القصة باللهجة الجزائرية 🇩🇿
القصة من تأليفي وهي قصة خيالية لاتمد للواقع بصلة ، كل الأفكار من عندي . لا أقبل بأي شكل من الأشكال أخذ أي جملة ونسبها لنفسك أو عملك ، أتمنى أن تستمتعوا في قراءتها
بالنسبة للشخصيات يمكنكم تخطي فصل الشخصيات وتخيل أي ممثل...
في دار بابات عصام كانوا مجتمعين يقصروا على العرس وكانوا الخواتات وولادهم كيفكيف قاعدين (حياة وبنتها أميرة وختها الوسطانية سارة يمات رانية وايوب وختها الصغيرة سيرين )
وعصام وايوب و إياد وليد خالو التوأم تاع يماه هو نفسو مول الريسطو عصام : مالا نتا لي عاونتها إياد : ايه سبحان الله شوف كيفاه الطفلة لي عاونتها تخرج صحبت أماني مرتك سارة : ليوم تحكي مع أمينة ياك ؟ حياة : ايه ما تكسريش راسك انا نفريهالك وواللي فيها خير يجيبها ربي سارة : آمين أميرة : عليمن راكو ماما ؟ حياة : خالتك عجبتها قمرة حابة تشوفها لأيوب أميرة : اه تسمى كاين عرس وحدوخر عصام : عرس شكون أميرة ؟ أميرة : يماك وخالتك ناويين يشوفو قمرة لأيوب ، أيوب درت لافار ياو إياد وعصام (يضحكوا وايوب ضحك خفيف منبعد شاف في صحابو) أيوب : واش تشوفو هكاا ؟ عصام : والو برك راك درت لافار هدا ماكان إياد : عندو الحق الطفلة لوكان تشوفها تفتق بالزين أيوب : هايا بلعوا في زوج ليشوف يقول غدوة راح نخطبها ، ماكان والو وحبسو علينا جياحتكم كملوا يتمسخروا بيه (ياو يسمعكم احم احم تشوفو الضحك كيفاه 😌😂😂😂) عند قمرة في بيتها كانت تهدر مع يماها تسقسي عليهم أنيسة : راكي مليحة ياك ؟ ماهدرو معاك والوا ولا قلقوك ؟ قمرة : ماما كالمي روحك اصلا ما يعرفونيش تسما ما تقلقيش كامل روحك راني عندهم على اساس ضيفة أماني وراح نرجع لدارنا بعد العرس هادا مكان أنيسة : الحمد الله اللي حطيتي داك العقل في بلاصتو ، بالاكي ديري اللي فبالك باباك وانا ماراحش نرضاو عليك قمرة : ماما تسما انا عيطت نسقسي عليك نتي تقابليني هكا ، امالا نقولك عفسة انا ندير اللي فرأسي وخلي يصرا واش يصرا أنيسة : يا يما على رأس التبن لي عندي ، حابة تمرضي باباك نتي على كبروا بحكاية عندها سنين يكونو نساوها حتى ونصهم ماعلابالهومش قمرة : ايه معليه انا نفكرهم بيها ولي معلابالوش يولي علابالو ، انا ثأر عماد نردوا ويصرا واش يصرا ما نحبسش تفتحت الباب عليها وهي عمباتلها كاش بنادم سمعها ، تنفست كي شافتها أمينة أمينة : هاتي نهدر معاها عطاتلها تلفون وهدرت معاها وسقساتها على يماها وختها ، قصروا شوية وقاتلها بلي راح تهدر معاها وتكالميها وتقنعها مادير والو أنيسة : اتهلاي في روحك ختي وقمرة امانة عندك بالاكي عليها أمينة : كوني مهنية راهي تحت حمايتي وأمري كشما تزغد نشدلها وذنها (ضحكت أنيسة ومعاها أمينة وقمرة تشوف فيها مشنفة كي طفلة صغيرة كيما عادتها ، منبعد كوبات عليها) خبطتها أمينة لرأسها وتوجعت قمرة قمرة : خالتو علاه أمينة : باه تتعلمي تقلقي يماك وتخالفي كلامها ، وماراح ديري والو واش كاين في بالك ولوكان ديريها انسايني ماشي غير يماك وباباك لي يزعفوا عليك مام انا قمرة : ما تفاهمناش هكا ياك ماقلتيلي والو فاللول واش تبدل دوكا ؟ أمينة : انا ساعفتك قلت دوك تولي لعقلك وصباح كي شفتك قلت راهي تسقمت وحبست واش كاين في رأسها اما طلعتي كيما قالت يماك رأسك تبن وديري في بالك مور العرس تبقاي عندي حتا يولو داركم للبلاد ومانسحق حتى اعتراض قمرة : صار هكا تفاهمتوعلى رأسي ، صحا اشفاو عليها ضحكت عليها أمينة بعد ماشنفت كيما كانت قبل شوي وخرجت وخلاتها ، أمينة تحبها شغل بنتها وقبل مايوصوها يماها وباباها على قمرة (منصف وأنيسة ) كان نصر الدين وصاها عليها كانت نسرين مع فاطمة وسمية في بيت فاطمة يحكوا كي عادتهم حتى نطقت سمية سمية : هاديك الطفلة قمرة ماعجبتنيش ، تتعامل معانا بتكبر واستفزاز شغل رانا حنا فدارها ماش هي فاطمة : ماراكيش غالطة يابنت أختي سمية شهقت ونسرين ولات صفرة سمية : كيفاه هاذي خالتي ؟ وش معناها هاد الهدرة ؟ فاطمة : المعنى انو هي من ناس الدار ، هي قمرة مصطفاوي بنت منصف وأنيسة سمية ماقدرتش تستوعب مليح ونسرين كانت شاكة بلي تقربلهم بسك الشبه وبين منصف كبير غير عينيهم مش كيفكيف نسرين : وكيفاه عرفتي يما ؟ فاطمة : احفادي نعرفهم واحد بواحد نسرين أمينة سمعت هدرتهم ماشي بلعاني وشهقت كي عرفت بلي فاطمة علابالها بقمرة قمرة كي كانت مقلقة من يماها وزادت عليها امينة ناضت ودات تلفونها وخرجت ، أمير كان هاداك وين داخل مع إسلام وشافوها كيفاه ديمارات تجري بالطونوبيل شغل كشما صرا ، مافهموا والو ودخلو للدار بسك ليوم كملوا خدمة بكري وحبو يروحو يريحو بسك غدوة لعرس علابالهم رح يعياو . كانت أمينة قاعدة مع أماني في الصالون هدا وين هبطوا ، ودخلو الرجال وقعدوا إسلام وأمير : السلام عليكم أمينة وأماني : عليكم السلام أمير : أماني وشبيها صحبتك خرجت مقلقة غير الخير ؟ أمينة : والو برك توحشت يماها وباباها عند قمرة وصلت للمقبرة دايرة خمار كحل فوق رأسها ودات بدون ماء صغيرة وراحت تمشي بالعقل بين القبور وصلت لقبر صغير باين تع بيبي غير كيما زاد قعدت قدامو بدات تنحي فالحشيش ساكتة منبعد راحت جابت وحدة الورد شباب زرعاتو فالتراب وسقاتو منبعد قرأت الفاتحة وبدأت تهدر معاه قمرة : توأم تاعي راني جيت علابالي طولت الغيبة بصح ماشي بيدي كنت برا الدزاير ، كنا عند ماني ياك قتلك راهي مريضة ، وعندي يومين ملي جيت غدوة عرس أماني بنت عمنا الكبير قتلك عليها ، راني قاعدة عندهم في الدار اللي اتحاوز منها بابا وماما بصح ما تتقلقش عليا واحد مايقدر عليا ختك طفلة بألف راجل راح نخليهم يندمو على واش دارو ، دوك انا نروح بسك قريب يروح