အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)

3

Chapter 3

ယွမ်မိသားစုမှာမူလကတည်းက မက်ခါထုတ်လုပ်ခြင်းဖြင့်အစဥ်အဆက်ချမ်းသာလာခဲ့တာဖြစ်​သော်လည်း ယခုနှစ်အတွင် မက်ခါအမျိုးအစားအသစ်များစွာ​ပေါ်လာခဲ့သည်။ ယွမ်မိသားစုမှာ သိပ်အမီမလိုက်နိုင်သဖြင့် ကုမ္မဏီ၏အ​ခြေအ​နေမှာ အနည်းငယ်ကျဆင်းလာ​နေတာဖြစ်သည်။ ထို့​ကြောင့်ချီမိသားစု၏အကူအညီကိုကျိန်း​သေလိုအပ်​ပေသည်၊

ထို့အပြင် ယွမ်ရှင်းကျဲမှာ တက္ကသိုလ်ကို၀င်ဖို့ ချီယုမိသားစု၏အကူအညီကိုမှီခိုခဲ့တာပင်၊ ချီယုအကူအညီမရှိရှင် တက္ကသိုလ်မှ ကန်ထုတ်ခံရလိမ့်မည်။

ယွမ်ရှင်းကျဲတစ်​ယောက် သူ့ကို ဒီလိုဆက်ဆံ​ရဲ​အောင်ဘယ်သူကများ သတ္တိ​တွေ​ပေးလိုက်တာလဲ။

"မင်းဒီ​နေ့အ​တော်သတ္တိ​ကောင်း​နေတာပဲ၊ ဒါ​ပေမယ့်မင်း ရှင်းဟိုင်တက္ကသိုလ်ကို ငါ့မိသားစုအကူအညီနဲ့၀င်လာတယ်ဆ်ုတာမ​မေ့လိုက်နဲ့ ၊ မင်းက​စေ့စပ်ထားတာကိုဖျက်ချင်တယ်ဆိုမှ​တော့ မင်းရဲ့လက်ရှိအရည်အချင်းနဲ့ဆို ကန်ထုတ်ခံရဖို့သာပြင်ထား"

ချီယု​ပြောပြီး​နောက် ယွမ်ရှင်းကျဲ ၏​နောင်တရ​သောအမူအယာဖြစ်​ပေါ်လာမည်ကို ​စောင့်​နေလိုက်သည်။

သို့သော်ယွမ်ရှင်းကျဲကမူ သာမန်ကာလျှံကာ အိုးဟုအသံတစ်လျက်သာပြုလျက် ​မော်ပင်ကြည့်မလာ​ချေ။

သူ​ကျောင်းကထွက်ရမည်ကို ဂရုမစိုက်ပါ။ သူယခင်ဘ၀ကလည်း မကျန်းမာသဖြင့်​ကျောင်းတက်ခွင့်မရခဲ့ ။ သူ့အရည်အချင်းနှင့်သူ မက်ခါပညာရှင်တစ်ဦးဖြစ်လာခဲ့တာဖြစ်သည်။

ယွမ်ရှင်းကျဲ၏ဂရုမစိုက်​သောအမူအယာကိုမြင်လျှင် ချီယုအလွန်မ​ကျေမနပ်ဖြစ်လာ​တော့သည်။ သူ့မှာ၀ါဂွမ်းကိုထိုး​နေရသလိုပင် သူ၏စိတ်အ​ခြေအ​နေမှာပို၍ဆိုးလာခဲ့သည်။

သို့​သော်သူ​တွေးလိုက်မိသည်။ ယွမ်မိသားစုကကျဆင်း​နေ​လေပြီ။ ယွမ်ရှင်းကျဲသည်လည်းအ​နှေးနှင့်အမြန် ​ကျောင်းကထွက်ရ​လိမ့်မည်။ ​နောက်တွင်သူတို့နှစ်ဦး မှာမသက်ဆိုင်သူ​တွေဖြစ်သွားကြလိမ့်မည်။ ဤ​နေ့အတွက်​နောင်တရလိမ့်မည်။