لحظة لقائكي إشتياق
فطبيعي يكون فراقك صعب
علمت قلبي إزاي ينساك
لكنه ف الأول و الأخر حب
حب طفلة بتروح و تيجي
ع القلوب خفيفة تهل
لكنها سرعان ما ترحل
و يحل محلها الشوق يذل
حب واحدة فاقدة قلب
رغم كدا حس بيها
عقل فاضي مليان حواديت
رافض اللسان يحكيها
ايدين بترسم مستقبل
و دربكة استيكة بتمسح
حبي ليها رافضه واقع
فأصبحت إنسان بيجرح
طبعا بدون ما تقصد
داست ع قلبي الحزين
مسكينة هي ف قصايدي
مش عارفة بكتب لمين !
كل اسم نطقه قلبي
كان سببه إحساس النقص
فطبيعي يوم ما فارقه
كتب عنه عتاب
بدون ما يحس
و يكدب و يقول محبش
كداب ف أصل وشه
حب كتيير جدا لكن
الواقع دايما يغشه
و ظروفه كمان كانت
لا تسمح دا غير أخلاقه
فجعل للي حبه بجد
ينوي فعلا ع فراقه
حب الوحدة شئ عظيم
لكنه ضرر في المشاعر
كتر الكبت جوا مني
خلقت جوايا شاعر
المخدة عارفة سري
دا غير الشوارع وحيطانها
برمي الكلمة و بجري
خايف لقابل بعديها شيطانها
يا قلب تعبني إيه دواك
بطل لعب بأحاسيسي
بطل تحب ع الفاضي
و تملا بشعرك كراريسي
ياريت بجد أعرف انام
و متجيش افكارك تسهرني
بطل تحكيلي عن اوجاعك
فتبكيني الليل بطوله و تسهرني
"A.E"
