سرقت قلبي

كان يلملم اغراضه ويجهز حقيبته بينما هي كانت تقف امامه تبكي وتقول .. خلاص يا ريان هتمشي
ريان بحزن وهو يقاوم عدم النظر في عينيها ..أيوه يا نور انا خلاص رجعتلي الزاكره ولازم ارجع
نور..طيب استني عالاقل محمود يجي يوصلك
ريان..لا وليد ابن عمي هيجي يا خدني
ثم اغلق حقيبته ونظر لها وقال ..نور انا عايز اقولك حاجه
نور وما زالت تبكي..نعم
ريان.. نور انا بح
قطع كلامه دخول اخت نور  التي تدعي ريماس وهي تقول ..ابيه ريان ماما بتقول لحضرتك الفطار جاهز لازم تفطر معانا قبل ما تنزل
ريان.. مينفعش يا ريماس وليد ممكن يوصل في أي لحظه
نور وهي تجدها فرصه لكي يظل قليلا ..لا يا ريان لازم تفطر معانا ولو جه ابن عمك يطلع ايه المشكلة
كاد ريان يتحدث ولكن قاطعته نور وهي تقول ..مترفضش ويلا عشان خاطري
اوما ريان راسه ثم خرج ليفطر معهم ليجد والده نور تجهز الطعام وهي تقول ..تعالي يا ابني اقعد وانت ياابله نور تطفحي وتتنيلي منزلي تشوفي شغلك مش هنفضل قاعدين وانا الي هصرف
نور بحزن..حاضر يا ماما
ريان وهو ينظر لنور بشفقه ..انت ممكن تشتغلي معايا يا نور
نور وعيناها لمعت بامل فهي فرصه لتكون بجانبه وكادت تجيب لولا مقاطعه والدتها..لا تشتغل فين يا بني دي تمريض هتشتغل ازاي في شركتك
ريان..سكرتيره حضرتك قولتي انها اشتغلت سكرتيره
قبل كده
والده نور تدعي سعاد..برضه يابني انت لسه متعرفش احوال شركتك دلوقتي عامله ازاي بتخسر ولا بتكسب ما انت بقالك 4شهور قاعد معانا وعلي حسب ما انت قولت ان ولاد عمك في امريكا وابن خالك في الصعيد قولي بقا من. كان بيدير الشركة أكيد طبعا وضعها في النازل وبتخسر
ريان..لا طبعا يا طنط سعاد انا ليا اخت كبيره هي وجوزها بيشتغلو هناك وبيديروها في غيابي
سعاد..نبقي نشوف الموضوع ده بعدين
نظر ريان بحزن لنور بينما هي كانت تلعب بطبقها ولاتقل حزنا عنه هو يعلم جيدا ان هناك سبب آخر لرفض والدتها للعمل معه وسيعرفه قريبا
نهض وقال ..انا هتصل بوليد اشوفه أتأخر ليه
Malak.......................................................
كان نائم علي سريره بطريقة مثيره للضحك حيث أنه كان يضع يده اليمني في فمه واليد اليسري اعلي السرير ويرفع رجل للاعلي و الرجل الاخري لم تكن علي السرير من الأساس بل كانت علي الارض  دخل ذلك الشاب الذي لم يصل عمره للعشرين ورأه نائم بهذه الطريقة فضحك عليه ثم شمره اكمامه وكأنه سيذهب لحرب كبيره ثم قال..استعنا علي الشقي بالله
ثم نط علي ذاك الذي ينام واخذ يهزه  بعنف وهو يصرخ ويقول ..وليييييييييييد
ليقوم وليد بفزع يلكمه علي خده الايسر ثم قال...في ايه يا بني بتصحيني كده ليه قطعتلي الخلف
ليقول ذاك الشاب وهويتحسس خده بالم..قال يعني انت صحيت بطريقة هاديه عشان اصحيك كده يابني  ده انا بصحيك بقالي من العصر الحجري شوف بقالي كم سنه بصحيك
وليد وهو يدعي التفكير..لا بقالك كتير بس انا مش فاكر انك صحتني يا امير اوعي تصحيني كده تاني
امير ..يا خويا عمري ما هصحيك في حياتي تاني ده انت ادتني بوكس في وشي هيخليني احرم الصحي حد تاني منك لله يا شيخ ده انت مفتري وبتيجي عالغلابه دايما غلطتي اني بصحيك يعني حسبي الله ونعم الوكيل فيك يا شيخ
