قصة اقوى ناجي من سبايكر

1

اني شاب فالجيش العراقي
اسمي :واثق شاكر
من اهالي بغداد
جان عملي بعمليات صلاح الدين
وبتاريخ :12:6:2014
تعرضنه الهجوم من العصابه
تنويه:معنى العصابه دا:عش بس ماكدر اكتبها تنحضر القصه
الساعه ب 11بليل
وبهاي الاثناء اجه ألامر مالتنه
وكال النه لازم نطلع بأسرع وقت من هذا المكان
لأن بدت العصابه تقترب علينا
واذا ضلينا كل احنا راح نموت
فأخذوا سياراتكم
العسكريه والمدنيه
واطلعو منا بدون ما تسوون لا صوت ولا اي شي
فطلعنا كل احنا الموجودين لقاعدة سباي.كر
لأن بهذا الوقت جانت قاعده سبايك.ر
الوحيده الامنه بالمنطقه
وجنه فوج كامل بينه 1700جندي
فضلينا موجودين بقاعدة سبايكر
يوم واحد
وراها بيوم اجه امرنا
وكال انطوكم اجازه 15يوم
وكل الطرق امنه
وتكدرون تطلعون الاهلكم باجر
وثاني يوم
بتاريخ:13:6:2014
كعدت من النوم وشفت الجنود
تطلع من القاعدة
العنده سياره يطلع بالسياره الخاصه بي
والي ماعنده يطلع مشي
واني اتأخرت لان عندي سياره
وردت اعبي بانزين
وجانو وياي اشخاص يما خلصو غراضهم
اجو صعدوا وطلعنا
فطلعنا رتل كامل مال سيارات مدنيه
فال كمنا نمشي خفيف لحد
ما وصلنا للشارع
العام فشفنا سيارات تتجه نحو الجنود ويكلولهم
اصعدو ويانه ذبو اسلاحكم وصعدو حتى انوصلك لبيوتكم سالمين
والجنود الطلعو من القاعده كلهم جانو لابسين
لبس مدني
والسيارات الي جتي اخذتهم كلها جانت مسلحه
فاني طلعت للشارع العام
فصرنا بعد 5كيلو عن قاعدة سبايكر
فلا حضنا عالشارع سيطره للعصابه
وجان بينه وبين السيطره 500متر
فوكفت السياره
لاحضنا جماعتنا الجنود اخذوهم للسيطره
ف جتفوهم وربطو ايديهم
السيارات الويانه كامت تنزل عال قرى
فكلي صاحبي ليش ما تنزل عال قرى
خاف يصير شي فكلت اوكف خلي ننتظر بلكت ساعتين ويشيلوها
للسيطره
ف كالو جماعتي الي صاعدين وياي بالسياره واثق نزلنا واذا تريد انت انزل اتمشى ويانه فكال انزلو اني حروح افوت
لو ميت لو عدل
هسه تكلون ليش تفوت بالسيطره وانته تدري يكتلوك
:لان لاحضت شي غريب بالسيطره
ياهو العنده سياره وراكب وحده يعبرو
ومن حسن حضي جان رقم سيارتي اربيل
ف فوتوني
من السيطره مشيت
وجان كلبي مطمئن الحد ما
شفت جثث مرميه بنص الشارع وخفت 
ف مشيت مسافه عن السيطره
ولكيت اطفال
سألتهم من يا اتجاه اطلع على بغداد
كالو من كذا اتجاه
ف رحت لكيت سيطره مال عصابه فخفت
لان عدد الجنود الجانو بيها
ما تنوصف
وفريت السياره ورجعت للاطفال
كتلهم اكو طريق ثاني
كالو: اي اكو
من كذا اتجاه
ف رحت
وذكرت صاحبي جندي بالجيش
بيته هنا
هو اسمه ليث
رحت عليه
دكيت الباب طلعلي وجان بيده سلاح
واني جانت لحيتي طويله وخاف توه جاي يسحب اقسام وكتله
يمعود اني واثق
ضل يبجي وكال اخوي بالجيش هم وياي مشفته اسم قاسم
كتله: لا
شوفني صورته
واني كبل عرفته
فكتله الي اعرف بي
طبعا اني الشفته جتفو القاسم وغطو عينه
وسولفت ال ليث كل القصه دخلني البيتهم طبعا هو ممتزوج
ف نصحني نصيحه
يكول ليث: احسن شي نفلت منانه اني وياك
واحنه  بعد لو انموت لو نضل عدلين
ف طلعنا للشارع العام
لكينه هم سيطره مال عصابه
فتوكلنا على الله
ف فتنه من القرى الزراعيه
ملاحضنا غير سيارات العصابه
تمشي ورانه
ضربو ليث ب طلقه
فجأة لكينا هم سيطره مال عصابه
وفتنه بيهم كبل
ولاحضنه شي انو من عبرنه السيطره
توقفت السيارات مال العصابه
ومجاي تلحكنه 
وفرحت
بس بنفس الحضه حزنت على ليث الي تصوب
فجأة لكينا سيطره مال جيش
وفرحنه فرحه مو طبيعيه
جان انزلك ركض عليهم 
واصيح ب اعلى صوتي
ليث تصوب ليث تصوب
ف وكلونا وشربونه وضلينا كامل
يما تعالج ليث
طلعنه كبل الاربيل لكين سيطره بالطريق هم طلعنا بيها كبل
وهم ملحكونه
ف دست ب اعلى سرعه الحد ما وصلنه الاربيل
ف الكيش مركه مقبلو يفوتونه ف لحينه عليهم
ودخلوني بس اليه لان المستمسكات مال ليث وكعت

وبس ان شاء الله استمتعو بالقصه
والسلام عليكم ورحمة الله وبركاته