الشيخ (شهم)وبنت بغداد

البارت السادس

ريماز ...دخلت معصبة منة بس ماريد اتعارك موو وكتهة بدلت لبست ثوب طويل وطلعت لكيتة واكف منتجي ع سيارتة يدخن

شهم.. يي من البداية هيج البسي
ليش اتخلين الناس تحجي عليج

ـــــ خلي اسمع واحد يحجي علية وشوف شسوي بي يلة امشي اريد اشوف مامت

فتحت الباب ودخلت شغل السيارة وطلع وصلنى للمستشفة دخلنة جوة لكيت ادهم هناك خطية عيونة جواهن اسود منيام
خلت ب غرفة ماما لكيتهة نايمة خطية كوة تتنفس حاطيلهة اوكسجين

صباح الخير ادهم

ادهم.. هلا صباح النور

ـــــ شلونهة ماما

ادهم.. احسن كعدت شويى سالت عنج ونامت

ـــــ اسفة والله تعبتك وياي

ادهم.. لا شنو سالفة هية نفس امي

ـــــ روح رتاح اني هنا رحت كعدت ع كرسي منتضرة ماما تكعد وشهم هم كاعد يمي

ـــــ شهم روح انتة اني هناا ميحتاج

شهم.. لا خاف تحتاجون شي

ـــــ عود اخابرك روح ارتاح

شهم.. يلا بس تكعد خابريني طمنيني

ـــــ تمام الله وياك هوة طلع واني ضليت يم ماما دنكت كمشت ايدهة وضليت ادعي كون تكعد وصير زينة اني ادعي ودموعي تنزل لااراديا شوية ودخل الدكتور يفحصهة

ـــــ هاا دكتور شون صارت

الدكتور.. احسن شوية
هاي وصفة جيبيهة الهم
وابر هم لازم تستمر ع علاج حتة تتحسن

ـــــ اوك ..اخذت الوصفة منة ورن مبايلي شفتة ادم

ريماز.. الو هلو ادم اشلونك

ادم.. هلا ريماز شونج شخبارج امج شلونهة

ـــــ احسن كال الدكتور

ادم.. ها الله يشافيهة اكلج

ـــــ كول

ادم .. اتصل علية مديرج يكول اذا مداوم هاذ لاسبوع افصلهة ويجيب وحدة غيرج والله ماردت اضوجج بس هوة كلي حاجيهة اداومين انتي واني اضل يم امج

ـــــ لا ادم اشكرك كلة خلي يجب وحدة غيري بس اخذ الاجرة منة مال ذاك الاسبوع ماكدر اعوف ماما ولا اريد اتعبكم

ادم.. يلا هسة اخابرة انتي ضلي يم امج وحنة مانقصر وياج انشالله شتحتاجين كليلي

ـــــ الله يحفضك ماتقصر بس انشالله اشوفلي شغل

ادم .. الله كريم يلا مع سلامة واي شي يصير وذا احتاجيتي شي خابريني الله عليج

ـــــ الله وياك ميخالف

سديتة وكعد شفت ماما فتحت عيونهة شوية رحتلهة اركض وشبكتهة

ماما اكعديي فدوة والله ماكدر اعيش بدون كومي