" كانت القصة
ناقصة.."
لونار كانت قاعده ف المكتب و سرحانه
قطع سرحته صوت التلفون
ردت و واضح ف صوتها التعب
لونار:اي
ماهر:حبيبي صوتو زعلان كده ليه؟
لونار ابتسمت اول ما سمعت صوتو
لونار:حصلت حاجات كتيره
ماهر:اممم.. اجيك طيب؟
لونار:خلينا نتلاقا بره
ماهر:طيب تعالى اعزمك على احلى كبسة في الدنيا
لونار قعدت تضحك
لونار:اوك.. مسافة الطريق و بصل
لونار قفلت الخط و شالت شنطته و طلعت
مشت المطعم ال دايماً بمشو ليهُ سوا
لقت ماهر قاعد هناك و مبتسم كالعادة
كان لابس قميص ابيض
شعرو ناعم و بسيط
عندو غمازه في جهة وحده من وشو
ملامحو هادية شديد
لونار قعدت و عاينت ليهُ
ماهر:مالو قلبي زعلان و مكشر و صوتو متغير
لونار:ماهر
ماهر:قلب ماهر و الله
لونار:بتعرف جمال صح..
ماهر:جمال منو؟
لونار:جمال المجرم المطلوب
ماهر:اي.. مالو ؟؟
لونار شربت مويه و بدت تحكى ل ماهر كل شى
ماهر:ما تقولي انك وافقتي؟؟
لونار:طبعا وافقتا.. واضح من كلامو انو عايز يساعدني في موضوع اخوي عمار
ماهر:لونار انتى ليه بتقرري بعدين تجى توريني؟فايدة الخاتم ال في يدي و يدك ده شنو؟؟ انا خطيبك عارفه يعني شنو؟؟ يعني عندي حق افهم ال عايزه تعمليهو و أقرر معاك صح؟
لونار:ماهر خته نفسك مكاني.. ده اخوي!! يعني انت مفتكر انك لو قلتا لا انا ح اسمع كلامك؟؟
ماهر:يا لونار..
لونار:انت عارف.. انا حكيت ليك كل حاجه حصلت وقتها..انت الوحيد ال مفروض تكون في صفي لانك الوحيد ال عارف القصه كامله.. يعني انت لو وقفتا ضدي منو ح يساعدني ها؟؟
ماهر سكت مسافه
مسك يدها و نبرة صوتو اتغيرت
ماهر:آسف.. عارف انو الموضوع صعب و انا اصلا وعدتك انى اساعدك في كل حاجه.. بس انا خايف عليك لاني بحبك يا لونار.. ما بهون علي اشوفك بتقعي في النار و اسكت.. بعدين احنا ما عارفين هو عايز منك شنو لسه..
