هلاو انا اسمـي ملاك (اسـم مستعار) من البصره عمري حالياً ٢٠.. ١٥/٨ ادخل ٢١ المهم احجيلكم قصـتي وبارت واحد مـو بارتات واسفه اذا راح اطول عليكم المهم قصتي هيه
.
.
امي تزوجت من ابويا وحملت بيه ابويا جان يحب الولد الاطفال المهم جيت ع الدنيا وجنت حديث ولاده جنت ابجي هواي فف ابويا لزمني من رجلي وشمرني ع الشباك ونكسر عضم براسي ولهسه موجود ابويا مواليد ٦١ جان نائب ضابط بزمنهم يعني المهم ورا سنه مدري اشهر امي شردت من ابويا من ورا التعذيب وهيج من شردت ماخذت جناسي ولا مستمسكات ولا اي شي ورا فترا نفصلو امي تزوجت من ابن خالتها وابويا تزوج غريبه (ابويا جان مزوج وحده قبل امي وهم جابت بنيه وتركها) المهم ضليت يم امي صار عمري سنتين مدري ٣ وانا ماعرف شي عن ابويا ابد ولا شايفته المهم اتصل ع بيبيتي كلها اريد اشوفها ونطيها الجنسيه المهم امي لبستني ورتبتني صار العصر رحنا تواعدو بمكان وراحنا صارو يحجون ومدري شنو ابويا شالني وركض وبيبيتي تركض ورا وتبجي ركضو مسافه طويله واشوفها تبجي ( انا جانت بيبيتي مربيتني وجنت احبها هواي) المهم وكفو كالتله نروح لشيخ اذا الك حق تاخذ لبنيه اخخذها فف رحنا لشيخ وكال البنيه الابوها لان مزوجه امها فف رضو بلكلام رحنا لبيت ابوي صار الليل فرشت النا ونمت يم بيبيتي جنت متعوده الزم ايدها ونام المهم نومتني وكتلها ماريد انام خاف اكعد مالكاج كالت لا نامي ماعوفج امنت ونمت فزيت الصبح شفتها تبدل (جانت موضفه بدائرة الكهرباء) كالت رجعي نامي بعدين الضهر اجي الكاج مبدله حته نروح ورجعت نمت صار الضهر وانا انتضرها وضليت انتضر هم ماكو بجيت هواي وتعبت كلش وكتها وكل مابجي يصيحون عليه وانا ماجنت متعوده جنت مدلله يم امي المهم مرت شهرين مدري ٤ اجت بيبيتي جايبتلي العاب فرحت بيها وفرحت بلالعاب ونسيت الحزن والبجي المهم صار الليل هم نومتني ولعبتني وجانت تحجيلي قصه فف نمت كعدت الصبح ماكو بجيت لان رجعت فقدتها وتأملت ترجع الضهر انتضرت هم ماكو اجه ابوي الضهر من الشغل شاف الالعاب اخذهم حركهم كدامي ومجنت اكدر ابجي لا يعذبني (( طبعاً اليسأل عن امي مجانت تعرف انو ابوي اخذني للابد مجانت تدري بيبيتي جذبت عليها كالت فترا ويرجعها لان مشتاق الها امي قبلت ورا ايام امي سمعت وصارت تبجي وتخربطت)) المهم تخلو عني بسهوله محد سأل عليه ولا احد اجاني ولا عرفو عدهم بنيه صار عمري ٦ دخلت مدرسه وبهي الايام الكبرت بيها تعذبت جنت انا انضف البيت واكنس وامسح واطبخ وكلشي اسوي مجان يقبلون اكل شي جانو مخليني بغرفه ضلمه مابيها ضوا وبيها كواني مال الجيش ونايمه بلكاع جانو يشمرولي اكل من الشباك جان ابوي كل ميضوج يكعد ع كرسي وينزعني ملابسي ويوكفني ع رجل وحده وارفع ايدي واذا نزلت رجلي يضربني بلحزام جنت صغيره مافتهم شي ابد ومادري شنو لغلط الاسوي وساعات اذا ماكنس يضربني ساعات مرته تسوي شي وتخلي براسي لان تخاف وهوا يجي يعذبني كتل بلخشب والصوندات مرا اقسم بالله خله السجينه ع النار شفتها صارت حمرا والله العظيم نزعني ملابسي وخلاها ع جسمي مادري