الحال ومارانيش حابة نقعد نسمع طنطنة تاعهم على دخلة روطار ، نحبك خويا عماد . ناضت وراحت ركبت في طونوبيلتها وراحت مولية لقصر بعد ما قعدت نص نهار في المقبرة تحكي وتفضفض لخوها ، التوأم تاعها اللي كتبلو ربي يروح للجنة قبل لا يشوف هاد الدنيا وصلت للدار ودخلت ، طفات الطونوبيل وهبطت منها دايرة نواظرها كحولة تغطي عينيها الحمورة مالبكا ، كانوا متجمعين فالصالة كي العادة غير إسلام وأمير في بيتهم راقدين وأيمن قاعد مع يماه يقصروا على عرسو وأماني كيفكيف مع يماها نسرين مع سمية وسليمة يحكوا والرجال مصطفى في بيتو مكسل و أحمد قاعد مع بنتو يحكوا ويضحكوا وفاطمة في بيتها مريحة تصلي وباقي لبنات في بيتهم . فاتت عليهم بلا ما تحكي تجري شافها غير أيمن ويماه نايلة استغربو كيفاه كانت تبان وزيد دايرة نواظر سور كشما بيها لحق وقت العشاء وين هبطوا كامل يتعشاو من غير بنادم واحد طبعا قمرة فاطمة : وين راهي قمرة ؟ أماني : ماني رحت نشوفها لقيتها راقدة ما حبيتش نوضها فاطمة : روحي نوضيها تتعشى كيفاه هدا تبقى بلا عشاء إيلين : ماني شغل هادي حفيددتك ولا ، راهي غير صحبت أماني نسرين : إيليننن فاطممة : يا حفيدتي الشابة انا الانسان اللي يكون في داري بأي صفة لازم نتهلى فيه جات أماني وحدها أماني : ماحبتش تاكل قاتلي راني شبعانة كليت برى فاطمة : معليه بصحتها . كامل استغربو كيفاه فاطمة كانت تهدر هكا وهي نهار جات كانت شوية مقلقة منها ودكا لالا عند قمرة كانت في بيتها الضوء طافي مكسلة ودايرة للتاقة وضوء لقمر يضوي بيتها ودمعتها تنزل بشوي على وجهها ، دايمن كل ما تتفكر عماد تجوز نهارها تبكي وفي بيتها ما تحب تحكي مع حتى واحد ، حتى كي تسمع اسم بنادم كيما هو تتأثر وينك يا ادا كي يماها كانت تحكي عليه مع باباها وهما ماعلابالهمش بلي راهي تسمع فيهم حتى نهار لي ولات كبيرة وتفهم وصارحتهم بلي علابالها وقاتلهم بلي نخلي الناس تعرف طينتهم وهكا باباها زعف كيفاه بنتو كانت محروقة على خوها ، وهدر معاها باش مادير والو بصح هي يبست رأسها ، المهم صرا واش صرا وقمرة مازالها في رأأيها مينداك تنسى وتقول خلاص ماندير والو يتهاردو منبعد كي تتقلق تتفكرهم تزيد تشحن بصح لحد الان مازال ما دارت والو ، وبالاك مام تكون راح تدير تلقا شكون لي يمنعها ، شكون قال ؟؟ ☆☆☆☆ ناضت صباح بوحد الحيوية شغل ماشي هي لي لبارح كانت كي الزومبي (هههههه) تبكي . خرجت من بيتها بعد ما دوشت وخلات شعرها كي العادة مشمخ وراحت تجري لبيت أماني ودخلت عليها كي شغل هجوم قمرة : صبااااااااح الخيرررررر عروستناااااا (قالتها بنوع من العياط باش تنوضها ) أماني ناضت مخلوعة ما فاهمة والو الساعة 8 وشكون هاد المهبولة لي تعيط فوق رأسها أماني : اسم الله الرحمن الرحيم واش بيك مع صباح ربي يا طفلة قمرة : عندك 5 دقايق