#قصة حقيقه #معبرة #جداً
من احد البنات ارسلتها لي بالخاص#
تكول من قبل عشرين سنه انفصلت. عن زوجي. بسبب مشاكل بيني وبينه وكان عندي بوقته ولدين تؤام حسن وحسين كان عمرهم بخمس سنوات وكانت حضنتهم الي طبعا واني بنفس الوقت ماقاطعه صلة رحم وي ابوهم وعمامهم بين مده ومده يجي ابوهم ياخذهم الصبح يرجعهم العصر
يوم من الايام مارجعهم وتاخر الوقت كان بوقته تلفون ارضي تتصل كل شويه يكلولي. ماندري بيه كال راح اروح شتريليهم من السوك ومارجع من الصبح من سمعت هيج كمت الطم واني بس امي وياي بلبيت وامي تصبر عليه وتكلي هسه يجيبهم ظليت مثل المسودنه رحتلهم للبيت لبيت عيالي هم نخبصو. مثلي جانت ليله سوده وبدايه حزني. لحد ٣ بليل رجعت اسحل بروحي للبيت ولكيت امي كاعده بلباب منتظرتني خطيه وهي تسالني ها. يمه شكو وين الويلاد. وامي مريضه اني طبيت سديت الباب وكعدت بلهول. الطم ع راسي واملخ بوجهي كتله ولدي ماتو يمه ماكو مالهم اثر والطم والطم لحد ماطاحت امي سوده عليه
بعد يومين اتصل طليقي بيه من التليفون كالي كلمتين وسده الاولاد عندي واني طالع لامريكا حاليا بلارردن انتي انسي عندج اولاد وانصحج تزوجين وتخلفين غيرهم. طبعا كال هاي الكلمتين وسده اني ظليت صافنه مابين مامصدكه مابين اتفاجئت. مابين شسوي
مرت. ايام وشهور اطالب بجهالي اروح لعيالي مابيدهم شي هما كالو هو ماياخذ حجايه احد وحاولو يواسوني بس شبيدهم
مرت سنين وسنين واني جرحي يكبر وي اولادي كل سنه اسويلهم عيد ميلاد واشتريلهم هدايا. وكل سنه اشتريلهم ملابس مدرسه. وبعدين انطيه للفقراء مرات احاجيهم وسولف وياهم وتخيلهم يمي سنين واني شبه مجنونه بيهم اطلع للدوام الصبح اشوف الاطفال اكول هسه صارو كبار بكد ذولي. لا بكد ذولي
صورهم ترست البيت وبكل حايط معلكه صورهم
حزن قاتل وحسره بكلبي ماتنتهي وجماله امي ماتت وعافتني بوحدي وزادت. جروحي
الايام هواي قست عليه بفراك اولادي
بعد السقوط بعام ٢٠٠٥ اتصل بيه رقم وصارت عدنا موبايلات اتصل رقم غريب
الو سلام عليكم
وعليكم السلام منو
اني ابو وسام
يا ابو وسام
شسالفه ام حسن نسيتني اني ابن عم اولادج ابن عدنان عم الاولاد
اها اعذرني ماعرفت رقمك وناسبتك
ام حسن جاايبلج بشاره اليوم
خير اني بس شي واحد يفرحني. بس اولادي
لعد اني شكولج. هي هاي
صدك الله عليك وين اولادي. عدلين ميتين. وينهم فدوة اصبري ام حسن باجر واصلين
احنا بلبصره هسه ورايحن للنجف انمر بيكم
تريدني اصبر لباجر وابني بلبصره تحجي صدك
ام حسن اكلج شغله وحق الله لا طليقج يدري بيه كتلج واذا دري يسولي مشكله
والله ماكول بس اشوف ابني
اصبري لباجر ترى اولادج مايدرون انتي عايشه حسبالهم ميته
ميخالف قابله. بس خليني اشوفهم
اام. حسن اترجاج اصبري لباجر وخليه بالج اني جازفت وكتلج
اندعيلك وينهم بس اشوفهم
المهم صبرت ثاني يوم وبقيت طول الليل كاعده ورجعت الروح بيه واصاي صلاة الشكر لربي وكانما انولدت من جدبد