وكتها شجنت احس جنت اتاذه لو لا ماذكر جنت احس بألم ابد المهم دخلت مدرسه وجنت ادرس وشاطره رغم الاذه والتعذيب جانو يشوفون حالتي من اجي للمدرسه اكو ينطوني ملابس ويساعدوني وجنت اخاف اجي للبيت اخاف انكتل ورا فترا مرته حبلت صارت تتنسه راحت فتحت الثلاجه واكلت وهوا ميقبل يعني اجه هوا من الشغل شاف اكو شي ناقص اخذني للحديقه ورا البيت صار يضرب راشديات حيل وكل راشدي بي انشمر بلكاع واحد ورا الثاني راح جاب خشبه جبيره وعريضه وكلي فتحي ايدج فتحت وكسرها ع ايدي بحيث كبل عظم انتفخ بايدي والنص الثاني كسرها ع ضهري وجسمي وبصونده هم زلغ جسمي كله جنت اصيح ماما ساعديني وهوا يلزمني من شعري حيل ويكلي منو امج ( كتله اسم مرته خاف يكتلني اكثر شمر راسي بلكاع حيل وجان لابس حذاء وداس ع راسي وفرك راسي بلكاع بتراب وجهي صار يصب دم عيني وحلكي وخشمي ووجهي كله دم فف مرته كالتله انا اكلت مو هيه ماحجه شي وياها وكلي كومي جيبي غاز عافني وراح ماذكر وكتها شصار بس سمعت ابو الغاز ورحت بلباب وكفته وطلبت غاز شاف وجهي كله دم ماحجه شي المهم رحت للحمام غسلت ايدي المتفوخه وسبحت وراح الدمم ورحت كملت تنظيف كوه اخاف من الكتل وطبعاً نسيت اهلي امي وبيبيتي وخالي وخالتي ماصرت اعرف اساميهم ولا شكلهم ولا اي شي يخصهم المهم مرته جابت بنيه بس مطلكها مدري شعجب المهم مرت مده صغيره انطاني فلوس كلي جيبي حليب رحت جبت حليب وشغلات بعد فف اخذتهم وشردت مادري وين كعدت بمكان بي أشجار بنص الشارع ماذكر بضبط وين المهم ضليت فترا طويلهه يمكن ٣ ساعات المهم شافني ولد بدراجه كلي انتي بنت فلان اخذني بدراجه ووداني الابوي وماسولف الكم ع الكتل والتعذيب كله حرك بسجين اذكر شرب جكاره طفاها بأيدي وطفاها برجلي والهسه الاثر موجود بحيث اكو اماكن ماحس بيها مكان الجوي المهم صار عرس ابن خالته لبسوني وهيج وكعدنا بكوستر جان اشوف بنات خالتي كدام يباعون تمنيت اروح يمهم بس جنت اخاف من مرت ابوي... بنات خالتي جانو بعمري المهم نزلو النسوان يجيبون العروسه بقيت انا والبنات بلكوستر رحت يمهم شوي وجان يجون الناس رجعت مكاني رحنا البيت العريس الي جان ابن خالت ابوي والعريس اخو زوج خالتي المهم كاعده يم مرت ابوي واشوف خالتي من بعيد جنت اريد اروحلها اشكيلها اكلها تاخذني لان تعبت ماكدرت اخر شي صاحتلي جان مرت ابوي كالت روحي رحت شبكت خالتي حيل كعدت بحضنها وهيه تشبكني خفت اكلها شبيه وشصار وياي بعدين خلص العرس وكلمن راح البيتهم ضليت انا ع هذا التعذيب وضليت اكل ويا الجلب من الجوع جنت اعطش اشرب من المي ماته مره شمرتله اكل كعدت اكل ويا جان يعضني من ايدي ورم ايدي اكلها اسنانه دخلت بلعظم والدم صار يصب وجان جلب ضخم وجبير شون الدب المهم محد اهتم بجيت ورحت غسلت صار يوم ثاني ابويا ومرته وبتهم طلعو راحو البيت اهلها فف انا كلت جتي الفرصه خلروح اكل هما سادين عليه باب الغرفه حاولت اطلع من الشباك خليت طابوك وصعدت ع الشباك وطلعت جسمي بس راسي ماطلع لان مسافه صغيره وضل جسمي برا الغرفه وراسي بلغرفه جان يجون