لا اكثر نهبط نجيب قهوة تاعي ونجي نلقاك تدوشي غير هكا ماراحش يعجبك واش ندير هبطت ومازال الحيوية تاعها فيها وما دارت حساب لحتى واحد وكانت تدندن بغنية تركية . دخلت للكوزينة صبحت على الخدامات لي لتم وبدات توجد قهوتها وحدها قمرة : خالتي نصيرة اذا ما نعييكش معايا وجدي فطور لأماني وابعتيه مع وحدة مالبنات بش نضيعوش الوقت نصيرة : معليه بنتي راحت مولية لبيت أماني ، كانت طالعة تلاقات فراس فراس :صباح الخير لقمر قمرة : صباح النور النجوم (ضحكوا على تمهبيلها ) رانا حطة ياهههه فراس : خسارة عليك انا دايمن حطة قمرة : خلاص ما تحلالكش ، المهم كنت راح نقولك بلي نتا لي راح تسوق بيا ليوم تسما غير مكالاه يشدوك فراس : وليتي تريزارفي يا لالة ، معليه اعطيني مفاتح تع طونوبيل ندي نديرلها الورد قمرة : اصبر دوك نجي طلعت تجري لبيتها وهو قعد واقف فالدروج ، دخلت لبيتها جابت لمفاتح مالصاك وولات ليه قمرة : شد و بالاك عليها والله كشما يصرالها والله غير منصف يقتلني انا وياك فراس : ما يدير والو ما تخافيش ، وزيد ادا نموت مع زين كيما نتي ما عنديش بروبلام قمرة : خلاص خلاص روح خليني نشوف هديك الحمارة تع بنت خوك اذا ناضت بسك نقلبها عليها ليوم عرسها وتنوض روطار فراس : انا نهرب قبل ما تقتليني خير إمالا هبط إسلام لي كان سمع نص هدرتهم وما فهم والو فيها وزيد حس كي شغل قمرة بزاف قريبة لعمو وحب يعرف علاه بصح مايقدرش يسقسيهم باينة إسلام : صباح الخير عليكم قمرة ،فراس: صباح النور قمرة : انا نروح نشوف أماني فراس : انا ثان اني رايح نوجد طونوبيل تع قمرة بالورد تجي معايا ونكملو نديرو باقي طونوبيلات إسلام : ايه هيا نروحو دخلت لبيت أماني لقاتها خرجت مالصال دو بان قمرة : بصحتك لعروسة ، هيا ريحي دوك نص ساعة جي لحفافة أماني : الله يسلمك ، بصح واش حكاية هاد الحيوية كامل ليوم ؟ قمرة : تسما لواحد يكون مورالو مليح تحبو بسيف تقلقوه ، المهم نهبط نشوف فطورك اذا وجد وماتتحركيش منا سينو نوريلك هبطت مرة اخرى للكوزينة ولقات نصيرة هدا وين كملت حطاتو في السنيوة نصيرة : ها جيتي قمرة هاكي طلعيه بسك لبنات مشغولين قمرة : معليه خالتي دات سنيوة تع لفطور وولات طالعة لعند أماني وتلاقات بأمين أمين : صباح الخير قمرة : صباح الخير (جات رح تفوتو حبسها)واش تسحق ماشي وقتك كامل أمين : وشبيك مقلقة بلعقل (ضحك) كنت رح نقولك معامن رح تروحي منبعد فالكورتاج قمرة : لاه تحوس عليا ؟ أمين : حبيت نسقسيك برك اذا ما لقيتيش تقدري تجي معايا قمرة : يكثر خيرك كاين معامن نروح دوكا بقا على خير راني مشغولة جازت عليه وهو كمل هابط للصالون ، زادت تلاقات بإيلين فالدروج هابطة وكانت تتبسم كي ستوتات إيلين : اوهههه لالة قمرة عاش من شافك ، ماراكيش تباني قمرة : وقيل توحشتيني ؟ لوكان ما نعرفكش نقول صح المهم بعديني بسك مش ناقصاتك على صباح ربي إيلين : نقولك عفسة برك ، خويا نعرفو مليح كي تعجبو عفسة يديها بأي طريقة ، ابقاي على خير راحت وهي تضحك كي الستوتة وقمرة قريب طرطقت قمرة : ياربي خلي هاد النهار برك يجوز بلا مشاكل ، مانيش حابة نتقلق كملت طلعت عند أماني وحطتلها فطورها تع الصباح ، وباقي العايلة فطروا بلخف وناضوا يوجدوا روحهم . جاز الوقت يجري وما حسوش عليه كامل ، أماني كملت مشطت سامبل وخرجت تهبل مام المكياج مادارتش بزاف هي بطبيعتها ما تحبش الثقيل كيما قمرة البنات كامل وجدوا روحهم قعدت غير قمرة هي اللخرة بسك قعدت واقفة على أماني باش تخرجها مليحة الحفافة ، منبعد عاونتها لبست كاراكو تاعها مع #خيط_الروح وراحت توجد روحها بصح بقالها غير تلبس بسك كانت وجدتها الحفافة مور ما كملت لأماني دارتلها شعرها وماكياج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قمرة : أنا نروح نلبس أمونتي بسك قريب لوقت انتي اقعدي هنا ما نلقاكش دوري ولا سمعتي أماني : روحي برك يا موصيبة شغل ماما اي تهدر خرجت مالبيت وراحت لبيتها فهداك الوقت كان إسلام طالع فالدروج وراح عند أماني لبيتها ، دقدق فالباب وقاتلو يدخل بلا ماتعرف شكون أماني : واش وليتي بلخف تريسيتي نتي إسلام :شكون هادي ؟ أماني :اه إسلام ارواح ارواح كنت على قمرة بسك كانت هنا إسلام ضحك وشاف فيها كانت شابة بزاف ، ختو وبنتو الصغيرة كبرت وراح تتزوج ليوم ، عينيه ولاو يبرقو مالدموع شافت فيه هي ثان نفس الشوفة تاعو أماني (بغضة): والله وتبكيني يطيحلي المكياج قمرة تكسرلك رأسك ضحك وسط الدموع اللي هبطو زوج منهم ومسحهم بلخف وراح لعندها سلم على رأسها وعنقها بلعقل إسلام :كبرتي يالبونتة وتعلمتي تهدري بعد عليها شوي وجبد من جيبو سنسلة رقيقة وشابة في نفس الوقت ، دارهالها وبدأ يحكي معاها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
إسلام : صح مانعرفش نهدر مليح فهاد الصوالح بصح راح نسيي زهري ، ديري في بالك بلي راح نبقى دايمن معاك مهما تديري ومهما يصرى وحاجة ماراح تخليني نبعد عليك نتي ختي وكي بنتي الصغيرة كبرتي على يدي وليوم وليتي عروسة وراح تروحي لدار راجلك وتبعدي عليا ، بصح راح نبقى ديما في كتافك ولي تضرك تضرني ولي تفرحك تفرحني ، اتهلاي في روحك ياك أماني : علابالي بلي عندي راجل سيد الرجال في كتافي وعلابالي بلي عفسة ما تقيسني مادامك في كتافي ومعايا ، ربي يخليك ليا عنقها يسيي يشد دموعو وهي ثان إسلام : هيا نخليك كي يلحق الوقت هاني نجي نخرجك خرج إسلام يمسح دموعو وتلاقا بيماه أمينة : وليدي لاباس ؟ إسلام : ايه لاباس راح يجري لبيتو مايحبش يبكي قدام دارهم يحشم ، تبسمت أمينة عليه بسك عرفت علاه يبكي
دمعو عينيا كي كنت نكتب فالبارت هدا 😭😭 (إيمو 😌ارواحي تقراي مصيبة)
