بسم الله
اللهم صل على محمد وآل محمد وعجل فرجهم 🤍🌹
♡♡♡♡♡♡♡♡♡♡♡♡♡♡♡♡♡♡♡
وهسة شنو المطلوب؟
_ المطلوب توافق وتستشير بنيتك صعبة؟
_ ماريد انطي گوة
_ بعد عدك اثنين حبيبي ميخالف.. نطق رماح مواسي مستهزئ
_ افكر..
_ راضيين فكر، ولا تهبد علينه برفضك
_ شمعنى بهل الوقت؟
_ تدري يية رح يتخرج السنة وماكو احلة من هاي الهدية اقدمها إلة بتخرجة_ اخطبلة الإنسانة الي يحبها _
_ عيف الشقة على صفحة رماح ماعدي بنية تتزوج قبل لا تتخرج
_ هلال بتك بتي وهاي اني شكم مرة يخطبوها؟ اردهم لحد ماتكظي دراستها
_ قابل ماعرفك
_ چا شمالك طفرن اعصابك
_ چا غير كظن كظن بناتي
قهقه رماح على تذمري
بينما انه چنت جاد بكلامي
بعدها ودعني وراح
وآني من مكاني ناديت احلام مابية حيل اگوم
وحتى ندردش بأريحية
_ ها بابا
_ تعالي هنا
گلت وآني أشر بصفي
لبتلي ونظرتها مستغربة
_ شخبار امتحاناتچ؟
_ الحمد لله مجاوبة
_ يستاهل الحمد، أول شي آني ادين الچ باعتذار لإن ملتهي عنچ وعن وئام بس ماإلچ جهل بالصاير
_ عمري مالگيت تقصير بيك يابة
_ لا مقصر مقصر مو هل صارلچ اسبوعين موبايلچ عطلان وتشتغلين عالحاسبة وماجاي الگة فرغه اروح اجيبلچ غيرة
_ هو آني كل امتحانات اوگف الواتس والانستا وابقي بس التلي احتاجة وهسة فاتحتة بالحاسبة فعادي
_شنو نوب؟ نسولف بموضوعي الثاني
_ تفضل بابا
_ شوفين نفسچ مستعدة للارتباط؟ عگبي الخجل وصارحيني
_ مفهمت شنو رايد تاخذ من إجابة مني بهل الاستفسار؟
_ مثلاً، ارد على عمچ رماح؟
_شـ.. شدخلة عـ..مو؟ تلبكت وهي تكمل وياي الدردشة
_ خطبچ لبسام..
_ها حبيبتي سكتي؟ بسام الاثول يحبچ حبة برص
_ ههه إلا تقصف جدية الحوار!! علقت بإحراج
_ معليچ إذا عندچ مشاعر أتجاهة، لو شايفة روحچ شريكة موازية إلة وافقي وإذا لا فاحسن بعد
_ برأيك؟
_ امم، رأيي يگول نظرتچ التلامعت بطاريه تثبتلي حبه مو من طرف واحد..
جاوبتها وإيدي تتحرك بين خصلاتها
_ تفكرين؟ لو اخذ هذا السكوت علامة رضا؟
_ الخيار الثاني.. همست بخجل متلافية وجهي يجي گدام عينها..
أنت تقرأ
في اوسطهم
قصص عامةلهُ مِن النجوم أربع ، مُطالَبَاً بالقمر طَمعاً بضيائهِ وَقَد تناسوا إنهُ مِن الشمس مُستَمَد بقلمي M.s.m