من الصبح. خابرت ابو وسام ويرفض. دزلي رساله. كتلي ابنج وياي بلسياره خلينه ع الرسائل. ماكدر احجي
رديت عليه ميخالف وين وصلتو كال بعدنه تونا طلعنا
ماشب بس ماكتلي منو وياك حسن لو حسين
كالي مااكلج عود من نزصل وشوفي وخلي اكلج شباب هواي وياه بلسياره. اريد اشوف تعرفينه لو لا
اي اعرفه. ابني لو بعد ١٠٠ سنه
المهم ظليت الوج واحسب دقيقه دقيقه ادز رسايل ماكو متت من ااانتظار
دزلي رساله كال دخلنا لمحافظتكم اكو محل مرطبات راح نوكف يم المحل والشباب ينزلون وياهم ابنج انتي بعد نص ساعه اطلعي
كتله ماشي
اني كبل لبست عباتي وطلعت مانتظرت واكفه مقابيل المحل ودموعي تنزل مادري بيهن وجسمي يرجف
دزلي رساله كالي هاي السيارة الكيه لونه رمادي. ابنج بيه راح ينزلون اني بمكن بلحظته ردت اموت. من شغت السيارة
نزلو شباب كلهم تقريبا. نفس العمر
نزل اول واحد لا مو ابني
ثاني واحد لا
ثالث واحد. لا
رابع لا
خامس اي. اي اي هذا ابني هذا ابني. صحت بصوت. هز الدنيا كله يمه حسن. يمه حسن وركضت عليه ماهتميت للسيارات ولا كلشي هو التفتلي ولا اراديا هم فتح ايده وحضني. واني طحت بحضنه يمه حسن انت لو حسين. يمه انتو وين كال انتي امي واني حسبالي امي ماتت
يمه انتي عايشه يمه اني عايشه وموتني فراكم
اخوك وين وين اني ماشفت شب بعد وغوشت عيوني واغمى عليه
#_تكملة_القصه
من فتحت عيوني لكيت روحي بلمستشفى. وابني لازم ايدي وعيونه مورمه من البواجي كتله يمه اني بحلم لو حقيقه. اني عشرين سنه احلم بيكم اشوفكم والتقي بيكم واكعد الكاه حلم.
كالي لايمه لا هاي حقيقه يمه
يمه اعذريني جنت حاسبج ميته واهديلج ثواب اعذريني سببتلج حزن هاي السنين
كتله لايمه. انت. اعذرني لان ظليتو بلا. ام وانحرمتو من حنان الام بس انت حسن صح. كلبي يكلي انت حسن انتو تشابهون بس اعرفكم. زين
ابتسم ابتسامه موجوعه ويمسح بدموعه اي يمه اني حسن واخوي بقى يم ابويه لان مريض ابوي وتعبان.
كتله الله يسامحه والله يجازيه
كوم ابني نطلع ونروح للبيت. اريد احضنك ونام كافي نحرمت منك
لايمه اخاف عليج باجر نطلع
اني كمت ع حيلي كتله كوم ابني اني رجعت شباب انت شبيك كال يمه اني اذكرج من جنت صغير واذكر من جنتي اطلعينا وتشترين ملابس النه واذكر كل سوالغج لمن تودينا للروضه بس يمه كبرانه هواي اكبر من عمرج
صورتج الشباب باقيه بالي
دموع حسن تنزل وماوكفت ابد
لزمت ايده وكمت عدلت حجابي كتله يلا نطلع وناخذ عشي ونكمل سوالفنا بلبيت
دخل البيت حسن فرحته شكبره
يمه البيت مثل ماهو. ماكتغير وفرحان
يمه هاي كله صور انه
حسن يطب منا ويطلع ومامصدك
يمه هسه الدنيا كله رجعتلي من شفتج الله يساعد اللي ماعنده ام
اتعشينا وصلاينا صلاه الشكر وخلصنا ليله كامله لحد صلاه الفجر بس نسولف واني عيوني مامصدكه هذا ابني
الصبح كعدت. بل ١١ وجبت لحسن احسن ريوك. واحس كل الم بيه راح ورجعت شباب
كعد ابني واباوعله وعيني ماشبعانه شوف منه