وليد بهدوء مصطنع،.علياالطلاق بالتلاته من مراتي الي لسه ماشفتهاش لهقوم اديك بوكس عالخد التاني وتبقي ماشي عندك ختم عالخدين
امير بخوف ..لا علي ايه الطيب احسن ثم اخذ يولول مثل النساء وهو يقول يا عيني عليك يا امير يا مسمسم يلي وليد بوظ لك وشك في غمضه عين يا عيني عليك يا ميرو يلي البنات كانو بيجرو وراك يا معسل يلي محدش هيبصلك بعد النهارده بسبب المفتري وليد حرام عليك يا وليد ايه يا أمي معندكش اخوات بنات ليه بتعمل فيا كده ليه ليه ليييه
ثم جلس علي الارض بحزن مصطنع ليجد وليد يصقف ويصفر وهو يقول ..عظمه علي عظمه يابني ايه الحلاوه دي
قال امير وهو ينهض ..عجبتك
وليد..جدا
امير بتكبر مصطنع..يعني انفع أبقي ممثل واحسن من أحمد عز كمان
وليد ..أحمد عز مين يا معفن ده انت متجيش فيه حاجه
امير بردح..ليه يا خويا انشاله كان احسن مني ولا احسن مني
ليضربه وليد علي رقبته من الخلف ..امشي ياض قال أحمد عز قال. وبعدين بنات مين الي بيجرو  وراك يا معفن انت
امير ..كل بنات الجامعة هيموتو عليا وكلهم مزز بس النفس بقا ياخويا
وليد ..مزز فين دول يا اخويا هو انتو في مصر هنا عندكم مزز ولو ربع مزه حتي ده انا كنت في امريكا مقطع السمكه وديلهاانما هنا مش عارف اعمل حاجه خالص. ثم اسند ذراعه علي كتف امير وهو يقول بحزن مصطنع..بقالي اسبوعين هنا من غير إرتباط اسبوعين بحالهم مبوستش بنت حتي ممسكتش ايد واحده حتي تخيل الألم الي انا فيه
امير وهو يقول بتأثر ويمسح دمعه وهميه من عينيه..معلش يا شابه انا مش عارف الدنيا قاسيه كده ليه يااااه يا وليد كل ده شايله في قلبك من ساعه ما جيت ومتحكيليش
وليد ببكاء مصطنع..مش عايزكم تشيلو همي كفايه مصيبه ريان
امير وهو يضمه..ياااه يا حبيبي قد ايه انت حسيس
ثم قال بس احنا عندنا في الشركة مزز كتير
وليد وهو يقول بقرف ..ولا واحده فيهم عدله
امير..طالما بتقول كده يبقي مشوفتش رباب
وليد بتساؤل ..من رباب دي
كانت نائمه علي سريرها واستيقظت علي رنين هاتفها  لتزيح خصلاتها البيضاء عن عينيها وتمد يدها لترد وتقور بصوت ناعس..الو
لتفزع مره واحدة وتقوم من علي السرير عندما سمعت صوت المتصل..معقول يا رباب لسه نايمه
رباب ..لا طبعا يا سياده اللواء
اللواء..اومال صوتك عامل كده ليه
رباب..لا عادي سعادتك
اللواء..اسمعي يا اخرت صبري ساعه بالظبط الاقيكي قدامي
رباب ..وليه ساعه يا فندم ده حضرتك هتقفل هتلاقيني قدامك
اللواء..اما نشوف ومن غير سلام
ثم اغلق الهاتف لتقول هي بعصبيه..هو مش بيتشطر غير علي مجازين أمي انا بس طب بالعند فيه هتأخر وهنزل السوق كمان هاا
امير..رباب دي يابني احلي واحده عندنا في الشركة
وليد ..طب كويس لقينالكم حد عدل اول ما نروح هناك شاورلي عليها وانا هروح الاغيها بس انت بس كلمني عنها
امير بخبث..طبعا يا حبيبي ده احنا اول ما نروح هخليك تروح تاخد رقمها وتتعرف عليها كمان
كانت تمشي في الشارع لتسمع صوت شاب يقول وهو ينظر لها..يا ارض اتهدي وما عليكي قدي ايه العيون الحلوه والشعر الحرير ده بس
رباب ..لا وكمان عندي ايد حلوه وبتكسر
ثم ضربته بحقيبتها ضربه شديده لتوقعه ارضا ثم داست علي يديه وهو ملقي علي الارض ليصرخ بشده
رباب..اشكال معفنه أبقي اشوفك قدامي تاني يا ابن المفشوله انت
ثم ذهبت في طريقها السوق
