرفتهة بلكت تفتح لباب اشوية وماكو صوت الهة بقيت ادك بالباب ماكو صحت لمصطفى ومرتضى كسرنة لباب عليهة وياريت ماكسرنة لباب ياريت ميت ولا شايف منضر عشق نايمة بالكاع وحاضنة رجليهة لصدرهة خشمهة وحلكهة يصبن دم ومغمي عليهة صايرة صفره لا نفس ولا تتحرك اخذتهة بحضني لولد اجوي كبل للمستشفى اخذوهة فحص وشي كالو ضغطهة صاعد ولو مانازفة جان صار عدهة جلطة بالدماغ من صدك انهد حيلنة كلشي ولا عشق بعد مكدرت اوكف على رجلية كعدت بالكاع ودموعي تنزل لمنضرهة مرت كم ساعة يالة صحت رحت عليهة ضمت راسنة بصدري كالت
علي اللة عليك لا تعوفني مااريد اروح فصلية لان اعرف شنو يعني فصلية يعني خدامة علي اني غرفتي ماانضفهة اخاف من لطباخ اخاف احترك عللللي فدوه خلصني من هاي لسالفة لا تحرمني من حضنكم مااريد اعوف مستقبلي مصطفى اني مو حبيبتك لا تخليهم ياخذوني اخاف اخاف واللة اخاف بليل انام وحدي بس بغرفي لا لان انتم موجودين يمي يعني اذا رحت بعد انتم ماكو دوامي ماكو امي وابوية ماكو واللة اموت من دونكم مااكدر لو مااسمع صوتكم وجودكم بحياتي احس عايشة بجنة كلشي كلشي مااحتاج غيركم
مصطفى كلش انهارت بشكل مو طبيعي صحت لدكتوره ضربتهة ابره وهي بقت بس تهذي اخر شي كالت لا لا تكسروني واني احبكم لا تكسرون كلبي واني احب مح
ونامت بس نقهرت عليهة بشكل مو طبيعي اخذنة عشق ورجعنة للبيت خليناهة بالنص وكلنة حواليهة نمنة بطرف ليمين علي وليسار اني وامي يم رجليهة وابوية يم راسهة وهي نايمة مثل لملاك تمنيتهة ماكبرانة وباقية صغيره تمنيت لو منتضر ماطلع وحده بالسياره هذا هم اخوية اشلون نضحي بي لثان يوم رحت على منتضر وكوة خلوني اشوفة
منتضر.... ها مصطفى شصار لولد شلونة
مصطفى.... داخل غيبوبة
ها وانتو شسويتو
رادو فصلية لو دم بدم
شنو فصلية ولك هذا لضابط يريد ينتقم من علي
اي مو طلع ابن عم الي ضربتة واهل لولد يردون 50 مليون وفصلية كلنة ماعدنة بنات ولك كدام كل زلم لمضيف يحجي ويتغزل بعشق يكلة عندك اخت حضرت ل***تشك شك
ولكم وبقيتو ساكتين مو اشك حلكة وانعل والدي
ماقصرنة بي اني ومرتضى نعلنة والدي
بقينة نحجي لحد مخلص لوقت وهوه يكول خليني اموت لا تنطون عشق فصلية احنة 6 بس عشق حده لا تخلوهة تروح مازالة مميت اطلع كم سنة واطلع رجعت للبيت وحيلي مهدوم سألت على عشق كالو نايمة بغرفتهة صعدت الهة لكيتله نايمة بفراشهة وتبجي
عشق اكدر احجي وياج
اي تفضل حبيبي
لا مااريد اهنا كومي بدلي نطلع للحديقة انروح
كمت كوه خلاني البس عباية وطلعت اني ومصطفى اخذلي عشة ورحنة على طرف لنهر لفرات هدوووؤ كلش حلو كوة خلاني اكل يسويلي لفات ويخليني اكل غصب خلصت ههه مسح ايدي وحلكي بالكلنس لمبلل شربت مي يداريني مثل لطفل كال
عشقي شلون صرتي
مزينة مصطفى حيات منتضر باقية علية مااريد اصير انانية وافكر بس بنفسي منتضر شنو ذنبة بس غير لضابط جكارة بعلي
.
اي صح كلامج بس حبيبتي انتي تعرفين شنو يعني فصلية
لا بس اعرف هي خدامة
مو بس هيج
لعد شلون
شوفي اذا طلعو خوش ناس لا يعاملوهة مثل اي جنة بالبيت
يعني لازم ازوج واحد من ولدهم
اي يروحي لازم ويجوز الي صار وياه لحادث تزوجينة علمود تخدمينة
هزيت راسي واشوف اول حلم راح الي هوه. حلم محمد
اي يروحي ولازم. تسمعين كلام لصغير ولجبير بس
بس شنو
تبقين فتره يمهم وترجعين
شلون يعني
يعني بس فترت علاج ابنهم لحد ميصير زين
زين واذا لا سامح اللة مات
بهاي اوووف بعد واحد يعقد عليج وتبقين زوجتة لمده سنة ومن بعدهة انتي مخيره ترجعين او تبقين
فتحت عيوني بفرح وامل يعني اكدر ارجع الكم
اي يروحي بس
شنو بس
مراح اكو تواصل بيناتنة ولا نكدر انشوفج ولا تشوفينة وحتى ترحين بملابسج ممنوع تاخذين شي وياج
بس شلون
اذا طلعو ولد اصول همة ياخذولج
زين ومنتضر شيصير بي اذا قبلت
راح يطلع من لسجن ويكمل حياتة
يعني محد يتعرضلكم بعد وماكو احد يتأذه
هزيت راسي وبديت ادخن وعشق بحضني حاضنهة حيل لصدري
بقيت افكر بكلام مصطفى وصار عندي امل ارجع الاهلي كلت خلي اعتبر نفسي مسافره خارج لعراق لوحدي لازم اضحي اشوية مثل ماهمة ضحولي مااريد اخسر واحد من اهلي كلهم احبهم ومنتضر بعد حياتة كلشي مشايف منهة بس كل تفكيري محمد لو عرف شراح يسوي وهو هسة بالواجب مراح اكلة اخاف علية ومكانة خطر مابقى على لمدة بس كم يوم وتخلص رجعنة للبيت واني احس نفسيتي كلش متغيرة وصرت احسن احس كلام مصطفى انطاني طاقة وفرصة الية اريد ارد من جمايل اهلي علية وخصوصة اخواني مااريد اخسر واحد بيهم بهذا ليوم نمت يم بابة ومامة اريد اشبع من ريحتهم للصبح بدلت وقبل لا اطلعت للدوام كل هاي لفتره واني مااحجي وية محمد دائما يدك ويدز مسج بس مااجاوبة خلي يتعود على افراكي نزلت شافوني اهلي واخواني واني احس بطاقة ايجابية تريكنة حجيت وياهم كلت علي بابة اني كل هاي لفتره جنت افكر وقررت اروح
فصلية
لكل... شنوووووو؟
