كل الامان في حُبك وكل الاماني قربك

B 23

بعد يومين *
و صباح جديد مليء بـ الطاقه بعد اليومين الي كانت كلها ( زعل و خصام و هواشات )
صحت ام سلطان وقالت : وينهي اميره
فزت اميره على صوت امها وقالت : هاه يمه سمي
ام سلطان : تعالي يمه ساعديني
ام عبدالرحمن : وين عواش
اميره : طلعت مع ابوها؟
ام عبدالرحمن : طيب طيب كلمي البنات ينزلون يساعدوننا
ام فهد : ايه صادقه
اميره : تمام بشوفهم
-
و عند بيان الخلف
جالسه على الكرسي تحط مكياجها قرب من وراها وباسها على غمازتها الي تقتله ابتسم وقال : هاه نازله ؟
ابتسمت وقالت : ايه ليه تبي شي ؟
جلس وهو يطقطق بجواله : ايه كنت ابيتس بس خلاص انزلي
ضحكت وقالت : يوه خليف بس عاد م كانك تشوفني ٢٤ ساعه !
ناظرها وقال : م قلت لس انا ان نظام الشغل حقنا تغير ؟
فزت وقالت : شدخل شغلك فيني ؟
زفر بهدوء وقال : نظام شغلنا الجديد تغير يعني تقريبا معاد بيكون زي قبل من الصبح للعصر بيكون لليل يعني معاد بشوفتس ٢٤ ساعه
فتحت عيونها بصدمه وقالت : منجدكك
ضحك وقال : امزح امزح بس تغير من العصر لليل
قربت وهي تنثر شعرها و جلست جمبه : طيب و ليه تبيني
ابتسم وقال : خلاص انزلي طيب ؟
ضربته على راسه بخفه وقالت : ابيك انا بس يبوني الي تحت
شدها لعنده وهو يحاوط خصرها وقال : طيب تحت تلحقين عليهم صح ؟
ضحكت وهي تلف يدينها حول رقبته : لا مو صح
ابعد عنها وهو يمثل الزعل و معروف ب التمثيل ! : طيب خلاص انزلي
ضحكت وقالت : اووفف خلييفف إذا قعدت بتبطل حركاتك !!
ناظر لها و ضحك : لا
بيان : اجل م بقعد
قربت من المرايه تعدل نفسها رشت عطرها و لبست طرحتها و اخذت سيف : بروححح
مسكها من يدها وابتسم : لا تخلينها ف خاطري
باسته على خده وهي تطبع القلوس الأحمر الي على شفايفها على خده وقالت : م بخليها
ضحك وقال : ي بعد هالدنيااا
ضحكت و هربت لتحت الصاله
-
و عند ريهام الفهد بـ الغرفه
فزت من سريرها فتحت عيونها و دخلت للحمام تاخذ شور سريع و طلعت دخلت للغرفه تفرفر بين ملابسها اخذت لها مخّور لونه سُكري عليه خرز جميل و هادي راحت للصاله تسوي لها قهوه قبل لا تطلع ابتسمت و هي تشوف فهد يزين القهوه فـ المطبخ : اووه انت هنا ، احسبك نزلت
ابتسم وقال : لا م نزلت باقي ، صح النووم
ابتسمت وقالت : تصح دنيتك يحبيبي
أشر لها على قهوتها وقال : قهوتس جاهزه
قربت تأخذها وقالت : تسلم يدك
-
و عند جوهرة الذياب
جالسين فـ الصاله يتفطرون
الجوهره : منت رايح للدوام هاليوم ؟
ضحك وقال : تغير النظام يعيوني
قطبت حواجبها وقالت : شلون يعني
ذياب : صار الشغل من العصر لين الليل
شهقت بصدمه : ذياااببب والله م تخليني لحالي الليل فـ البيت !!!