امير..دي بقا بنت قمر صوتها رقيق جدا وطريقه كلامها يا لهوي مثقفه درجة اولي
رباب..بكم القوطه دي يا عم عبده يا حرامي
عبده..قال يا قاعدين يكفيكم شرالجايين
رباب بردح..شر من يا رجل انت
امير ..دايما هناك متسامحه مع الناس كلهم وفي طيبه قلبها مفيش
رباب وهي تمسك بشعر عبده وباليد الاخري حذائها وتضربه علي رقبته من الخلف ...انا تقولي شر يا ابن المنفوخه
عبده..يا وليه كفايه ضرب
رباب وهي ما زالت تضربه..هو انت لسه شوفت حاجه
امير..دي كيوته يابني كيوته
ركلت رباب عبده في معدته  ثم قالت لعبده..انت بقا هتبقي عبره لكل واحد نفسه تسوله أنه ممكن يقف قصادي
ثم رحلت بكل تكبر وهي تهندم ملابسها كأنها لم تفعل شيئا
امير..بجد مش هتلاقي زيها ولما نروح هناك وتظبط معاها
وليد ..اشطا لما نروح بقا ده انت شوقتني ليها بس ياض الواحد عايز ينام بجد طول الليل سهران انا تروح اخطفلي ساعه صحيح هو الساعه كم
امير ببرود ..1
وليد ..ماشي أنام بقا شو
ثم نظر لامير الذي يجلس ببرود كأنه لم يقل شيء..ايه الساعه 1وسايبني أرغي معاك ولسه كنت هنام وساره الي هتستناني في المطار و ريان الي هجيبه يا نهار اسود ركض بسرعه للدولاب واخرج منه ثياب وركض لىحمام كل هذا وامير ما زال ينظر ببرود
..............................................malak
كان يجلس بكل هيبه وهو.ينظر للرجل الذي يرتجف بشده ولا ينظر له ثم قال يعني انت ضربت ابنه عشان وقع ابنك غصب عنه
ليقول الرجل ..غصب مين يا حضره العمده  طارق ده ده كان جاصد(قاصد)يوقعه
طارق..وانت ايش عرفك
الرجل ..دول من زمان اكده يا بيه بيكرهونا احنا في مشاكل مع جيراننادول من زمان
طارق بحده..طب وعتحلو مشاكلكم دي ميات(امتا)
ارتعب الرجل من صوت طارق
..أيوه هنتصالح ياحضره العمده بس عبد الفتاح يجي ونتصالح اشار طارق لاحد رجاله ليدخلوا عبد الفتاح اعترض عبد الفتاح علي الصلح لكن نظره طارق اخرسته ومضي اليوم علي خير في المساء علي السفره تحدثت ام طارق والتي تدعي نجيبه..هتروح لريان ابن خالك يا طارق
طارق..أيوه يا ما هروح وهجوم اها أتصل بيهم
نجيبه ما شي يا ولدي مش هتاخد اختك شروق معاك
طارق..لا
نجيبه..يا ولدي هي مبجتش تحب الواد الي اسمه امير
طارق.. أيا كان يا ما مش عايزين نعمل مشاكل تاني
نجيبه..الي يريحك اعمله يا ولدي
........................................................malak
خرج من الحمام وهو ينظر لامير باحراج نظر امير له ثواني ثم انفجر في الضحك وقال وهو يكاد يختنق..ايه ده هي دي موضه جديده يا لودي هتمشي من غير بنطلون
نظر لو وليد بحرج..اصل انا استعجلت ونسيت اجيب بنطلون ثم اكمل بصراخ..وبعدين انت مالك انت ان شاء الله امشي عريان
امير وهو ما زال يضحك..براحتك يا حبيبي
بعد قليل نزل وليد وامير ليروا شيرين اخت ريان الكبيرة وزوجها مراد يدخلون
وليد برومانسيه مصطنعه..شيري حبي الاول والاخير وحشتيني يا عمري
ثم امسك يدخل وكاد يقبلها ليجد يد مراد تبعد يداهم عن بعض ثم قال..ابعد ايدك يا سافل لتوحشك
وليد بتذمر..ما في ايه يا مراد
مراد.. ولد
قال وليد بادب مصطنع..في ايه يا مراد باشا
مراد بتكبر مصطنع..أيوه كده
قال وليد بصوت منخفض لكن وصل لمراد..انا قولتلك سيبيه اتجوزتيه وكسرتي قلبي ليه كده بس يا شيري
مراد وهو يجز علي أسنانه..وليد متخلنيش اقلب عليك
