لايك/كومنت🤍🤍
قام ليث اليوم الثاني وطالع بجنبه شاف تركي نايم وثامر نايم
للحين وقام لبس ملابسه واخذ اغراضه وطلع وغسل وجهه
وجففه وشاف ام ليث جالسه وقرب منها : صباح الخير
الام:صباح النور ، اشوفك صحيت اليوم بدري!
ليث: اي طالع ابغا امشي شوي واشتريلي اغراض وارجع
الام: اجلس سولف معاي شوي قبل يقومون سلطان وتركي
جلس ليث مقابلها و الام تطالع فيه : لما شفتك مع تركي
تذكرت ايام زمان لما كنتم مع بعض طول الوقت
ليث ابتسم : مبسوط اني قابلته مره ثانيه وتكلمنا
الام : تعرف ان تركي حاول يروح اكثر مره عشان يشوفك
بس كنت انا وابوه نمنعه
ليث : من حقكم ذا ولدكم في النهايه اكيد تبغونه طول الوقت
مقابلكم
الام: لما مات ابوه توقعت انه بيسافر من غير مااعرف حتى وصدق
سواها من بعد اسبوع
ليث : المهم انه رجع في النهايه
الام : رجع وفرحت بشوفته بعد ماكنت شهرين مريضه عشانه
بس انا ادري انه بيروح وبيتركني مره ثانيه
ليث وهو يطالع فيها : تركي مو صغير في النهايه اكيد له حياه
بيعيشها وبعد السبب الثاني في انه سافر لمكان ثاني عشان
يلاقي وظيفه ويصرف عليك انتي واخوه
الام ضحكت: تقول عن نفسك انك السبب الاول؟
ليث: ادري ان انا السبب الاول ذا الشي واضح
الام: يمكن ابوه عامله بقسوه لدرجة انه ماصار يهمه
اذا احنا اموات ولا احياء ، بس انا ام والام تكره تشوف ولدها
بعيد عنها
ليث: تركي يحبك ويقدرك ورجع عشانك لما عرف انك تعبانه
قرر يرجع بسرعه
الام: جاي هنا عشان يطمن علي ويشوفني ويروح
بس انا مابغاه يروح
ليث: تركي مايحب ذا المكان وانتم كلكم تعرفون ذا الشي ومع
كذا اجبرتوه يجلس هنا لحد مامات ابوه ، اسمع منك ومن سلطان
انكم تحبون تركي بس مو جالس اشوف حب ! انتم بس تبغون
حياته تمشي على مزاجكم
الام:مين مايحب ولده ! اتمنى يعيش حياته مثل مايبغى بس يكون
