نوارس الرجاس

بارت 31

بقلمي رباب الجبوري

بنات لا تنسن التصويت والتعليقات بين الفقرات 🔥
تابعوني على انستا يوزري rery__1999
تابعوني على حساب الواتباد rery__1999
############################

لَقد اغلقنا ألاضواء مَن يُريد أن يَجدنا فِليحترقُ

الرعشة سرت بكل جسمي صميت حلكي وعيوني موسعتهن من صدمه الي سمعته واني أكول معقوله بشرى تسوي هيج واذا احجي منو يصدكني وماكو دليل ب أيدي اجتني فكرة بس بهل الحاله راح يصدكوني وبشرى راح تدفع ثمن اغلاطها.

::-ركضت بكل سرعتي حتى بطني كامت توجعني نزلت مثل المخبله ادور على موبايل اميمه واني حاطه أبالي اذا ماكو دليل محد يصدكني فتحت تسجيل الصوت وحطيت الموبايل ب المكان السري وصعدت دفعت الباب عليها طفرت مخترعه ضمت الموبايل

بشرى:لجججج هيوو أنتي شكوووووو هيججج اطبين لغرفتي

نوارس :اي ست بشرى منيلج موبايل اعتقد رجاس ما يقبل عدنه موبايلات

بشرى:شنو شتحجي يا موبايل يا ططوة

نوارس:ضحكي على روحج بهل الحجي سمعت كل كلامج والله وهسه اخابر  رجاس يجي واكوله كلشي

بشرى : ههههه شتحجين دروحي ولي من يمي ولا تخلين عقلج بعقلي اخبلج وداعتج

نوارس:طلعتي عاقر وما يصير عندج جهال من البداية مو والحادث ماعليه وانوب تدرين ومجذبه على رجاس مو

صفنت بوجهي تغيرت كل ملامحها تقربت يمها واني احجي

نوارس:شنو حسبالج ما سمعت من تخابرين امج وتكليلها مشت على رجاس وما كشف اني عاقر خطيه صدك بيه لان شلت الرحم وبعد ما يصير عندي جهال يعني أنتي من البداية تعرفين هل الشئ مو  من قبل لا اشلين رحمج تدرين بروحج عاقر وضحكت على رجاس وكسبتي عاطفته

بشرى:احجي منا لباجر محد راح يصدكج

نوارس:عادي احلف على كلشي سمعته وهو يصدكني

بشرى: هههههههههههه والله غبيه محد يصدكج فاهمه وهم الكل يشهد وياي واحلف على القرآن ماعندي تلفون واذا كلش وكلش أكول هذا موبايل تبارك اخذته اخابر امي شنو جريمه وساعتها انتي اطلعين  من المولد بلا حمص

نوارس:خل اكول لرجاس بشرى بيوم الحادث طلعت حتى أشوف سحار يسويلها سحر وأعشاب علمود تحبل وهم يسوي شعوذة علمود رجاس ينفذ كلشي الها مثل ما كلتي قبل شويه ل امج وانشوف منو الي تطلع من المولد بلا حمص

بشرى:الظاهر البيبي هواي متنصته وسامعه هواي أشياء مالازم تسمعهن

نوارس:كلشي سمعت بشرى كل عمايلج السود سمعتهن وأنتي تحجيهن بفخر ل امج