١٣ سبتمبر (ايلول).

مشهـدَ من الروايه

،المشهد الاول
.

سالي : اكلج روحي كولـي لابوج خلي يقنع ملهم يلعبنه ختيلان ضوجه وملل روحي اقنعي فدوه اروحلج انـا.
الينار : تمام هسه اغوح (اروح) بلكت اكول لبابا وميصيح عليه
بابا حبيبي
: ها يعيون ابوج انتِ
: اطلب منك طلب عادي
:اطلبي اي شي واسوي ابطن عيني
: بابا فـدوه اقنع ملهم يلعبنه ختيلان بابا كلش حلـو اللعب ويا بابا اقنعه خلي يلعبنه عليك الله
: يا طلابه ملهم الما تخلص هسه اشوفه صيحي كوليله ابويه يريدك تعـال يله روحي بنيتي الحلوه
:تمام غايحه(رايحه)
ملهم ملهم تعـال بابا يغيدك (يريدك)
: تمام هسه اجي بس خلي اخلص الي بيدي واجي
: بابا ملهم يكول هسه اجي بس اخلص الي بيدي
:ليش شكاعد يسوي
:بابا ملهم كاعد يـشوي السمجه هوه وبيبي
:تمام بنيتي لعد خلي يخلص انتِ روحي العبي ويه البنات
:تمام بابا شكـغا لان وافقت على طلبي

:تدللين يابويه شلون انا ويا كلامج صار عمرج 13 وبعدج هيج تحجين وشلون ويه السانج المكطوم الي لاعب بالكلمات لعب

:بابا تغه (تره) ازعل قابل شسوي هوه هيج خلقه الله قابل شسوي

:يله روحي حبيبتي.  

:باعي شلون يحبهه ويدللهه

:خلي هوه شعنده قابل شكم ابنيه غير بس هايه خلي يحبهه ويدللهه تستاهل

:اي يحبهه ويدللهه بس مو هيج شسالفه هسه يطلع عينهه من الدلال

:شتردين منهه يمعوده عوفيهه يله رروحي صيحي ملهم شوفي استون السمجات لولا متنه من الجوع

:تمام هسه اشوفه
اجه ملهم

: ها يمه خلصت شوي

: اي يمه خلصت بس تعالي انتي ساعديني خلي اطلع السمجات

:يله اجيت اجيت يمه وانتِ روحي صيحيهم خلي يجون يتغدون حته قبل المغرب نرجع للبيت

: نسيت خلي اشوف شنو رادو مني قبل شويه تعالي انتي ساعدي امي واني خلي اروح اشوف شنو يردون
: هاا خير ليش قبل شويه صحتني رايد مني شي ؟
:اي باوع ملهم من نخلص غده روح لعب البنات ولعب بنتيي وياهن
:تمام يدللن البنات تدلل بنيتك ابطن عيني

:خوش

:يله خلصتو غده عزلو الاماعين وكومو
غسلو ايديكم

: حجيه سوو جاي

:تمام بس خلي البنات يخلصن غسل الاماعين

:يله بنـات منو تـريد تلعب ختيلان خلي ملهم يلعبنه

:انـا اناا اغيد العب وياكم

: يله تمام بنات باعو خلي نروح نلعب يم النخل والشجر حته تصير اكو هواي اماكن نختل بيهه بنات ،

:خوش يله تعالن اني راح احسب منا للعشره وانتن روحن اختلن تره الي ما تختل تخسر يله روحن