لونار

5

- كانت عندي نقطة ضعف وحيدة، قلبي، وعندما رموه في وجهي تصخرت، أنا الآن قوي ليس لدي أي نقاط ضعف ."

لونار:بتك.. حصل ليها شنو يا جمال؟

جمال ملامح وشو أتغيرت

جمال:بتي؟ مالا؟

لونار:واضح انو في حاجه حصلت زمان.. وريني

جمال:ههه.. انتى بجد ما بتشبهي ابوك

لونار:حصل شنو؟

جمال:بتي.. كان عُمرها امكن 13 سنة لمن أغتصبوها

لونار:منو؟

جمال:خالها، خالها عمل كده.. و ماتت

لونار:ليه مكتوب انها مفقوده

جمال صلح قعدتو و عاين ل لونار جوا عيونها

كانت نظراتو مليانه حِده و غضب

لونار للحظه خافت و كأنو القدامها زول تاني

كأنو أتحول

وشو ال كان بارد و مستفز

فجأه بقا مخيف جداً..

جمال:دفنتها.. زى ما عملت نور ل حسن

لونار سكتت مسافه بعدها قالت بنبره كلها خوف

لونار:ليه ما بلغتا عنو؟ ليه دفنتها؟

جمال:لانو هيا ماتت.. منو حا يجيب لي حقي؟ البلد؟ انتو؟ حا تجى محاميه شاطره زيك و ذكيه و تثبت انو ما حصل ده كلو و يعيش حياتو.. او ممكن يتسجن بس شنو حا يفرق وقتها؟؟ انا عاقبتو براي.. قتلتو و دفنتو جمبها، بس ما ح يقدر يعمل ليها حاجه المره دي

لونار:انا فاهمه غضبك

جمال:ما فاهمه.. كل الناس الضعيفه تستاهل الموت، حسن كان ضعيف.. حاول يغطى على مصيبه زي ديك عشان القروش و كمان عزام.. تخيلي بتي مكانها.. كانو ح يجو و يحاولو يعملو ده كلو عشان القروش..

لونار:كيف عرفتا انو نور ح تتصرف كده؟

جمال:الناس السيئين ظاهر في وشهم.. و الحزينين كمان، عاشت حياتها كلها بالدس.. اتزوجه بالدس و صرف عليها بالدس و اشترى ليها بيت و م بخليها تطلع منو و لا تشتغل و لا تعيش حياتها تتوقعي حا تجرى عشان تفتش منو قتلوو؟

لونار سكتت

جمال:زيك.. انتى كمان لو مات قدامك الزول ال في بالك كنتِ حا تدفني و ح تتمنى يتعفن هِنا من غير زول يعرف.. انتِ كمان سيئه و حزينة بس سيئه زي، تشبهي جمال.. عارفه الحاجه دي؟

لونار:ما بشبهك.. انا قاعده احاول اعرف الحقيقه و اورى الناس بس

جمال:كذابه.. لو جاتك فرصه حا تقتليهم، لو جاتك فرصه حا توسخي يدك بالدم

لونار سكتت و م عرفت ترد

جمال:في ظرف حا يصلك بعدين، أعملى ال حاجه ال فيهُ