اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رحت صعدت فوگ دفعت الباب علي وهوة گاعد
علي.. شبيج ولج اكو واحد يطب هيج
_علي مرتك منو گايللهة اني جنت فصلية
_اني ليش
_ليش انت ما تستحي تفضحني وتحجي عني كلشي يم وحدة غريبة
_مو غريبة منى
_لا بلنسبة الي غريبة لا اعرفها ولا تعرفني
_وانتي شمدريج هية تدري
_جاي احجي وطبت تبجي
منى.. علي اني ما ابقى بهذا البيت بعد بت اخوك النوبة تمد ايدها علية
_عيوني گليلة شسويتي شحجيتي
_لا صدگهة علي اني ما حجيت شي هية المدت ايدهة علية
علي.. احجي رهف شلون تمدين ايدج على مرتي
_اسئل مرتك شنو السبب
_احجي انتي شگالتلج
_واگفتلي باب المطبخ وصيح رهف المطلقة وين رايحة شمرج ومشة.. شتريدني تحجي علية واسكت لا والله المرة الثانية اخلي دمها بطولها بس العتب مو عليها عليك انت تحجي علية گدامها
طلعت من الغرفة واني افور من الغضب صرت علج بحلوگ الناس
اخذت حسين ومشيت واني ابجي وصلنة للبيت بقيت للمغرب رجعت للبيت
طبيت للغرفة لگيت حيدر نايم على الجرباية بملابسة العسكرية لان هوة تعين صار 5 شهور بنفس المركز اليشتغل بي ابو علي ورجل عمتي حسين
فتحت الكنتور اريد اسبح التفت لگيتة گاعد
_صح النوم ملازم حيدر شعدك بغرفتي
_مابية حيل اصعد وانتي راح ترحين احتمال شهر اضل الغرفة فارغة اني موجود امليها الج
_هههه
_شبيج عيونج حمر باجية شنو
_عليمن ابجي.. اروح اسبح
_فلتي بس من اطلعين من الحمام غصبا عليج تحجين
_عود اذا طلعت
اريد اطبن وسمعت امي صاحت علية
_وين طابة والاذان يأذن عايزة اخبال انتي
أنت تقرأ
جمرة الزمان
Actionتمر الحياة بين: حلم وامنية ولا يحدث الا ماكتب الله لنا عيون تحلم وقلب يتمنى ورب كريم 🖤 سِأعٌدٍکْ وٌعٌدٍآ عٌرآقُيَآ ❤
