في اوسطهم

البارت الثالث عشر

بسم الله
اللهم صل على محمد وآل محمد وعجل فرجهم 💚🌿
♡♡♡♡♡♡♡♡♡♡♡♡♡♡♡♡♡♡
ها نحن وسط المحيط الذي عشنا نعاني رهابه
ها نحن نعانق مخاطره
نبتسم في وجه امواجه
نغطس في اعماقه بالرغم من إننا لا زلنا نرتجف خوفاً..

مرت حزمة من الايام تحت سيطرة الهدوء رغم ثورات طفيفة من التوتر..
تمارة اخذت دور ضيف الشرف مع اغلبية الموجودين مستثنى بذلك ميادة بحكم علاقتهم الودودة سابقاً..
وازهار مستمرة بدور المعلق الناقد..

بعصرية والسمة تودع شمسهه چانت ميادة وتمارة ماخذات ركن بالحديقة بكذا حوار تلعب بالحديقة گبالهم وئام..
ووئام هي الرابح  حالياً بهل التغيرات لگت الانسانة التحتوي نقصها
كون ميادة هي المسؤولة عنها وگعدة ميادة وي تمارة خلت علاقتهن تنمو بسرعة..

_ يعني ماكو أمل بالتعيين؟

_ مااظن اني هسة مكتفية بوظيفتي الحمد لله

استضحكت تمارة بتشبيه:  انتظار التعيين بالعراق مثل انتظار موافقة وفي على الشغل

_ ههههه عيفي الزلمة يااا

علت ضحكة تمارة اكثر مستمتعة عكس يومية نظرتها باردة وحركاتها باردة تحسهه لاذت من الاختلاف بتجميد ردات فعلها
هدت قهقهاتها من سئلت ميادة بجدية:

_ مرتاحة تمارة ويانة

_ حاابة شعووري بينكم اتمنى ابقى

_ إن شاء الله..  بعد محد يگدر يطخچ ومحد إلة حق عليچ صرتي فرد منة

چان اكو اعتراض يتمرجح على شفتهه بس مانطقتة
_ بيچ شيء زاعچچ شيء!!

_ لا

ضمت إيديهه تملسهم ببعض
ميادة:  هلال شونة وياچ

_ يوم يوم يزيد امتناني إلة

_ طيب شنو المخلي الشكم كلمة جواچ محبوسات؟

_ ميادة احچي ومتفهميني غلط بغلاة عائلتچ

_ اكيد گولي

_ اني كلش حيادية اتجاه فكرة جيتي لهنا بوقت مفاجأ ومااطمح الا للاستقرار بدون اذى،  وكلش زين اعرف بموقف البنات إتجاهي وآني مبتعدة حتى لا احرجهم ولا يحرجوني بس يبقى يحز جواتي بكل مكان اتواجد بية تنترس مسامعي بتعليقات ازهار المقصودة.. حبيت اوضح إلچ الصار وكتمت هالشيء عن هلال خفت يفهمة تحريض على بنتة..

عضت لثتهه ميادة وداخلها نصب حرب توعد لازهار قبل لا تعتذر من تمارة:

_ هي ازهار طبعها متمرد وتحتاج وقت طويل حتى تتاقلم بس هذا ماينطيها حق التجاوز عذرينا

_ آني من گتلچ مارايدة اعتذار رايدة يتعدل هالشيء
باسلوبها لإن رح يخذل مكانتها ويزعزعهه وي ناسها