وليد ..لا تقلب عليا ايه ده انا عايزك في مصلحه
مراد..ارغي
وليد.. مراد حبيبي انا دلوقتي هروح لساره ولسه هروح لريان وشحططه فممكن انت تجيب ريان وانا اجيب ساره
مراد وهو ياخد شيرين ويصعدون الي غرفتهم....انسي
وليد..طب روح انت يا أمير
امير وهو يذهب..لا ده انا رايح النادي بقا معاك ربنا
وليد بصراخ..هو انتو ليه كده هو انا السواق الي جابه لكم ابوكم يا شيرين ده اخوكي علي فكرة يا امير ده اخوك والهي يا مراد ده اخو مراتك كده يا جدعان ده حيالله ابن عمي
لكن لم يرد عليه احد ليقول هو..بقا كده خلاص بانت اعوانك خانوك يا ريتشارد هروح اجيبهم
.............................................................malak
كان وليد في المطار يغمز لهذه ويغازل هذه حتي رأي فتاه تقف بعيد عنه تنظر له باعجاب فمن لا يعجبه وليد لاحظها واصبح ينظر لها ويغمز وهي تقابله بضحكاتها العالية ثم لفت انتباهه فتاه تأتي تجاهه ..اهي ساره جات اقترب منها وكاد يضمها وهو يقول ...ساره حبيبه قل
قاطعته هي وهي تقول..بطل بكش ووديني عالبيت عشان تعبانه من السفر
وليد بتذمر..في واحدة تعامل ابن عمها واخوها كده اومال الغريب بتعامليه ازاي
ساره..اسكت وبطل رغي ويلا عالبيت
لاحظ وليد ان الفتاه كانت تنظر له بغضب بسسب حديثه معها قرأافكارها وعلم انها تفكر ان ساره حبيبته فاقترب منها وقال..دي اختي وده الكارت بتاعي هستناكي ترني يا قمر
ثم تركها وذهب
.............................................malak
ريان بتوتر وهو يمشي في الغرفه ذهابا وايابا
انا مش عارف وليد اتأخر ليه
نور ..أهدي يا ريان هتلاقيه في الطريق
.........................................استوو و و ب
البارت خلص حابه اعرفكم علي أبطالنا
ريان الجارحي رجل اعمال رسيم لدرجه مهلكه عيون زرقاء وشعر ذهبي وبشره بيضاء28عام لديه 3اخوات
الكبيرة شيرين الجارحي لديها شعر أحمر عيون زرقاء وبشرتها بيضاء شفاها مكتنزه30عام
التوأم سما وامير
سما هنشوفها المره الجايه19 انما
امير في ال19من عمره لا يقل وسامه عن اخوه فهو لديه شعر بني ما ئل للحمره بشره بيضاء عيون خضراء
مراد الحديدي زوج شيرين ذو جسد ضخم لديه عيون زرقاء وبشره بيضاء32عام
وليد الجارحي ابن عمهم وسيم للغايه عيونه زرقاء وبشره بيضاء شعره بني فاتح جسد رياضي27عام
ساره الجارحي بنت عم ريان لكن اخت وليد في الرضاعه شديده الجمال شعر أصفر فاتح وعيوم زرقاء بشره بيضاء26عام
رباب الاسيوطي فتاه غايه الجمال شعر ابيض عيون زرقاء بشره قمحاويه تزيدها جمال26عام
نور عبد الهادي' فتاه جمالها مهلك عيون رماديه شفتها مكتنزه بشره بيضاء شعر بني25عام
ريماس عبد الهادي جمالها ملائكي بشره بيضاء عيون بنيه شفاه صغيره  شعر بني18عام
سعاد والده نور امرأه قاسيه القلب شديده
سمير جد نور حنون وقلبه ابيض
محمود خطيب نور وابن عمها شخص طماع وخبيث
طارق العنيني.ابن خال ريان شديد الوسامه شعره بني قاتم عيونه زرقاء بشرته بيضاء
نجيبه والده طارق امرأه حقوده قاسيه
شروق اخته فتاه عاديه وهادئه
.......
بصوا كده يا جماعة انا اول مره اكتب عايزاكم تشجعوني ولما يبقي فيه مشكله في الروايه تقولي وانا متأكده ان الروايه تعجبكم جدا هيكون في كوميديا واكشن ورومانسي ملكه التأليف ملك