#_فصليتي_بغدادية
#البارت_ 11
شيسكت الوجع لمن يجي الليل
وشينوم الجفن والعين محترگه
انا المصيوب والدلال بي نار
صرت اشحذ هوى والروح مختنگه ،،،،،،،
.....
لكل عارض قراري بس اني مسكتت كلت شوفو اني جبيره مو صغيره انتم ضحيتو وتعبتو علية مستحيل خلي امي وابوية لو اخواني يعيشون نفس وجع وكسره فقدان علي لمثل يكول بالعربان ولا بالتربان اني عايشة يجي يوم وتشوفوني بس اذا منتضر صار بي شي وين نشوفة بعد اذا اني مااضحي لاخواني منو يضحي وهي مجرد فتره زمن وارجع اعتبروني مسافره اكمل دراسة فدوه اروحلكم لا تأذوني اني مصرة على قراري واعرف نفسي كد لمسؤولية يجوز يطلعون خوش ناس خلي نتفائل بالشي لزين اروح واتحمل كلشي وافتخر اني تربية علي ودلال مصطفى وعشق مرتضى وضحكة منتضر نكت يوسف وفرح سيف افتخر لان بنت ابوية وحب امي....
علي..... اخ يابة بنيتي كبرت وكامت تعرف تعب لدنية فدوه اروح للسانج هذا وعد مراح اخليج اهناك اهواي وعد يروحي تعالي بحضني
مصطفى..... فدوه اروحلج للي تضحي بعمرهة وتحل مشاكل زلم
مرتضى..... انتي بطلة واعرفج كد لمسؤولية صيري قوية لدنية متحب لضعيف
يوسف.... انتضرج بفارغ لصبر عشقي
سيف..... مراح نتزوج اله انتي حاضرة كلشي يبقة على ايدج من ترجعين انشاللة نبدي وين ما وكفنة
امي.... ديري بالج بنيتي خليج فطنة لكلشي وبس كولي صار علمود لحد يطخج
ابوية..... افتخر بيج وانتي بنتي ريت عندي 10 مثلج
لجناين حضنني ويبجن
كلت يلة منو يوصلني لازم اروح للجامعة تاخرت
يوسف.... اني اوصلج
طلعنة ولهدوء سيد لموقف وصلت للجامعة نزلت اودع اصدقائي لان بعد يومين اروح فصلية اروح لمكان مجهول اروح لمحافضة حبيبي بس غصب وفصلية احس لعبره بالعومي واتضاهر بالقوه اتمنة قبل لا اروح اشوف محمد الاخر مره خلصت كل محاضراتي ورحت على لعماده لازم اجل هاي لسنة مقبلو لان بقة شهر وتخلص هاي لسنة حجيتلهم قصتي وتفهمو لموضوع اجلت هاي لسنة وطلعت ودعت كل اصدقائي بدموع وعتب كعدت بالسنتر حسيت ايد نحطت علية درت وجهي شفتة محمد احس كلبي فز من مكانة لاول مره اخون عهد خواني بس جنت محتاجتة شهكت وطفرت لحضنة بس مسيطرت على ادموعي مكدرت اصبر لازم يم هذا لشخص كلشي احجي مااريده يكرهني
محمد.... خلصت دوامي ونزلت مكلت لعشق راح ارجع بس صار فتره مجاوب اتصالاتي ضل بالي وحتى ادك على علي ماكو خلصت دوامي مارحت للبصره رحت لجامعة عشق اعرف بهيج وكت تكون بالدوام سألت صديقاتهة كالو بالسنتر كاعده رحت علية ردت اسويلهة مفاجئة وبالتالي اني تفاجئت بعشق من حضنتني وهي متقبل اطخهة اني هم من شوقي الهة رفعتهة بمستواية وحضنتهة حيل حسيت مثل حضن لوداع هذا ماجنت اعرف شي بعد مافات لوكت ماتنفع كلمة لو
عشقي ليش هيج صاير بيج
محمد محتاجتك فدوه لوحيده يمك ابين ضعيفة بس كدام اهلي اتضاهر بالقوه
