لم أكن بغيّا

البارت الواحد والاربعين

مساء العافية على اجمل عيون

دجلة

وفي صبحاٌ وقفت أمام مرأتي
وقد بانت على وجهي خساراتي
ارئ شخصاً على المرأة يكرهني
وما اقساه كره الذات للذاتِ

#يمامة🖊📖

مشاهدة ممتعة للجميع تفاعلكم للبارت

☆☆☆☆☆☆☆

نايمة واحس هوى بااارد ضربني هوى يرد الروح
وحسيت احد مثل جاب جرجف ابيض وغطاني بي
من راسي لرجلية   فزيت من نومي واشوف روحي نايمة بهدوم الركص  ومكشفة بدون غطة بقيت أتلفت داير مداير حسيت احد جان هنا

:منو جان هنا غطاني حسيت احد غطاني بجرجف معقول جان حلم زين ليش هيج.احس براحة

خليت ايدي على صدري اجر نفس واحس كلبي يدك بسرعة

احس حتى النومة راحت من عيني  عاينت لفراش سارة فارغ

اووف يا ساره هاي ماتجوز لحد ما توكع روحها بيد سلطانة
كمت  من فراشي بدلت  بجامة وقميص
لميت كفشتي جن صاير بيها انفجار  ربي هسه لو صاير سرح ليش هيج كفشة مادري

لمية وسويته طوبة طلعت من الغرفة كلها ذابة رواحها ونايمة حقهم اذا لنص اليل همه يطربكون ويهزون
طلعت برة اريد.اشوف هاي وين راحت
ضليت ادور لحد ما لكيتهم خاتلين بزوية  وكاعدين يتبسبسون

:وتااالي هل تختل شنوو

فزو من سمعو صوتي  وكام محمد سد حلكي وجرني يمهم

:مرض وخر ايدك مني  متوبون

:اشش صوتج  جاي نتفق اني وسارة

:عليشش تتفقون متكلي على طياح حظكم

سارة:اتفقنة نشرد اني ومحمد مانبقى هنا

:وعبالكم سهلة الشردة شبيكم انتو ميصير تتصرفون بدون عقل لازم تحسبون حساب لكل خطوة  وتخططون زين

:اي صحيح احنه ماكلنه هسه نشرد بس كم يوم بين ماندبر وضعنه ونشوف  ماكدر اضل آيسل اني طول عمري واني افكر شلون اطلع منا والي لازمني سارة بس هسه مابيها مجال اخذ سارة ونطلع ونعيش بعيد ونتزوج

حجيت بحزن نابع كلبي اني بس ذول الي احبهم هنا شلون اذا صدك راحو وعافوني

:وتخلوني وحدي ترة اني مالي غيركم هنا بس انتو تحبوني بدون مصلحه تردون تتركوني

سارة:آيسل روحي ويانه ونعيش سوة

محمد:اي آيسل روحي ويانه والله احميجن بروحي آيسل بس اريد تقتنعنين بشنو احلفلج اني مناسي واتذكر شلون باكوني  وانتي وسارة هم باكوجن من أهلجن   شوفي شلون جاي يجبون جهال وبس يبجون هذول كلهم مبيوكين مثلنة  اني وانتي سارة عدنة اهل وذا دوراناهم يمكن نلكاهم