فواحد الحي من الدخلة ديالو باينة شعبي من الغوات ديال الدراري الصغار والدراري لي كيلعبو كورة والعيالات لي فالشراجم مقابلين غير الحضية والتبركيك،فواحد الدار كانت كتكون من جوج طوابق كان واحد الدري طالع فالدروج وكيغوت نعمة نعمة فينك فينك اهاديك الشايطة
خرجات الأم من الكوزينة كتغوت مالك أوليدي كتغوت عوتاني.....
منير الأخ ديال البطلة ديالنا دري بحال جميع الدراري لي بلا هدف فهاد الحياة لا خدمة لا ردمة لا مستقبل عندو 22 عام عوتاني داخل محيح علا ختو علا قبل شنو قالو ليه الدراري ديال الحي عليها.....
منير:فينك اهاديك الموصخة خرجي عندي نربيك راكي ممربياش
ام البطلة ديالنا لالة زبيدة مرا بحال جميع الأمهات المغربيات مربوعة القد عندها 41 عام الزمان غلبها ولاكن باقا شادا فراسها وطيرها فالسماء غير هو كدير الفرزيات بين ولادها وعندها الدري ماشي بحال البنت....
لالة زبيدة:مالك أوليدي كتغوت شنو دارت ليك عوتاني
منير:مشتيهاش الواليدة كيكانت خارجة من المدرسة وداك اللبس لي كانت لابسة اه ودوك الرباعة لي كانو غاديين معاها
لالة زبيدة:راه عييت منهضر معاها علا لبسها وراها لي فراسها فراسها والأصدقاء اوليدي ولابد منهم راه غير صحابها فالقسم هادوك والمدرسة
منير:ولا الوليدة تمشي راسها ولا معا بنت وحدة ماشي معا البراهش واش انا نضحك فيا الدراري صحابي
يلاه بغات تهضر لالة زبيدة وهي تم هابطه ست الكل ديالنا مادموزيل نعمة ايييه سميتها نعمة وعندها 17 لعام كتقرا فالأولى بكالوريا بنت مجتهدة فقرايتها وعندها القراية هي كلشي حيت هي طموحة وباغا تكون شيحاجة فالمجتمع من ناحية الزين ديالها هي بشرتها بيضاء وعيونها حادين وفيهم واحد اللون غااامق وقريب للأسود مشفرين اما فمها فهو منفوخ وكبير شوية وسنانها مقادين وعندها غمازة وشكل وجهها حاد وشعرها أسود وطويل وكثيف ورطب مشاء الله وهادشي من عند الله مكدير والو او بالأحرى مكيخليوها دير والو اما من ناحية لاطاي فتبارك الله عامرة وغير من المناطق الأنثوية الصدر مقاد وطالع لفوق اما الكرش مكاينااش والخصر منحوت وليهونش تبارك الله خارجين ولالة مسعودة دايرة ومقادة وأهم حاجة ان فيها 1,70.مهم كلا حاجة فبلاصتها وختنا عندها متقول كتبان كبر من عمرها اما من ناحية واحد الشخصية فشخصيتها مرحة واجتماعية وفنفس الوقت غامضة ومكتخليش دقتها...
نعمة:مالك اخويا محيح علينا هاكا
منير: محيح ياك الموصخة اللي ممربياش ولاكن انا غادي نربيك وتم غادي باغي يضربها وهي تهرب ليه ودخلت لبيتها...
نعمة:نتا واحد الحكار ديما حاكر عليا كتبغي دير فيها قدامي صعصع وقدام دوك صحابك كتحني الراس
منير:سمعتيها سمعتيها الواليدة أشنو كتقول
نعمة:ايييه مالي كدبت عليك ولبسي عاجبني وعارفة راسي اش كنسوا ونتا انص رويجل اخر مرة تجي تهضر معايا وسير خدم علا راسك ومتبقاش حاضيني وقول لدوك صحابك يديوها فراسهم ويدخلو سوق راسهم
منير:انا راه غنهرس علا موك هاد الباب.. واش سمعتيها ازبيدة سمعتيها
زبيدة:عافاك اوليدي راها باقا صغيرة وبلا عقل مديش عليها عافاك اوليدي..
منير:ايوا هانا غادي دابا نشوفو هاد ضسارتك فين غادا توصلك..
