အမှိုက်ကောင်လေး၏ ပျော်ရွှင်ဖွယ်ဘဝ (Completed) အမွိုက္ေကာင္ေလး၏ ေပ်ာ္႐ႊင္ဖြယ္ဘဝ

အပိုင်း (၃၆)

အပိုင်း (၃၆) မုဆိုးကြီးအိမ်သို့ရောက်ရှိလာတဲ့ မဖိတ်ခေါ်ထားသောဧည့်သည်များ -4

မူလထဲက အခြေနေမှာတင်းနေမာနေတာဖြစ်ပြီး ပိုင်လီကရုတ်တရက် တစ်ဖက်ကလူတစ်ယောက်ကိုကန်လိုက်သော် ချက်ခြင်းပင်လှုပ်လှုပ်ရှားရှားဖြစ်သွားခဲ့သည်။

တစ်ဖက်ကလူတွေက စတင်တိုက်ခိုက်ဖို့လှုပ်ရှားကျတော့မှာပေမယ့် ကြားဖြတ်ဝင်လာတဲ့အသံတစ်ခါကြောင့် ဘာလှုပ်ရမှန်းမသိဖြစ်ကာ ရပ်တန့်သွားခဲ့ကျ၏။ ထိုအသံမှာ အကြီးကဲကျန်း၏အသံပါပင်။

"ငါက ဒီရွာရဲ့အကြီးကဲပဲ! ဒီမှာဘာတွေဖြစ်နေကျတာလဲ!"

အကြီးကဲကျန်းက ခြံဝတွင်သာရှိသေးသော်လည်း တိုက်ခိုက်ကျတော့မည့်အရိပ်ယောင်များမြင်၍ အော်ဟစ်ရင်းပြေးလာကာ သူ့ရွာသားများ၏ရှေ့တွင်နေရာယူလိုက်ပြီး တစ်ဖက်ကလူများကိုမူ အလွန်သုန်မှုန်စွာကြည့်လျက်...

"ဒါက ငါ့ရွာပဲ မင်းတို့ကဘယ်ကလူတွေလဲ ဒီရွာကိုလာပြီးတိုက်ခိုက်ချင်နေကျတာလား!"

အကြီးကဲကျန်း၏မေးသံကြားမှ ယန်စန်းဟွားလည်း ကြောင်နေရာမှသတိပြန်ဝင်လာခဲ့သည်။ သူမက ပိုင်လီ ရုတ်တရက် တိုက်ခိုက်လိုက်မယ်လို့မထင်ထားတာကြောင့် အံသြသွားခဲ့ရတာဖြစ်၏။ သူမက သူမလူတွေကို ကလေးတွေကိုသွားခေါ်ခိုင်းခဲ့ပေမယ့် အဲတာက တကယ်တိုက်ခိုက်ခိုင်းတယ်လို့မှမဆိုလိုတာ။ ပိုင်လီသာရုတ်တရက်ရန်မစခဲ့ရင် သူမလူတွေကလည်း တိုက်ခိုက်ကျပြီထင်ပြီးတော့ ပြန်တုန့်ပြန်ခဲ့မှာမဟုတ်ဘူး။

ဒီမှာရန်ပွဲဖြစ်မှာကို အကြောက်ဆုံးလူကဘယ်သူလဲဆိုရင် အဲတာကသေချာပေါက်ယန်စန်းဟွားပဲပေါ့။ သူမကလက်ထဲမှာစာချုပ်မရှိပဲ ကလေးတွေကိုလာခေါ်ခဲ့တယ်။ အစထဲက ဒါကဟန်ပြခြိမ်းခြောက်မှုဆိုတာအသိသာကြီးပဲ။ သူမကပိုင်လီကြောက်လန့်ပြီး ကလေးတွေကိုထည့်ပေးအောင်ပဲလုပ်ချင်ခဲ့တာ။ ပိုင်လီက အသာတကြည်ထည့်မပေးဘူးဆိုမှတော့ သူမကစာချုပ်ရအောင် ထပ်ဝယ်ရုံပဲရှိတော့တာပေါ့။ ဒါကို ပိုင်လီက စလက်ပါခဲ့တယ်။ ဒီခွေးကောင်က ဘာဖြစ်ချင်နေတာလဲ!!