أليفه قلبي

البارت الاول

إيلاف:  هننزل مصر يا بابا؟؟

محمد السيوفي(الاب):  اه يا ايلي هنرجع مصر.

إيلاف:  بس يا بابا انا عمري ما نزلت مصر ومش عايزة انزلها

محمد:  بس لازم ننزل يا ايلي مبقاش لينا مكان هنا.

إيلاف:  هنروح لمين هناك طيب؟

محمد:  هنروح لعمك سيف ده كان أعز صحابي في مصر

إيلاف: وهو هيكون عارفك اصلا يا بابا انت بقالك اكتر من ٢٥ سنه هنا ف امريكا هيفتكرك ازاي؟

محمد:  لا منا علي تواصل معاه دايما وقولتله اننا نازلين علي اما الڤيلا بتاعتنا تتظبط.

إيلاف:  ده انت مرتبها بقا يا سي بابا... ماشي يا سيوفي باشا هروح اجهز شنطتي وحاجتي.

محمد:  طب بسرعه يا لمضه الطياره فاضل عليها ساعتين

(في مطار القاهره)
مؤمن: يخربيت القرف بقا انا مالي اروح اجيب صاحبه ليه من المطار ما كان يبعت ساجد اشمعنا انا روح ي مؤمن هات عمك محمد وبنته من المطار كل شويه مؤمن مؤمن مؤمن.

محمد:  مؤمن

مؤمن بلا وعي:  الله يخربيت مؤمن واللي جابو مؤمن.

مؤمن بعد تدارك الموقف:  احم ازيك يا انكل انا اسف والله

"سمعو صوت ضحك"

محمد:  بطلي يا ايلي ضحك

إيلاف:  مش قادره يا بابا

وتقوم بتقليد مؤمن:  يخربيت مؤمن واللي جابو مؤمن (وتكمل ضحك).

مؤمن بعصبيه:  ما خلاص يا انسه مكنتش مركز في ايه

ايلاف:  انت بتتعصب ليه يا اخ انت في ايه are you crazy  عالم متخلفه.

مؤمن:  مين المجنون والمتخلف يا بتاعه انتي

محمد بتعب:  خلاص يبني بقا خلاص يا ايلي يلا نروح اصلي تعبت

إيلاف:  يلا يا بابي

مؤمن:  بت لسانها متبري منها والله ل اقصهولك... و ايه لبسها اللي مش موجود ده اه ماهي تربيه امريكا هتكون جايه ب اسدال يعني

محمد:  سرحت في ايه يا مؤمن يلا يبني

مؤمن:  جاي ي انكل اتفضل

(في ڤيلا سيف الألفي)

"سيف يقوم باحتضان محمد"

سيف:  واحشني اوي يا سيوفي باشا  (ويضحكان سويا)

محمد:  ياااه واحشني اوي يا سيف عامل ايه دلوقتي والولاد عاملين ايه؟

سيف:  بخير الحمدلله... ساجد هتلاقيه جاي دلوقتي و يقين نازله اهي وطبعا مؤمن عارفه

محمد:  اه طبعا لسه برده ساجد ومؤمن مش زي بعض

سيف:  اه والنبي يا محمد متقولش عليهم توأم خالص

"ساجد من علي الباب"
ساجد:  انا سامع اسم ساجد ان ان ان انا جيت

"يقين من فوق الدرج"

يقين:  يامي يامي خاف يا عيد (ويضحك الجميع ماعدا استاذ مؤمن)

سيف:  بطلو يا ولاد تعالو سلمو علي عمكو

ساجد:  واحشني يا انكل والله حضرتك عامل ايه

محمد:  الحمدلله يا حبيبي انت عامل ايه

ساجد:  بخير الحمدلله...(في عقله)  اوبااا مين المزه دي

(ساجد يقترب من إيلاف)
ساجد:  هالو انا ساجد الألفي ظابط شرطه وتوأم الواد الحليوه اللي هناك ده

إيلاف بضحك:  هاي وانا ايلي داخله تالته فنون جميله

يقين من خلفها:  اوبااا يعني زمايل كار يا شقيق

ايلاف بعدم فهم:  What?.. I can't understand you sweetie

يقين:  قصدي ان انا كمان داخله تالته فنون جميله هنبقا صحاب

ايلاف:  واو انا موافقه جدا

مؤمن:  طب انا هروح الشغل بقا يا بابا.. البيت بيتك يا انكل ونورتنا والله

محمد ل سيف:  هو لسه زي ما هو برده يا سيف

سيف:  اه والله يا محمد زي ما انت شايف كدا ربنا يهديه يارب

محمد:  اللهم امين... المهم عملت اللي قولتلك عليه لازم يحصل في اقرب وقت انا مش ضامن يا سيف

سيف:  متقلقش يا محمد بس مينفعش نغصبها عشان هتبقا صدمه ومش هتتقبلها

بااااااس ينتهي البارت هنا
- تتوقعو مؤمن بيشتغل اي؟

- تتوقعو اي اللي محمد و سيف اتفقو عليه؟

-هل ايلاف هتحب ساجد؟

بقلمي:  فاطمه سامي |طوما|