ذياب : وش اسوي يعني اقول لغيث م بجي عشان حرمتي تخاف
ضحكت وهي تتخيل الموقف وقالت : لا بس تكفى مستحيل امسي الليل لحالي تدري انت
ذياب : ايه طيب قولي للبنات يجون لس هنا ولا انا بنزلس عندهم و بمر عليتس لمن اخلص
حكت شعرها وقالت : تشوف اخليهم يجوني
ذياب : بكيفس
الجوهره : خلاص طيب بقولهم ينزلون عندي
ذياب : طيب
-
و عند ديم و محمد بـ الفندق تحديداََ
صحت من النوم قامت تروشت ، خرجت تفرفر بين ملابسها و لبست فستان لونه وردي فاتح و سوت بشعرها ويفي خفيف و حطت ميكب و طلبت الفطور ، دخلت للغرفه شغلت اللمبه و همست بهدوء : حمود قم
فز على صوتها و لف عليها ابتسم وقال : يالله صباح خير مع ذا الزين
ابتسمت وقالت : يحبيبي والله ، قم تروش و صل يلا طلبت فطور بنتظرك ب الصاله
قام و قال : تمام جايس
دقايق و طلع لعندها ب الصاله جلس مقابلها يتفطرون : جعله عافيه
ابتسمت وقالت : يعافيك يعيوني
-
و فبيت ابو سعد تحديداََ
ضحك سعد وقال : والله ريهام من تزوجت الفهد سحبت علينا !
ابتسم ابو سعد وقال : متقربه من اهل زوجها يوليدي
ام سعد : الله لا يحرمني منكم ومنها
ابتسم سعد وقال : امين ولا يحرمنا منس ي الغاليه
-
و فـ بيت ابو سلطان تحديداََ بـ الصاله
نزل خلف من الدرج مسّرع و دخل للصاله : وينهي اميره
فزت من سمعت صوته و لفت له : نعم شتبا ؟
فتح عيونه و ضحك : انا نعم ؟ اوف ي اميرتي
ابتسمت وقالت : ايه انت فيه غيرك هنا
تذكر انه باقي م راضاها وقال : اهاا ايه فهمت فهمت انتي باقي زعلانه عليي ؟ ي بعدي والله انتي تدرين م هاوشتس الا وانا خايف عليتس و عشان مصلحتس
فزت بحنيه و ضمته : يوه خللييف القلببب
ضحك وقال : ايه الحين اعرف انس رضيتي صح ؟
ضحكت وقالت : ايه ايه وش تبا الحين
خلف : العيال صحو ؟
اميره : وليد و سعود بس سلوم دخل ف غيبوبه
ضحك وقال : بعيد الشر
-
و بـ المجلس عند البنات
دخلت ريهام وقالت : السلام
ردوا وقالو : عليكم السلام
بيان : استريحي استريحي
ابتسمت و جلست : هاه شصار
انفال : ابد والله بس ملينا و قلنا نتجمع
بيان : ايه صح تعالي بـ الشهر كم انتي الحين؟
ريهام : داخله الرابع ليه
فتحت عيونها بصدمه وقالت : اوه ماشاء الله تولدين ب السلامه
ابتسمت وقالت : امين يارب ، ضحكت وقالت : وانتي مو ناويه تجيبين ل سيوف اخ ولا اخت
ضحكت و همست لها بصوت خفيف : والله م كنت ناويه بس سواها الخلف
ضحكت وقالت : يوه ان شاء الله يارب
قرصتها وقالت : لا تكفين م ابي الحين كفايه سيف متعبني
ضحكت ريهام وقالت : الله يخليه لس
ابتسمت وقالت : اميين
دخلت عليهم سُميه وقالت : سلاامم بناتت
ريهام : والله الي مرحبا ب سمسومتي
ابتسمت سُميه و جلست : البقى يقلبي
فزت اميره برعب وقالت : يمه بنات غيث و امه هنا !! تو امي قالت لي
شهقت بيان وقالت : يمه لايكون هذا بيخطبس
اميره ضحكت بمزح وقالت : والله اني موافقه
ضربتها ريهام وقالت : ترا الزواج مو لعبه ي اميره
ضربتها اميره وقالت : ادري يمجنونه امزح ترا
سُميه : ي المجنونه انتي لا تضربين
اميره : اوه معليش نسيت اسفه
ضحكت ريهام وقالت : عادي عادي
بيان : شسمه لو طلع صدز الولد يبيتس استخيري و يصير خير
اميره : بس خلاص وترتوني
ضحكوا البنات وقالت سُميه : م عليتس شي ان شاء الله
-
فـ الليل | و فـ تركيا عند ديم و محمد