وينك عني عفتني ورحت جنت محتاجتك يمي محمد تعبت واللة تعبت
سحبتهة من ايدهة وكعدنة اوووف يروحي ريت لتعب بية ولا بيج لا تنزلين دموعت يحركني صغيرونة كلبي شبيج احجيلي منو وياج
محمد اني انتهيت كلشي حلو بيناتنة باجر يخلص مااريد باجر يجي احس راح اموت تعبت واللة
شبيج لخاطر اللة احجيلي بدون الغاز شنو كلشي ينتهي باجر ليش بكيفج
لا مو بكيفي بكيف لقدر محمد احنة مستحيل نكون لبعض اخخخخ محمد عشقك باجر تروح فصلية ضميت وجهي بين ادية وبجيت بقهر
محمد ممستوعب لكلام لكالتة مستحيل اصدك علي ينطيج فصلية شنو الي صاير احجي
حجيتلة كلشي بقة صافن
يعني شنو ومنو الي يريد ينتقم من علي انتي شتحجين عشق باعيلي ليش من جنت اتصل بيج مكلتيلي ليش علمود احل لموضع عشق لا تخبليني اني اخاف اطخت وانتي تردين ترحين فصلية مو بكيفهم مااخليج انتي عشقي ولج اشلون تعب اسنيني انطي لغيري ولج ربيتج على ايدي حرمت كل مره تدخل حياتي لخاطرج شلون هيج يصير لا اني اروح اتفاهم وياهم
ميفيد محمد فات كلشي باجر اخر يوم لازم اروح جنت اتمنة اودعك والحمداللة شفتك
اششش اش اش لا تحجيت شي ماكو وداع بينة بس لموت اني ادمر من بعدج عشق ولج انتي روحي من يوم لرجعتو من لبصره ماخليت احد يغسل شراشف لجرباية ولج لان عطرج بي عشق لا دمريني بس خليني الكه حل مااتخيل غيري يلمسج تعرفين شنو فصلية كلشي ياخذونة منج غصب حتى زواجج غصب يصير عشق لا ادمريني واللة ميرحموج لا عبالج تبقين مدللة عشق فدوه اروحبج تراجعي عن قرارج
مستحيل اتراجع واخوية يموت مستحيل اضحي بروحي لخاطر اخوية
واني عشق واني لا تصيرين انانية بحبنة لا تضيعين مستقبلج ولج واللة اموت باجر اشلون اكدر اتخيلج تنامين بحضن واحد غيري لا لا عشق ارحميني
انت ارحمني اذا تحبني صدك انتضرني ارجعلك واوعدك محد غيرك يلمسني
لا عشق كافي انتضرتج اسنين شبابي كلهة مابية بعد اصبح عشق مااتخيلج ترحين فصلية ولج اني بعشيرتي رافض لفصلية مو هنوب انطي عشقي فصل انعل ابو هيج قوانين خ****ه
صاح بصوت رج لجامعة كلهة انتبهة النة
اااااااااااخ يربي اااااااخ ولج بس فهميني ليش وصلتي نفسج لهاي لمرحلة ليش ليش مكلتيلي ولج بسببج انتي كلشي ادمر احلامي وياج ادمرج اني احلم وغيري يحقق هذا ضلم واللة ضلم شلون هيج عشق شسوي وانتي ناهية كلشي كليلة شسوي ارجع هسة للبصره يومين واحل هاي لسالفة ابد لا تروحين وتكسريني عشق
مااكدر محمد اخوية بخطر مستحيل مو كلشي نحلم بي يتحقق ولا كلشي نريده ناخذه كلشي قسمة ونصيب واني مو نصيبك
