"ආච්චි ඔම්මා!"
ටේහ්යුන් තදින් එයාගෙ ආච්චි අම්මව බදාගත්තේ ඇස් වලින් කඳුලු බේරෙද්දි.
හැමෝම කිඳුරු රාජධානියට ආවා වගේම ශුද්ධ වස්තුව විනාශ වුනත් ඒකෙ බලය ජන්ග්කුක්ගේ ශරීරයට ඇතුලු වුන නිසා කිසිම කෙනෙක්ට කරදරයක් නැතුව කිඳුරු රාජධානියට එන්න පුලුවන් වුනා. ඒ වගේම කිඳුරු රාජධානියේ මායිම් විවර වීම, වැහීම එයාට පාලනය කරන්න පුලුවන් හැකියාව ශුද්ධ වස්තුව හරහා ලැබී තිබුනා.
ජන්ග්කුක් දැක්කා ටේහ්යුන් එයාගෙ ආච්චි අම්මට හෙල්ලෙන්නවත් නොදී තදින් බදන් ඉන්න විදිහ. හැබැයි මේ දිහා ලියා නම් පුපුරමින් බලන් ඉන්නවා දැකලා ජන්ග්කුක්ට හිනා ගියා.
එයා තව වටපිට බැලුවා.
එයා දැක්කා අවුරුදු ගානක් ටියුබ් ඇතුලෙ අඬමින් දුක් විඳපු කිඳුරු කිඳුරියො දැන් සතුටින් හිනාවෙමින් එහෙ මෙහෙ පීනන විදිහ. එයාලා ජන්ග්කුක් ගාවට ඇවිත් අනේකවාරයක් ස්තූති කලා එයාලගෙ රාජධානිය බේරගත්ත එකට.
තමන්ගෙ පව්ලෙ අයව අවුරුදු ගානකට පස්සෙ හම්බ වුනු පිරිස් හැමතැනම වැළඳගෙන හඬමින් හිටියා. ටේහ්යුනුත් ඒ පිරිසට අයත්.
අවුරුදු ගානකට පස්සෙ කිඳුරු රාජධානිය අද සතුටින් ඒකාලෝකමත් වෙලා තිබුනා.
ජන්ග්කුක්ට සතුටුයි, ගොඩක් සතුටුයි. හැමදේම හොඳ විදිහට අවසන් වෙමින් තිබුනා.
එයා කල්පනා කලා ඇයි එයා සාගර ආරක්ෂකයා වුනේ කියලා, ඇයි මේ හැමදේම මේ විදිහට සිද්ද වුනේ කියලා.
අන්තිමේදි එයා තීරණය කලා මේ සේරම සිද්ද වුනේ එයාගෙ දෛවය අනුව කියලා හිතන්න. එයාගෙ විතරක් නෙමෙයි, ටේහ්යුන්ගේ වගේම මේ හැමෝගෙම දෛවය අනුවයි මේ හැමදේම සිද්ද වුනේ.
ආත්ම ගානක ඉඳන් මේ සාගරය එක්ක ජන්ග්කුක් බැඳිලා ඉන්න ඇති, මේ සාගරයට ආදරය කරන්න ඇති. ඒකයි එයා මනුස්සයෙක් වෙලා ඉපදුනත් අන්තිමේදි සාගර අරක්ෂකයා වෙලා නැවතුනේ.
එක වැරදි කරපු පිටුවහල් කරපු කිඳුරෙක් ගොඩක් දෙනෙක්ගෙ දෛවය තීරණය කරලා. කිඳුරු කිඳුරියන්ට තමන්ගෙ වාසස්ථානය අහිමි කරපු තැන ඉඳන්, ජන්ග්කුක්ගේ ජීවිතය තව කිඳුරෙක් නිසා ආදරයෙන් පිරුනෙ ඒ දෛවය එක එක්කෙනාට වෙනස් වෙනස් අර්ථකතන දෙමින්.
YOU ARE READING
The Lone Merman 🌊🧜♂️ || (Complete)
Fanfictionහුදකලා වූ කිඳුරෙකුගේ ප්රේම චාරිකාව.. Fanfiction Happy ending Taehyung as a murmen & Jungkook as a Uni student 🚫DON'T COPY MY WORKS🚫 2023/04/23 - srilanka #1