أحببت قاتلي

الفصل التاسع

كان كل واحد سرحان في أسألته محدش كان  عارف مين ممكن يعمل كدا
لحد ما تليفون رن

مجهول: إيه رأيك في المفاجأه عجبتك
؟؟: انت ازاي تعمل كده انت مجنون
مجهول: انا مخبتش عليك وقولتلك هقتلها ولو حكمت هقتلكم كلكم
؟؟: وهي ذنبها
مجهول:  فعلاً وهي ذنبها ايه هي كمان مكنش ليها ذنب وزي ما راحت دي تروح

؟؟: يعني بالي بتعمله دا هترجعها هي مش هترجع وبعدين متعاقب اللي قتلها جميله ذنبها ايه

مجهول: لأ موتها هيعذبه زي ما انا بتعذب لكن موته هو هيعذب واحده مش فرقالي انا عاوز احرق قلبه علي اكتر حاجه بيحبها
عاوزها تموت بسببه عشان يفضل طول عمره يتعذب زي ما انا بتعذب
كل شعور عشته وبعيشه هخليه هو كمان يعيشه

عند راجح وتيام
راجح: تيام شكراً جدا لذوقك ولوقفتك جمبنا بس احنا لازم نمشي دلوقتي

تيام: ليه ياعمي انا دايقتكم في حاجه
راجح: خالص يابني بالعكس انت عملت الواجب وزياده بس مينفعش نقعد هنا اكتر من كداا

تيام: بس حضرتك لسه تعبان وطنط كمان وانا مقدرش اسيبكم كدا مقدرش

راجح: حبيبي انا مبسوط بمشاعرك دي جداا بس اطمن انا رايح عند اخويا وكلهم هيهتموا بينا اطمن

تيام: اللي حضرتك تشوفوا بس اسمحلي ابقي اطمن عليكم

راجح: اكيد طبعاً يابني ولو أني معرفش انت بتعمل كدا ليه

تيام: بعمل كدا عشان اتربيت اني مسبش حد محتاج مساعدتي ولا اتفرج علي تعبان وامشي

راجح: ربنا يحفظك يابني

تيام: معقوله بعد ما جيت هنا عشان ابقي جمبها تبعد لأ وكمان بعد ما اتأكدت ان حياتها معرضه للخطر هي واهلها مش هينفع اسيبهم ابدا بس لو روحت قعدت جمبهم اهلها هيشكوا فيا انا مش عارف أعمل ايه

جميله: بعد كل اللي عيشته حاسه اني محبتش غير تيام وقفته جمبي وشيلته لبابا ومسندته لينا والخوف اللي شوفته في عنيه يخلوني أئمن علي نفسي وروحي وقلبي لتيام وانا مغمضه عيني انا واثقه فيه بشكل كبير جدا

انا بس خايفه ميطلعش بيحبني يطلع زي ما قال مبيستحملش يشوف حد تعبان او محتاجه ويسكت

بس هو في كل الصفات اللي عيشت عمري اتمناها حنين اوي ومراعي للي حواليه بيسمعني وحاسه ان دا الشخص اللي لو تعبت هيشلني حقيقي بتمني يكون بيحبني زي ما انا بحبه

مجهول: عشان تعرف اني بحبك ومش بخبي حاجه عليك انا هقتلها انهارده

؟؟: انت بتعمل ايه حرام عليك ارجوك خلينا نتفاهم انا عاوز اشوفك

مجهول: انا مش متصل اناقشك انا بعرفك اني هقتلها لو عاوز تلحقها الحقها وانا هحاول مره واتنين والف انت مش متخيل كمية الاستمتاع اللي بحس بيه وانا شايف الخوف والرعب جواكم هفضل استمتع كدا لحد ما موتها يبقي علي ايدي

؟؟: انا مستعد اعملك اي حاجه بس ارجوك سيبها الو.. الو..  رد عليا

كنا عند عمي والحقيقه إن كلهم كانوا مهتميين بينا جداا لحد ما الليل ليل وسمعت صوت غريب كنت حاسه ان في حد بيحاول يفتح الشباك كنت رايحه اشوف في ايه وانا خايفه

وفجأه سمعت صوت بنت عمي الصغيره بتصوت  وكل اللي في البيت صحيوا وجريوا عليها بس الغريبه واللي متوقعتوش ابدا ان الشخص اللي حاطط السكينه علي رقبت بنت عمي كان بيصرخ بأسمي وبيقول هقتلك يا جميله مش ههدي غير لما اقتلك

ولكن الاغرب اني سمعت بابا بيصرخ وبيقوله هي ملهاش ذنب

فضلت بصالهم وانا مش قادره استوعب إيه اللي بيحصل وفجأه..