ابتسم وهو يتأمل جمالها و تفاصيل وجهها الي اجذبته : نطلع نتمشى ؟
ابتسمت وقالت : تم
ضحك وهو يشوف حماسها : طيب روحي البسي انتظرس ، اللبسي شي يدفيس الجو بارد
ركضت للغرفه و لبست بلوفر ابيض على بنطلون اسود و سوت لها ميكب على السريع و لبست حجابها و محمد لبس بلوفر سماوي على بنطلون ابيض ، طلعت للصاله وقالت خلصصتت
ابتسم وقال : تمام مشينا
طلعوا من الفندق و هم يتمشون مشي و يشوفون العالم حوليهم ، م حست الا بيد محمد الي متشابكه فـ يدها ابتسمت وهي تشوف يدينهم مترابطه فـ بعضهم شدت على يده و كملوا مشي ابتسم وقال : وين ودس نروح
أشرت على البحر الي على يمينها : مشينا للبحر شوي تكفى ، هز راسه بـ النفي وقال : م يصير
زفرت بزعل وقالت : ليه م يصير
ابتسم وهو يشوف حركاتها : الجو بارد يعيوني
ناظرته وقالت : حمود تكفى شوي بس م بطول
م حب يكسر خاطرها وقال : شوي بس مشينا
تقدموا للبحر و جلسوا على الكرسي الي مقابل الأمواج ابتسمت وهي تاخذ نفس : الجو يجنن
ابتسم وقال : ايه يجنن زيتس
ضحكت وقالت : الله عليك ، حطت رأسها على كتفه و ابتسمت وهي تناظر الجو الي كان حلو و بارد و الهواء جاي عليهم ، ابتسم وهو يشوفها و حط يده على كتفها : عجبتس الجو
اخذت نفس بِحُب وقالت : ايه مره
ضحك وقال : طيب نمشي ؟
زفرت وقالت : طيب يلا
قاموا و شبكت يدها على يده و بدأوا يتمشون مع الأجواء الجميله : حمود ناخذ قهوه تدفي ؟
ابتسم وقال : تمام
أخذوا لهم قهوه و جلسوا يتمشون لين وصلو للفندق
دخلت للغرفه لبست ملابس النوم و نثرت شعرها و هي تعدل غرتها ، ابتسمت وهي تشوف محمد بـ السرير يطقطق بجواله انسدحت جمبه و ابعد نظره عن الجوال ابتسم وقال : ترا راجعين بكره
فزت وقالت : صدق ؟
ناظرها وقال : ايه صدق
تنهدت بهدوء و حطت رأسها على الوساده : تمام
-
اليوم الثاني و تحديداََ فـبيت ابو سلطان
صاحيين كلهم و متجمعين بـ الصاله يسولفون و يضحكون ، ابتسمت ام سلطان وقالت : اسمعي ي الاميره
فزت اميره وقالت : هلا يمه سمي
ام سلطان : ام غيث جت امس و تسأل عنس
فتح خلف عيونه بصدمه : اوف غيث خويي !!
ام سلطان : ايه
خلف : وانا اقول وش بلاه يسأل عنها كلشوي اثاريه يبيها
ام سلطان : المهم ي اميره انا عطيتس العلم و اذا تقدم لس رسمي نشوف وش يصير
تنهدت بتوتر وقالت : ان شاء الله خير
خلف : والله غيث رجال وانا خابر به م قد شفت منه شي رجال قول و فعل و م منه إلا كل خير ان شاء الله
-
و فـ بيت اهل محمد
ام محمد : ريوم تعالي رايحين بيت محمد
اريام بتعجب : وش نسوي هناك
ام محمد : بيرجعون اليوم نبي ننظف البيت و نحط مفارش جديده
فزت بفرح وقالت : الله يردهم ب السلامههه
ام محمد : يلا يلا م فيه وقت الظهر يكونون هناا
ركبوا للسياره مع راكان و نزلوا للبيت ينظفون و يرتبون
'
وصلو للبيت و دخلو داخل
اندهشت اريام بجمال البيت الي غيره محمد كامل بعد طلاقه من روضه : يمه ماشاء الله متى لحق يغير كل ذا
ام محمد : ي حبيبتي من زمان بس انتي م تجين هنا و توس تشوفين
اريام : طيب يمه مشينا نشوف غرفتهم
طلعوا للغرفه الي كانت كبيره جداََ و مقسمه إلى غرفة نوم مع صاله صغيره و حمام : واووو اشهد ان ديوم محظوظه
ابتسمت ام محمد وقالت : عسى ربي يهنيهم
فزت اريام وقالت : يمهه ترا بعد شوي بنزل للبنات بنتجمع كلنا فبيت جوجو و ديوم بعد بتجي عندنا