ولج عسى لياخذت شلل بيده يصير ولا يلمسج عسى لياخذج عمى بعينة تصير وميشوفج دمرتيني عشق واللة دمرتيني حياتي انتهت اهنا ريتني ماراجع ريت داعش كاتلتني وصاير شهيد احسن من هسة كلشي حلمت بي غيري يحققة كلشي اريده غيري اخذه مني اللة لا يوفق لجان لسبب عساهم بنار كلبي سحبتهة لحضني ومااريد اعوفهة مااريد اخسرهة اريد اضمهة بروحي عشق كسرتني كسره جبيره من بعد هاي لحضة انتهة كلشي جنت عايش علموده اخذت نفس احس من نص صدري طلع كلت روحي عشق وحبج بكلي مراح يطلع بس مراح اتخله عنج واللة ارجعج لحضني لو عشر جهال وراج بس اصبري تجنبي لكل عشق من تتأذين لزمي كلبج ونادي بااسمي راح احس بيج بس بس شي واحد اوصيج علية لا تخلين احد يلمسج عشق لا تلبسين شي مرتب وينعجب بيج لا تتعطرين عشق مااريد غيري يشم عطرج واللة واللة اله ارجعج لحضني ياعشق محد يلمسج غيري روحي يا روح روحي اللة يقويج انتي قوية عشق لا تستسلمين بسرعة تذكريني بكل خطوه الج
تحاضنة حضن احباب ووداع حضن الي بعمري مينسيني كسرتي هذا الاختبار حيل صعب وانت تودع شخص تتنفسة طلعنة من لجامعة بقيت بالسياره لحد ماعشق اجة واحد من اخوانهة وراحت بوجهي طلعت للبصره مااعرف شلون وصلت لليل يالة وصلت تعبان ومكسور بس سلمت عليهم وطلعت لغرفتي محجيت وية اي واحد بعد مالي خلك كلت باجر اشوف المن تروح فصلية لان عندي بعد يومين اكدر اتحقق بالموضوع بس مجنت متوقع اني غلطان مجانن يومين لا جانن مجرد ساعات لان ثاني يوم عشق راحت بقيت بغرفتي وية كسرت كلبي وتعب اسنيني لثاني يوم اجة ابوية كعدني كال بيت عمك عدهم فصل ليوم سولفلي كلشي وهاي هم مصيبة بس عارضت شغلة لفصلية وهوه بغيبوبة منو ياخذهة كال ابوية لو انت لو احد من ولد عمك وعلى الاغلب حسام ياخذهة لان هوه متكفل بالقضية كال ابوية بوية اتمنة انت تاخذهة لان عمامك تعرفهم شنو ميرحمون احد وهاي ماالهة ذنب وانت اكبر واحد بيهم انت احق بيهة كلت انت تعرف اني رافض فكرت لزواج بوية سالتة منين مااعرف شنو كال اني ماجنت كاعد بالمشكلة جان عندي سالفة ومموجود بالديره وهمة عمامك طابخيهة وحاجينهة عن لساني من رجعت مكدرت اجذبهة لان اخوتي وسمعتنة تنكسر بقيت ساكت شسوي انت فكر بالموضوع واللة كريم
طلع ابوية واني ضحكت كلت اي ياعشق انتي ترحين فصلية واللة وسفة عشق خليتيني امشي واحجي وية روحي ولج خبلتيني دكيت على عشق مجاوبتني كلت اكيد نايمة ماجنت اعرف بنت حضي تحضر نفسهة للفصل دزيت مسج خبلتيني كمت افكر اخذ فصلية واداريهة علمود اللة يسلطلج واحد يداريت بدلت ونزلت ماتريكت كبل رحت للمضيف كلهة مجموعة يمنة لان راح تجي لفصلية بس بالي ابد مو يمهم ادك على علي ميجاوبني بقيت افكر بكل لحضة عشتهة وية عشق جنت ماانام وهي كاعده خلي لخط مفتوح لحد ماهي تنام جنت يومية اروحلهة للجامعة تفرح بشوفتي ههه تكول ليش هيج طالع حلو اني اغار جا انتي ليش قبلتي ترحين فصلية ماتحسين بغيرتي عليج اخ لو اعرف على يا صدر راح تتوسدين وتنامين شصار لو. اني