Dana stories"(قيد التعديل)

ونس"

•
اختر من لا يفتعل شيء معك، من يأتي حقيقي

ويبقى بحقيقته، مَهما كان الظرف والسَّبب ❤️.
_________________________________
_ياااه انا بحبو اوي يشروق

_يبنتي حرام عليكي، مش دا اللي كنتي بتعيطي لي منو اول امبارح، وحلفتي بالاديان كلها انك مش هتكلميه تاني

_مهوا صالحني خلاص، وحلف انو مش هيدايقني تاني

_نفس الكلام بتاع كل مره، انا مش فاهمه انتي ازاي يبنتي مستحملاه ومستحمله تصرفاته اللي مش مقبوله دي تحت مسمي الحب، يعني اي يقولك مفيش نزول، وانتي اصلا باباكي موجود وموافق انك تنزلي، ويعني اي حفلة التخرج مش هتروحيها عشان بيغير، طب ميتلحلح ويجي يخطبك ويروح معاكي الحفله بدل ما هو غيران من بعيد كدا، وفوق كل التحكمات دي بيعاملك علي مزاجو، يكلمك وقت ما يحب، ويسيبك بالايام ميردش عليكي، ولما يرد يقوم مزعق معاكي عشان انتي زنانه وهو مبيبقاش قادر يتكلم وانتي بتتقمصي، يعني ب امانه مفيش ميزه واحده فالعلاقه دي تخليكي تكملي معاه اصلا

_عادي، اللي بيحب حد بيستحمل منو كل حاجه

_دا لو الشخص دا مثلا يدايقني غصبن عنو، او علي الاقل اللي عملو بيبقي دايقني بس لمصلحتي ف هعديها، انما يدايقني وانا مش غلطانه وينكد عليا ويصالحني وقت ما يحب، لا مستحملهوش بصراحه.

_نفسي اعرف اي مشكلتك مع الحب، انتي مضيعه عليكي حجات كتيره بسبب ان تفكيرك غلط

_انا مش غلط، مهوا لو الحب بالنسبه لك ان حد يجي يقولي بحبك وانا اقولو بحبك يبقي انتي اللي غلط، انا بالنسبه لي الحب افعال، واحد بيدي اهتمام وبيبقي حنين عليا من غير مقابل، حد بيكمل اللي ناقص فيا، مش يجي يعايرني بيه، انا مش هضيع وقتي في اي علاقه مش هتريحني ولا هحس فيها بالامان والونس، عشان كدا مش هختار اي حد بصراحه، اصل دا جواز مش تنقية خضار، ف لازم اختار صح

_ماشي يستي، يلا بينا نروح نشوف الفستان اللي هنشتريه للحفلة

_يلا بينا

___________________________________

_جه يوم حفلة التخرج اخيرا، اليوم اللي بحلم بيه من اول ما دخلت الكليه، رنيت علي رنا واتقابلنا قدام مكان الحفلة

_يساتر يارب، قالبه وشك علينا لي، هو سي روميو قالب عليكي

_اتخانقنا الصبح، وقالي مفيش نزول، روحت قلتلو اني نازله ويعمل اللي يعملو عشان انا زهقت منو

_لي كدا بس، مش اللي بيحب حد بيستحمل منو كل حاجه

_خلاص بقي انتي هتمسكيلي فالكلمه يستي، لا الواحد ميجيش علي نفسو اوي كدا، كدا اوڤر

_خلاص متزعليش، سيبك منو هو مش هينكد عليكي فيوم زي دا كبري دماغك

_انتي صح، يلا نخش عشان منتأخرش