خوها لي مشا،نعمة لي بقات لداخل شوية بقات كتبكي واضرب فراسها علا زهر لي عندها ديما خوها مغوت عليها وضاربها دازت واحد المدة وهي كتبكي حتا ناضت وخرجات من البيت لقات ماماها مكيناش باينة مشات عند ختها مهم مشات لكوزينة كلات ودخلت لبيتها بدات كتلبس حيت باغا تخرج غسلات وجهها ودارت ايكخون ديال الشمس هو لي كتكساب ولبسات واحد الكولون لاسق مبين لاطاي ديالها وواحد التيشيرت اوفر سايز بيض وخشات النص ديالو فالكولون وتقاشر طوال بيضين وواحد سبادري نيو بالونص فالأخضر مهم سالات وهزات تليفونها وخرجات قدام واحد الرباعة ديال العيالات لي بقاو حاضيينها..
نعمة:ياربي السلامة تفو علا حضاية(قالتها فنفسها)وهزات يديها وقالت ياربي تبعدني من هاد الحومة وطيرني عليهم .....
بقات غادا فالطريق ولا بد من التعناب ديال ولاد دربها لي مكتحملهمش.....بقات غادا مسافة ديال الطريق حتا وقفات حدا واحد الدار لي متكونة من تلاتة ديال الطوابق بقات كتعيط ليلى وا ليلى مهم ساعة وهي كتعيط حتا جوباتها الاميرة النائمة ديالنا لي يلاه نايضة من النعاس باقي شعرها مخربق وسروالها جهة طالعا وجهة هابطة كانت بنت زوينة وملامحها زعرين وعيونها غاديين للخضورية اما فمها فصغير ومنفوخ ووجها داير وشعرها زعر واصل للنص فضهرها اما واحد الفورمة فراها مغليضاش بزاف بحكم انها متأترة بالافلام التركية ولاطاي ديال عارضات الأزياء واخا مطويلاش بزاف فيها 1,65 مهم هيا من ناحية الشخصية ديالها فهي حمقة وطاير ليها وهارب ليها وكلشي ولسانها مبري منها غير هي دغيا كتبكي معا حساسة شوية عندها 18 كبر من نعمة بعام ولاكن سقطات عام فالتحضيري وهاد الشي كولو حيت مكانتش كتحمل أستاذتها اه واخا تسمعو رآها ساقطة ولاكن قراية ومجتهدة بحال نعمة ....
نعمة:يابنت الحرام ياك قلت ليك نجي عندك نلقاك واجدة
ليلى:وغير سمعي راه كنت معا جداتي فالحمام وجيت مهلوكة ونعست ونسيتك غير سمحلي
نعمة:يلاه دغيا لبسي ويلاه نخرجو أنا راه تخنقت فديك الدار
ليلى:واخا الزين ديالي ..
طلعات ليلى لبيتها غسلات وجهها ودارت مكياج خفيييف باش متشوفوش جداتها وتخليها تخرج معلينا لبسات واحد الكسوة حد الركبة باللون الأخضر غامق ولبسات معاها صندالة ديال الخيوط فاللون الأبيض وربطاتهم علا رجليها وتمات دايزة من حدا جداتها
جدات ليلى مرا كبيرة فالعمر وقاطعاها فليلى مكتخليها دير والو وكتحرش باباها عليها حيت مكتحملش ومكانتش باغاها تزوج بولدها وحيت بابات ليلى غلط معا ماماها تزوجها بزز منو ومن بعد مولداتها ماماها مشات وخلاتها معا جدتها وباباها لي تزوج مرة أخرى من مرا مكتولدش معلينا
جدة ليلى:افين غادا اهاديك الحرامية..
ليلى:خارجة انا شوية ونجي
جداتها:وسيري مشية بلا رجعة...
ليلى مشات هبطات ومداتهاش في جدتها..
نعمة:لولولو خاصني نزغرت تي فين كنتي
ليلى:وراه كنلبس تي مالكي صافي زيدي سكتينا
نعمة:صافي صافي هانا ساكتة مهم يلاه نمشيو نهبطو للمدينة
ليلى:عندك الفلوس
نعمة:عندي عندي غا زيدي
ليلى:اه صافي حيت انا راه معندي تا ريال
نعمة:تفو علا بنادمة ملاقيا غير معا المزاليط
ليلى:وراه هادشي لي عطا الله....
##يتبع🙃🙂
نتمنى تكون عجبتكم البداية ديال هاد القصة وتفاعلو معاها🌹🌹
YOU ARE READING
غدر الزمان❤️🔥❤️🔥
Action###هاد القصة كتعاود علا جوج صديقات تلات بيهم ليام وحدة جراو عليها والديها ووحدة هربات معا صديقة العمر ديالها ورفيقة دربها...... ##قصة مليئة بالأحداث الشيقة وضروري من الرومانسية والاكشن نخليكم معا القصة⚔️❤️🔥🫂