خاطبهة جان مراحت فصلية شصار لو احنة متزوجين جان مانكسر كلبهة وتعبت عيونهة بالبجي جان ماانحرمت من اهلهة ريت لزمن يرجع ما نوصل لهذا ليوم اكثر يوم مشؤوم بحياتي كرهت كلشي كرهت حتى نفسي ردت اكوم اختل توازني وكعت ههه اي وكعت من قهري وحزني وكعت بسبب عشق نقلوني للمستشفى جان ضغطي صاعد صحيت واني بالمستشفى ردت تليفوني جابو دكيت على عشق مجاوبتني دكيت على علي جاوبني وحيلة مهدود حجة وياية سويت نفسي مااعرف شي كلت شهل صوت ليمك ريتة مامجاوبني كال ماخذين عشق فصلية واليوم انسلمهة انفعلت وبقيت اصيح عليه سديت لخط ودكيت على عشق جاوبي يروحي فدوه اروحلج بس خليني اسمع صوتج الاخر مره عشق لا تحرميني منج اخ ربي ناررر ما تنطفي بصدري عشق مامتفقين هيج ولج ليوم تنامين بحضنة اليوم راح تتأذين اليوم راح تنضربين عسى ايدهم لشلل انشاللة اللة لا يوفق كلمن هيج فرقنة تهسترت اجة لدكتور انطاني ابره مهدء كلت لا ولكم لا اريد اعرف وينهة المن راحت اليوم عساكم بنار كلبي بعد محسيت بشي اله لضهر صحيت اخذوني لولد للبيت محد اكو متحولين بمضيف لطرف لثالث كلت اخذني اهناك اني احل لمشكلة عسى مشكلة عشقي تنحل رحت على لمضيف واشوف كومة ناس وسيارات كلهة ملتمين باب لمضيف سألت شكو كالو جابو لفصلية كلت وينهة كالو دخلت يم لنسوان جوه وبس اهلهة بالمضيف هزيت راسي ورحت للمضيف وية روحتي لناس طلعت لان اني متاخر جاي بس اهنا من طلعو انصدمت بالي شفتة؟
ـــــــــــــــــــــــــــــــــــــــــــــــــــــــــ
عشق.... بعد لقائنة اني ومحمد رجعت للبيت مهدود حيلي رجعت وكلشي بية يصرخ تعبت حيل بسبب قهر محمد واشوفة شكد مقهور تلكتني امي بوستهة سألتني
ها يمة شبيج
تعبانة يمة
ريت لتعب بية ولا بيج
لا اسم اللة عليج
تعالي اتغدي يمة
هزيت راسي ابدل واجي
صعدت بدلت ونزلت كلهم مجموعين على لغده دمعت عيني راح انحرم من هاي لمة وشوفتهم مسحت دمعتي وكعدت بين خواني بس مالي نفس اكل علي كال
عشق بوية انتي متاكده من قرارج
صفنت وتمنيت ارفض فززني من صفنتي مصطفى
حبيبتي اذا مامستعده خليهة علينة ماعليج
هزيت راسي كلت لا متاكده من قراري حاولت ماتنزل دمعتي
توسدت على صدر علي ولمني بحضنة كال حضري نفسج لصبح نطلع احس اختنكت متحملت بعد انفجرت بالبجي واحد واحد من اخوتي يحضنون بية ويسكتوني هليل كله اني بنصهم ومااريد انام اريد اشبع منهم كال علي حبيبتي كلشي لا تاخذين ميقبلون حتى موبايلج بقي بالغرفة لا تاخذينة كلت حتى من هاي راح يحرموني صار لفجر كمت توضيت وصليت وصليت ركعتين بنية لتوفيق ويبرد كلب محمد لفراكي ماافتحت لتلفون لان اعرف راح اضعف كدام محمد بس جنت اتمنة اسمع صوتة قبل لا اروح نزلت اخواني كلهم متحضرين بديت اودع واحد واحد من امي الاصغر شخص شايفين من يحكمون على واحد بالاعدام وهوه بريء هيج اني نمت بحضن امي واريد اشبع من ريحتهة بجت بكل صوتهة وتصرخ وكئنما عزه عدنة ابوية اباوعلة لدمعة بارف عينة