ام محمد : تمام تمام يصير خير
-
بعد صلاة الظهر تحديداََ وصول محمد و ديم لبيتهم
سمت بـ الرحمن و دخلت برجلها اليمين للبيت ابتسمت تتأمل البيت من فوق لتحت و ريحة البخور الي موجوده فـ البيت دخلت للغرفه و دخل محمد وراءها معاه الشنط : سريع سريع بنروح لأمي
ضحكت وقالت : اصبر !! باخذ شور و بلبس
طلع مسرع وقال : منتظرس تحت
دخلت الحمام مسرعه اخذت لها شور سريع و لبست لها فستان خفيف لونه بنفسجي فاتح واصل الركبه عليه ريش من اليد و خرز من النص فتحت شعرها الحرير الناعم و لبست اكسسوارات فضيه على كعب فضي و حطت ميكب هادي و رشت عطرها و لبست عباتها و حجابها و نزلت و بيدها أكياس هدايا لهم : حمودي خلصتت
ابتسم وهو يسمعها وقال : اركبي ي دنيتي جايس ثواني
ابتسمت و ركبت للسياره و جاء بعدها اتجهوا للبيت يسلمون عليهم و اعطوهم الهدايا و بعد سوالف خلصوا و اتجهت للسياره وقالت : حمود نزلني عند اهلي بعدها بنزل عند البنات
عقد حواجبه وقال : منتي تعبانه ؟ خابرتس الطريق كله صاحيه
ضحكت وقالت : الا والله تعبانه و النوم ماكلني بس شسوي
-
بعد أذان المغرب متجمعين كلهم فـ بيت الجوهره
ضحكت الجوهره وقالت : بعد النظام الجديد ذا بلقاكم كليوم عندي تفهمون
بيان : والله نظام مره م عجبني
ريهام : يوه بنات بس روقوا الله يوفقهم
اخذت ديم نجد لحضنها وقالت : ودلبوسييي ماشاء الله تجنن
ابتسمت الجوهره وقالت : يحياتي انتي عقبالتس
تنهدت بضيق و ابتسمت تمدها للجوهره
همست لها ريهام وقالت : لا تفقدين الأمل بالله ان شاء الله بنشوف عيالتس حولتس يركضون م فيه شي مستحيل
ابتسمت بهدوء وقالت : ان شاء الله
تداركت بيان الوضع وقالت : ايييه ديوم شلون تركيا معس انتي و محمد
ابتسمت وقالت : اوفف تجنن جوها دممااارررر
بيان : انشهد بالله
دقايق و دق محمد على ديم وقال : اسمعي انا راجع للبيت مطوله ولا وش العلم
ابعدت عن البنات شوي تنهدت وقالت : مدري عاد شوي و تعال لي
ضحك وقال : من مزعل ديمّي ؟
زفرت ب هدو وقالت : هاه محد
تنهد وقال : وش فيس ي دنيتي احد ضايقس ؟
ابتسمت وقالت : لا والله محد بس نكد علي الجو شوي
زفر براحه وقال : طيب ربع ساعه و جايس
قربت من البنات وقالت : بنوتات شوي و برجع
شهقت اريام وقالت : ليييه ي امي توس جيتي
ديم ضحكت وقالت : ي ماما والله م نمت شي حيل تعبانه و النوم ماكلني اكل و حمود بيرجع الحين مقدر اصحيه إذا نام عنده شغل من الصبح
ضحكت ريهام وقالت : السالفه فيها حمود يعني
ضربتها بخفه وقالت : ايه ايه
انسدحت بيان على الكرسي و سيف ف حضنها : والله عاد الحين البيت تحت سيطرة جوجو و محد بيدخل علينا يعني بتجي أقوى نومه
بعد مرور الوقت
لبست ديم عبايتها و حجابها و طلعت للسياره
وكان محمد فاتح الدريشه و حاط السيقاره على طرف شفايفه زفر بهدوء و رمى السيقاره : هاه شصار
حطت رأسها على الدريشه بتعب : ابد م صار شي بس احس بيغمى عليي ابي ادقها نومه
ضحك وهو يحط يده فوق يدها : بتدقينها نومه ف بيتس الحين
ابتسمت وقالت : ان شاء الله
-
و فـ الشركه تحديداََ الساعه 1 ليل
غيث : و خلصناا اخييراا
لؤي : بنهار غيث وربي النظام الجديد زباللههه وش ذاا
ضحك غيث وقال : شسوي ياخي مب بيدي
احمد : اخخ يربي وربي م اداوم بكره باخذ اجازه
مسعود : على كيفك هووو هااهه
