في كل حزة لك مع البال ميعاد

بارت"20"

الساعه 10 الصباح صحو كلهم واتصل محمد على سطام يقوله ان الجد بيدخل العمليات وضروري يكون موجود
سطام:- يالله مسافة الطريق واكون عندك
ام سطام:- بالحوش انا معك ياسطام والله ماتركه لخاله
سطام:- يمه ابوي بيدخل العلميات ماله داعي تجين
ام سطام بدموع:- يارب تلطف به وتقومه بالسلامه
سطام بضيق:- امين

الساعه 4 العصر دخلت ام السيف على ام سطام وشافت فيهم الحزن اللي كاسي وجيهم
ام السيف:- يام سطام ياحبيبتي هو بين يدين الله ادعوله مايبي غير الدعوات والله
ام سطام بدموع :- ياشما عشرة 50 سنه والله ماقد نمت ضايقه ولا زعلانه عليه خفيف الروح 
سلطانه وهي داخله بفرح:- يمه ابوي صحى حمدلله والعمليه نجحت
ام سطام :- لاتعشميني ياسلطانه وتخليني اعيش بالوهم
ليلى بفرح :- والله يايمه ان هذا كلام العيال وكلهم طمنونا ونقدر نروح نشوفه
سلطانه:- الله يهدي سلمان وماجد ماهو وقت سفرهم من يوصلنا لابوي هاللحين
ام السيف:- بنادي السيف يودينا له دامه صحى والعيال مشغولين وياه
ليلى ب احراج :- مافيه كلافه يام السيف؟
ام السيف بغمزه:- السيف ولدك خلاص ماهو ولدي
وصل السيف واخذ سلطانه وليلى وام سطام وامه واتجه للمستشفى وشاف ابو السيف وسياف واقفين عند باب العنايه ومعهم رجال كثير
السيف بصوت جهوري:-  ام سطام وبناتها جايين يشوفون شايبهم ابعدو عن الطريق
ابو السيف:- شلونك يام سطام؟
ام سطام:- ان كان ابو سطام بخير فانا بخير ان شاء الله
تنهدت بضيق ودخلو وشافو ابو سطام منسدح وعلامات التعب ماليه وجهه وابتسم من لمح ام سطام وبناته ونطق:- يامرحبا يامرحبا
تقدمت ام سطام وباست رأسه ونطقت:- عساه اخر مكروه يمسك يابو سطام
ابو سطام ب ابتسامه:- عسى الله يخليك لي انتي وماجبتي
ليلى بحنيه:- عجزت انام بدون حسك فالبيت تكفى يايبه لاتخلينا
ابو سطام :- يابنيتي هذي اقدار ماندري وش مكتوب لنا
دخلت ام السيف ونطقت:- حمدلله على سلامتك يابو سطام
ابو سطام :- الله يسلمك ويطول عمرك
دخل السيف وباس راس ابو سطام ونطق:- الحمدلله على سلامتك ياعم وعسى الله يعطيك الصحه والعافيه
ابو سطام:- الله يعافيك ويطول بعمري لين اشوفك داخل علي انت وميعاد
ضحك السيف بحب من طاريها وهو مايقدر يخفي حبه لها
ليلى وهي تشوف حب السيف وابتسامته من طاريها حست براحه وهمست:- هذا عوضك يابنتي هذا اللي يستاهلك

عند ميعاد كانت بغرفتها وتبكي وهي داخلها الخوف من بعد تعب جدها وتذكرت شعور موت ابوها تنهدت بضيق وقالت:- يارب لاتذوقني مراره اليتم مره ثانيه

رفعت جوالها واتصلت ع امها ونطقت:- يمه تكفين اذا هو بخير قولي لي واذا لا تعطيني امل
ليلى ب فرح:- وشرايك تكلمينه وتسمعين منه؟
ميعاد:- يمه اكلم مين؟ انا اقصد جدي
ليلى عطت الجوال ابوها ونطق:- وجدك بخير يابنيتي ويبشرك انه بيجيك بكره
ميعاد بدموع:- يبه انت بخير صدق يبه تكفى لاعاد تضيق صدورنا عليك
ابو سطام:- يابنتي هذا قضاء الله وقدره ماهوب مني
ميعاد:- يبه تكفى قل لمحمد يجيبني لو قلت له بيرفض
ابو سطام بضحكه:- السيف جنبي اخليه يجيبك هو
سكتت ميعاد بخجل وهي ماتدري وش تقول
السيف :- تبشر ميعاد وجد ميعاد تبون اجيبها؟
ابو السيف بحده:- اعقب ياولد بهاج انت ماتستحي
السيف:- يايبه زوجتي على سنه الله ورسوله
قفلت ميعاد الخط وهي ترجف من الخجل وكيف ان السيف جرئي وتكلم قدام الكل كذا ابتسمت وهمست الله يعيني عليك ياولد بهاج
عند ليلى كانت مبسوطه من كلام السيف وثقته وانه اثبت لهم انه يحبها فعلاً ويحب وجودها
ام سطام ابتسمت من هذا الموقف وقالت ميعاد انظلمت وهذي نتيجه رفعت صوتها وقالت:- عزالله انك تستاهل ميعاد يالسيف!
السيف ب ابتسامه:- الله يطول بعمرك ياخاله
ام السيف:- مادريت ان ولدي حظه حلو الا لين وافقت عليه هالذهبه
ليلى:- والله انها ابرك الساعات يام السيف
ام سطام:- غالي واخذ له غاليه
استاذن السيف وامه وابوه واتجهو للسياره ونطق ابو السيق وقال:- ابو سطام وتعافى الحمدلله كلمي ليلى عن موضوع السيق
وكلمي سلطانه لجل المها وخلي الفرحه فرحتين
ودي اكون متوسط المجلس نسيب لابو سطام وكل القرايب حاضرين
ام السيف:- يوم الجمعه بسير عليهم واعطيهم الخبر
السيف كان مبسوط من كلام ابوه وقراره وتذكر عذوبه صوتها والحنيه اللي كانت واضحه عليه وابتسم بحب من عرف ان سكوتها هذا دليل خجلها همس وقال:-
أخترت قربك بين هالناس نقوه
‏وأعميت عيني عن غلا كل مخلوق