كتله يمه وودي. ع اخوك وتعالو للعراق كافي فراك اني كبرت وتعبني فراكم
كال يمه. اني حاير بينج وبين ابوي
تظرين ابوي مفهمنه انتي ميته اسم الله عليج وهسه راح افتح عليه هذا الموضوع بطريقتي الخاصه
واني. اقترح عليج يمه تنسين الزعل والماضي وترجعون سوة وانتي مريضه وهو. هم مريض انتو ثنينكم محتاجينا واحنا محتاجينكم
كتله اي حل. بيه لمت شملي وياكم اني قابله بس كون ترجعونلي
بهذا الاثناء اتصل ابو وسام وخمط روحي لان يريد يرجع وي حسن اني كمت ارجف واخاف من هاي لحظات الوداع وصارت بيه خوفه وردت فعل
كمت ارجف وابني لاحظ عليه هلشي يمه شبيج انتي نخطف لونج شبيج
كتله يمه لا تروح مره ثانيه. لا تعوفني
كال يمه لازم اروح لاخوي وابوي وحل المشكله ونرجع سوة
اكتله يمه اخاف تروح وماترجع كال يمه والله ارجع وعيونج وغلاتج ارجع
المهم اخذت رقمه وعنوانه ورقم حسين وصبرت روحي ع وداعه والخوف بيه
المهم من راح لابوه. وكاله بلحقيقه. ابوه تخبل و طاح بلزايد وصار بيه شلل من الصدمه وابني حسين هو اصغر من حسن بربع ساعه جانت فرحته اكبر من الكون كله خابرني ويبجي. ودموعه ما وكفت من الفرحه
وبقى حسن يحاول قنع ابوه يرجع للعراق حتى كاله. حتى لو ماترجع لامي. نعيش بوحدنه بس قريبين ع امي ونشوفه لكن رفض. رفض الله يسامحه كال ماريد اشوف العراق
خابرني حسن كال يمه كلشي جربت وي ابوي مايقبل وهو مشلول صار ومايكدر لاي شي يمه مانكدر نعوفه. انتي شنو اللي تقررينه. اني اسويه
اني بساعته شريد اسوي حسيت الدنيا ظلمت عليه
اخر شي كتله يمه الله كريم
اصبر واشوف. رب العالمين شكاتبنه مرت اربع سنوات واتواصل وياهم يوميه اشاريت حاسبه علمودهم واتواصل وياهم كامره وكل سنه. يجون مرتين الي بس واحد يبقى يم ابوه والثاني يجي هيج مسوين جدول بيناتهم بعدين توفى. الله يسامحه
من توفى بعد اولادي. اجو استقرو. يمي للابد الحمدلله
ومن رجعو رممت البيت وبنيت. طابق ثاني وسويت تعديلات بيه وبعدين زوجتهم وصار عدهم اولاد. حسن. فتح محل بيع حاسبات وموبايلات جمله وحسين تعين بلجامعه صار استاذ
اولادهم. بنات وبنين وزوجاتهم بنات. خلوقات من اهل الله
بعد غياب اكثر من عشرين سنه الله جمعني بيهم ويوميه اكعد اصلي صلاه الشكر لرب العالمين
وحجيت بيت الله قبل سنتين
وابني حسن وحسين يسوون موكب بكربلاء كل سنه
بس
بس
بس
بعدهي الخوفه عندي ولسه مراره الالم. من اذكره اتخبل اريد انسى ماكدر واخاف من الموت بس يفرقني عنهم واني لسه ماشابعه منهم
لان غيابهم. هواي عشرين واكثر من عشرين سنه
يوميه اتريك وياهم وعيوني تدمع من اتخيل شلون رجعت للبيت بدونهم
الحياة بدون. اولادنا ماتسوى شي الله يحفظ مل ام لاولادها والله يلم شمل كل ام. بأولادها
لا تفرطون. باطفالكم. وهما صغار. ترى الالم ابشع مايكون ❤
أنت تقرأ
حنان الام❤
Kurzgeschichtenالقصه تتحدث عن الام التي انتظرت طوال ٢٠ سنه لترى ابنائها الذي ابعدهم عنها طليقها الظالم💔