نادر : ايه انا بهج لـ لندن باخذ التذكره
احمد : معاك انا
مسعود : تف عليكم
خلف : اوف اوف وش فيكم
انفجر ذياب ضحك وقال : لؤي تعب من الشغل و حمود و نويدر قرروا يهربون لندن و غيوث كـ العاده يستلمهم طقطقه
خلف : طيب مو راجعين؟
لؤي : انا راجع عاد مالي شغل فيكم
هربوا كلهم و انفجروا غيث و خلف من منظرهم
سحب خلف غيث على جمب وقال : الحين صدز انت تبي بنتنا ؟
ابتسم وقال : ايه ابيها بسنة الله و رسوله ، ي الخلف انا مو جابرها عليي إذا هي م تبيني و فبالها أحد ثاني ..
قاطعه خلف وقال : اعقب بناتنا م يسوون تسذا ان كنت تبيها تعال اخطبها من جدي و عمي و يصير خير
ابتسم وقال : ان شاء الله
-
و عند محمد و ديم فـ بيتهم
دخلت ديم بعد م اخذت شور وهي تنثر شعرها الي كله ماء بـ أطراف اصابعها ابتسمت وهي تشوف محمد نايم ، لبست ملابس النوم و انسدحت جمبه ، ابتسم وهو يحس فيها و لف عليها وهو يشوفها ترجف من البرد فتح يدينه لها ( بمعنى فتح حُضنه لها ) ابتسمت و جت لحضنه وهي تحس بـ الدفئ زفر بهدوء وقال : بتمرضين شكلس
ضحكت وقالت : الظاهر كذا بس ان شاء الله لا
ضحك وقال : نامي نامي جعله عافيه
ابتسمت وقالت : يعافيك ربي
-
و فـ بيت الجوهره
بيان : يلا جوجو خلف جاء
ابتسمت وقالت : فمان الله يعيوني
تحجبت و اخذت سيف و خرجت للسياره
اخذ خلف سيف فوقه : والله الي مرحبا بحبيب ابوه
ضحكت وقالت : وانا مالي ترحيب !
ابتسم وقال : انتي لس كل تراحيب الدنيا ي دهر قلبي والله الي مرحبا لين م يبقى من المرحبا ولا مرحبا
فزت بِحُب وقالت : يعيوني ي خلييفف
-
و عند ريهام الفهد بـ البيت تحديداََ شقتهم
دخلت للغرفه و لقت فهد نايم خرجت للصاله بهدوء و جلست شغلت لها فِلم مع سويت خفيف و قهوه و جلست تتابع
-
و اليوم الثاني صباح جديد مليء بـ الطاقه
تحديدا فـ بيت محمد
صحت بنشاط و حمـاس لأول يوم لها فـ بيتها قامت و اتجهت للحمام ( يُكرم القارئ ) و خرجت تفرفر بوسط ملابسها لبست لها بلوفر بُني مع بنطلون اسود و تقدمت للمرايه و جلست تحط ميكب خفيف رشت عطرها و وقفت وهي تنثر شعرها و تعدله ، نزلت للصاله بعد م خلصت و اتجهت تسوي الفطور و تجهزه
-
و فـ بيت ابو سلطان تحديداََ الساعه 3:30 الظهر
متجمعين يتغدون مع سوالف و ضحك
ابو سلطان : مو ناويين نروح المخيم هاليوم
ام سلطان : الا والله ناويين نطلع من زمان م طلعنا طلعه مع بعض
خلف : طيب يجدي بس انا مقدر اجي الدوام م يسمح
بيان : يوه صح نسيييت
ام خلف : طيب عادي انا و بيان نروح مع سلوم
سالم : خلاص تم
ام فهد : حلو
خلف : اجل الله معكم
ابو فهد : والله ي الخلف م تصير طلعه بدونك
ضحك وقال : شدعوه عاد العيال مكفيين
ام سلطان : يالله عسى ربي يقويك
ابتسم وقال : امين امين ، قام وقال : اجل انا استأذنكم الحين ، ابتسم سعود وقال : فمان الله يخوك
طلع مسرع و علطول ركب للسياره و اتجه علطول للشركه قطب حواجبه وهو يشوف الهدوء وهو متعود على أصواتهم و هواشهم الي واصل لين الطابق الي تحت تقدم و قال : آدم بسألك احد من العيال جاء ؟
آدم : ايوا ، كلهم فوق
ابتسم وقال : تمام مشكور
طلع مسرع و دخل على ذياب وقال : وش العلم ؟ وش بلاكم هدوء مو طبيعي و صوت نادر و لؤي وينه مالكم حس ... تنهد ذياب وقال : حمود مسوي حادث
جلس مصدوم وقال : في ذمتك !!