كال ميهون علية يبنيتي واللة
بس ايده حضنتة كلت ادعيلي اللة يوفقني وارجعلكم بابة حضنت اخواني واحد واحد بس منتضر ماشفتة ومكدرت اودعة ودعت كلشي بيتنة ودعت غرفتي وذكرياتي طلعنة واني بنص اخوتي احس ماخايفة لان همة يمي بس ياترى لو عافوني وراحو شنو احساسي يصير لنص لطريق محمد اتصل بعلي سمعت صوتة اشلون متعصب ويحجي علي ماحجة شي سده منة راد ندخل لمطعم نتغده بس منو الة نفس اني رفضت الاكل واخواني كلهم رفضو كاعده بالنص واحس بالامان حاولت انام مكدرت لنوم طار من عيني وصلنة للمضيف جبير وناس كومة زلم ساده لشارع ماباوعت بالوجوه بقيت كاعده بالسياره نزل ابوية وعلي سوولي طريق علمود انزل اهنا حسيت كلشي خلص الامان ولسند راحو جنت اكول حلم وافز منة لزمت ايد مصطفى كلت مااكدر مصطفى لا تعوفوني وحدي
حضني بثنين ايدي كال
مستحيل نعوفج قبل لا نأمن عليج
يعني بعد مراح اشوفكم فدوه لا تعوفوني بالغربة ماكدر اتحمل افراكم حضنت مصطفى وبجيت نزلت وحضنت علي شالني بحضنة وشفت دمعة ايوية وكسرت اخواني كال علي واللة واللة اله اندمة لجان سبب كسرتج وكسرتنة الي خلة دمعتج تنزل بس خلي منتضر يطلع لان هوه مربط ادية ورجلية لا تخافين يروح اخوج واللة مااخليج اهنا شهر وارجعلج اني موجود يمج اي شي يصير دكي علية من اي رقم تلكيني يمج ودعتهم كلهم واحس جسد بلا روح اخذني رجال جبير كال لا تبجين بنيتي انتي سبعة وكفتي بحر من لدم بارك الله بالبطن الحملتج ريت كل لبنات مثلج دخلني يم لنسوان بس مااشوف احد من كد لبجي كعدت يم مره جبيره بالعمر كالت تعالي يمة تعالي يمني اكعدي لا تنقهرين محلولة انشاللة رحت يمهة جان وحده تكول واللة ياللة هم فصلية وهم ادور لمكان لزين ردتهة لمره لجبيره كالت ام حسام انتي بيتي لا تخليني اجاوز عليج مثل ماانتي ضيفة هاي هم ضيفة واكرام لضيف واجب الي عرفتة هذا بيت لطرف لثالث مرت ساعات صبو غده بس متغديت وتذكرت من اجيت للبصره ومحمد دزلي لغده بيد اختة يعرفني مااكل هيج اكل دسم فززتني لمره من صفنتي كالتلي اكلي يمة
كلت مااشتهي خالة الف عافية انتي اكلي خلصو غده كالو خلي تجي لفصلية يم لباب لشيخ يعقدلهة ضحكت بكلبي كلت راح يعقدون عقد موتج ياعشق كل دلال اخوتج راح يطلع بيج خليت ايدي على كلبي وذكرت محمد كلت سامحني خنت.وعدي الك كمت من مكاني اختل توازني واغمة علية
................
محمد وية وصلتي للمضيف لناس طلعت شفت علي اي هذا علي شيسوي اهنا ركضت عليه صحت
علي علي
محمد شعندك اهنا
انت شعندك اهنا هذا مضيفنة علي شجايبك لهنا وانت كلتلي فتحت عيوني يعني عشق فصلية لابن عمي؟
