بسم الله
اللهم صل على محمد وآل محمد وعجل فرجهم ♥🌿
♡♡♡♡♡♡♡♡♡♡♡♡♡♡♡♡♡
وانفتحت ابواب قصور السكن
وهلهلت سكانها..
بكل مودة رددنا اثنينا الموافقة
وشلت بعدها العلبة الي متوسطها مبلغ المهر
مسور بورد وبصفة قرآن
مقدمها لميادة..
اخذتها على استحياء..
بعد زخم المباركات من احبابنا
تركونا بين الحرمين
منطينة مساحة..
_ الف مبارك إلنة عسى ربي يقدرني على السمو بهذا الحب وتاسيس مملكة عيش هني تليق بأميرة مثلچ..
_ وبمشيئة الباري آني ايدي بإيدك نسقي دروب التعثرنا بمشاعرنا حد ماتخضر بسكينة الهناء..
هذه اول جلسة تجمعنا
سوالفنا خجلانة
متاثرة بينة..
مااچذب إذا وصفت هذا اليوم باسعد ايامي
نفحة مسحت كل ذكرياتي المتعبة
من قبل ست سنوات
وازني العشگ
محتل فؤادي
رعبتني فكرة مسؤوليتي للحب!!
اي نعم الحب مسؤؤلية
ولازم گلبك وروحك گدها
واول واجب عليك
تادب عينك وبالك بحضور المحبوب
كون مايتلطخ بالحرام
لو تعرف بعد ساعة هي حلالك
لذة العشگ بهاي النقطة
_الحلال_
برودة اطمئنان تمسح نار الشوگ كلها بي..
تمشنا وغاصت إيدينا باحضان بعض
باطهر البقع بهاي الدنية
وراحة المكان تحوم بوسطنه
_ شكم يوم اخذتي إجازة
_ مااداوم بعد هي بس امتحانات وجاية عطلة
_ همم، لا تستعجلين بالتجهيز كل الوقت بخدمتچ
فلتت نظرها بعيد عني
وخدها ورد دم
_ يمتة ماشفتي نفسچ جاهزة.. نحدد موعد العرس
_ ياريت نغوص بمعرفة بعض اكثر
_ ماردتي غير حقچ يابة
كملنا الطريق صوبهم
خالي وزوجتة وشيؤم واخوها وابن اخوها
_ ها نطلع؟ سأل خالي
اخذت مكان بصفة وشيماء انفردت بميادة
_ لا نتعشة ونرجع.. حچيت آني هالمرة
حاب الجو ومشاعري وكلشي هنا وصار هنا
رد اخو ميادة: ها هي يابة مثل ماتريدون
اندمج وي خالي بمناقشة الوضع السياسي
و
خالي اطيح إلة هاي الامور باعتبارة استاذ جامعي
يكلية العلوم السياسية
تخوني عيني اصد صوبها وابتسامتتها طاقة امل
بعدين ادرك اهلها بصفي
واحترم نفسي
وإن كانت زوجتي هسة بس لازم اخلي اعتبار لوجودهم
ندستني شيماء: ماتصورون؟
أنت تقرأ
في اوسطهم
Tiểu Thuyết Chungلهُ مِن النجوم أربع ، مُطالَبَاً بالقمر طَمعاً بضيائهِ وَقَد تناسوا إنهُ مِن الشمس مُستَمَد بقلمي M.s.m