خفت كلش كلش كلش المهم شافوني حاولو يطلعوني ماكدرو ابوي تعصب وجاب الصونده وصار يكتل بيه اخر شي مادري شون طلعت وهم ابوي بطلني من المدرسه جنت اشوف البنات يرحون وانا بلبيت كلش اضوج وابجي المهم مرا شردت رحت البيت خالته الي بيتهم حايط ع حايط كتلهم لا ترجعوني والله يموتني هما ماهتمو ورجعوني هم موتني كتل مووتني بلحديده اذكر كسرني تكسر والله نجرحت رجلي جرح جبير اله خياط وجرح راسي وجرح حاجبي وراح ماجنت احس بألم بس اشوف دم اذكر جبت جواريبي مال مدرسه واددخله بجرح حته ينسد الدم المهم نمت وماذكر شصار بعد فف فترا مرت ساعه ٣ بليل ابوي طلع شاف الجلب معنده مي فارغ اجالي وانا جنت نايمه كلي ليش مناطيه مي اله كتله والله ناطيه جرني من شعري وطلعني للبيت البرا الصفحه الثانيه كتلني راشديات وبصونده وجانت طافيه كهرباء يمكن..... نزعني ملابسي ضليت بشورت وربط رجليه بواير وايدي ربطهم من ورا بواير وخله راسي جوا مرفوع عن الكاع وصار يكتل بيه بلواير وجان واير عريض وكل ضربه جنت اموت بيها ضل كاعد يشرب جكاير ويطفيهم بيه ويروح يكعد بغرفته ويجي مرا ثانيه يكتل بيه اخر شي حاولت افتح ايدي من راح انتضرته يجي يكتلني حته يروح المهم اجه كتلني وراح حاولت الزم رجليه واصعد ع الشباك اكعد وافتح رجليه فف الحمدالله كدرت فتحت رجليه وصعدت بطابق الثاني جان مهجور وسمعت احد فتح الباب وانا خفت متتت خوف كلش ركضت سريع وهوا يركض وراي جان اشمر روحي من الطابق الثاني طحت ع مكان بي حشيش ومدري شنو طلع حديقه جبيرهههه مال بيت الجيران وكلها نايمه لكيت ملابس مشروره لبست لان جنت مصلخه ونمت بلكاع ورا بيت الناس صار الصبح كعدت لكيت تمر بلكاع نازل من الشجره اكلت ولكيت تانكي مال مي شربت منه شبعت رحت افتر بلمكان اشوف شنو شافتني مرا جبيره جانت كاعده باب المطبخ جانت خرسه صارت تصيح بصوت عالي انا ااشر الها اكلها لا خفت يرجعوني اجت بتها جانت جبيره وعدها بنيه بعمري انا جان عمري هنا ٨ سنوات شافتني هي المرا اخذتني دخلتني للبيت التمو اهلها وولد جان اكو تقريباً جان عمره ٢٢ هيج شي فف كالت منو انتي اشرت الها ع بيتنا كالت ها انتي بيت فلان صارت تحجي وكالت للولد الي هوا اخوها كالتله رجعها فف انا توسلت بيها مترجعني كالت ليش كتلها لا ترجعوني والله يموتني وانا اببجي المهم كتلها جان يكتلني وشردت دخلتني للغرفه شافت جسمي صارت تبجي بجي بشهكه طلعت كالت البنيه معذبيها وهيه تبجي راحت سبحتني وشترتلي دوا مال كمل وكعدت تمشطلي وشترتلي ملابس ووكلتني وكالت انتي منو وين اهلج كتله مادري ماعرف احد كالت شسم امج كتلها ماعرف بس مادري شون الله نطقني وكتلها اعرف خالتي هيج اسمها وزوجها هيج اسمه فرحت كلش وكالت هاي صديقتي اتصلت بيها وكالت الامي المهم صار العصر اجت امي وخالي امي شبكتني صارت تبجي بجي بحركه انا مو هواي جنت اعرفها المهم صار الليل نومتني ع ايدها ونمت صار ثاني يوم الصبح ردنا نروح لبيت امي الي جان بيت واحد امي وخالي وزوجته واطفاله وخالتي وعدها ٤ بنات وبيبيتي وامي وزوجها المهم اخذوني طلعنا برا بيت هاي المرا خالي شايلني اشترالي حلويات من بعيد اشوف بيبيتي تركض حيل وتبجي انا خليت خالي ينزلني وبيبيتي بنص السوك شبكتني صارت تبجي شافت شصاير بيه وشون كبرانه وابد مو شكلي من جنت صغيره تبجي وكاعده بلكاع شابكتني وتبجي المهم رحنا للبيت وصلنا للبيت كعدت شفت بنات خالتي وشفت مرت خالي وخالتي كلهم شبكوني دخلوني للغرفه الثانيه ع البروده (بسنة ٢٠١٠) دخلت شفت بنيه جنن عمرها يمكن ٣ سنوات مدري ٤ كلش حلوه بيضه وشعرها ولادي كيرلي وجننن معانيها كلش حلوه وشفت بنيه بلكماط نايمه بععدين عرفت هذول خواتي الجبيره اختي هاي الحلوه مواليد ٢٠٠٧ والصغيره مواليد ٢٠١٠ جانت مطالعه من الاربعين المهم مرت ايام صرت اغار من اختي الحلوه لان جانو يحبوها وانا جانت الاهميه الي لان جنت الوحيده عند امي وزوجها المهم فترا عدت وودوني للمركز اشتكو ع ابوي حولوني ع الطب العدلي فحصو جسمي والكسور ومدري شنو طلع عندي هواي كسور بجسمي طايبه المهم دخلت مدرسه ووضع طبيعي صار دخلت اول وثاني وثالث المهم كملت حياتي طبيعي وامي حبلت ببنيه هم وجابت مواليد ٢٠١٣ وحياتنا حلوه وماكو تفرقه بينا انا وخواتي ابد بعدين خالتي شالت غير بيت وبقه البيت بس النا الجوا خالي ومرته وبنته وانا وبيبيتي وامي فوك هيه وزوجها وخواتي ٣ المهم مرت خالي صارت تضوج مني ماتحبني بس عادي مشت السالفه طبيعي بعدين قرر خالي يشيل ورحنا ويا انا جنت ويا بيبيتي مو ويا امي المهم فترا وفترا مرت خالي صارت تتهمني اخذ اغراضها لو ابوك ذهبها وصارت تتعارك وياي وتحجي عليه وخالي ميحجي شي وياها المهم رجعت يم امي انا وبيبيتي وورا سنتين هم صارت عركه بيبيتي وزوج امي لان جنت انام وانسه مانظف وجان يحذرني وانسه المهم طردني من البيت وطلعنا انا وبيبيتي رحنا لبيت خالي مرت خالي شافتني اخذت بناتها وطلعت برا البيت وصارت تكول مادخل للبيت اله ملاك تطلع منه خالي يكلها يعني كعد طردين امي كالت ماطردتها بس ملاك ماريدها بيبيتي عندت كالت ماطلع ولا ملاك تطلع المهم صار صبح خالي راح لدوام وبيبي راحت لدوام اجت هيه هددتني وحجت عليه وكالت اجي بعدين مالكاج انا خفت بدلت كملت لميت اغراضي وكفت بباب الشارع فكرت ااجر سياره وروح لبيت خالتي جان عمري ١٣ بس خفت اجت بيبيتي شافتني كتلها كلشي خابرت خالي فف صار الليل اجت مرت خالي جايبه شيخ وكالت البنيه ماريدها بيبيتي كالت البنيه صغيره مضاره احد المهم صارت عركه وانا ابجي ابجي وحدي من كلامهم خابرت امي وابجي كتلها هسه تجين تاخذيني ماريد اضل يمهم يوم ثاني رحت الامي ورجع وضع طبيعي بعد مرت سنوات وكبرت هم تغير شكلي ووزني ولساني طول 😂😂 المهم بعد احداث هواي بس تولي مو مهمه المهم انا هسه بعد شهرين ادخل ٢١ وصرت بنيه نجره هواي وهم تركت الدوام من اول متوسط لان معندي جنسيه وهسه كعد نسوي جنسيه وانشاء الله تطلع بس مو ناويه اكمل دراسه احب اشتغل وعلاقتي كلش زينه باهلي وطبيعيه وخواتي هسه وحده ١٦ ووحده ١٣ ووحده ١٠ عادي ابوي ماعرف شي عنه من ذاك اليوم بس ادري صار عنده ولد ٢ توئم ولد ٢