ذياب : اي بالله
طلع مسرع و دخل عندهم وكانو كلهم متجمعين حول مسعود و كلهم يدرون قوة علاقة مسعود و احمد خوان و أكثر ، غيث : مسعود الله يهداك م عليه شي ان شاء الله بيقوم و بيرجع لنا ب اذن الله الواحد الأحد
تنهد مسعود وقال : غيوث تكفى اسمح لي اروح له !
غيث : م يصييير يولد وش الشغل لعبه ؟ نهاية الدوام بنروح له كلنا مع بعض
تنهد بضيق وقال : تماام
همس غيث بهدوء وقال : بس خلاص اتركوه
طلعوا و اتجهوا كلهم لـ مكاتبهم
-
و فـ المخيم
نزلوا من السيارات و دخلو الحريم المخيم حقهم و الرجال كذلك و البنات بـ الحوش
ريهام : الله ي الجو الفنان
تنهدت بيان وقالت : اخ بس لأول مره طلعه بدون خليف القّلب ..
ضحكت اميره وقالت : يلا م عليه الله يقويه
نيلان : تعالي انتي صح وش صار على غيث
زفرت وقالت : والله مدري عنهم بعد م جوو مالهم حس
ود : أموره انتي تبينه ؟
اميره : يبنات خلاص تكفون طلعنا نغير جو خلونا من سالفة غيث الحين الله يستر عليه
بيان : والله وهي صادزه
سُميه : يوه والله م عندكم سالفه كل سوالفكم عن الخطبه و الزواج !!
ضحكت ريفان و غمزت لها : احم جاي دورس ياعين امتس
سُميه : استغفرالله العظيم .. ورا م تسكتين انتي
خرج سعود و جاء لهم وقال : بييان تعالي شوي
نطت بيان ب توتر و راحت له وقالت : وش فيك
سعود : خوي خلف مسوي حادث
شهقت برعب وقالت : فييه شي ؟؟
سعود : م ادري تو خلف علمني و قال يمكن م يقدر يجي الليل لأنهم بيمرون له
تنهدت وقالت : ليه م دق عليي طيب
حك شعره وقال : مدري والله .. المهم جيت اعلمس بس
-
و عند الحريم داخل المخيم
ام سلطان : طبعاََ اكيد م جينا الا و عندنا خبر
ام فهد : سمي طال عمرس
ام سلطان : قررنا ناخذ اجازه برا الديره و نروح كلنا رحله عائليه لـ جِده ، خلال ذا الاسبوع يعني نجهز أغراضنا و اذا بتسألون وين بنسكن رايحين عند اختي
ام خلف : اوه ماشاء الله اجل تم
ام عبدالرحمن : والله دامنا فاضيين نروح م ورانا شي
ام سلطان : بس لا حد يدري بيننا حن بيت علي وبس
ردوا بصوت وقالو : ابشري ..
ام فهد : بس متى يخاله
ام سلطان : نرجع اليوم نجهز أغراضنا و بكره نحرك
ام خلف : حلو ، بس فهد و خلف دوامهم شلون ؟
ام سلطان : م عليهم شي يا انهم يروحون معانا و ياخذون اجازه يا انهم يقعدون م عليهم شي رجال !!
ام عبدالرحمن : ايه صادزه امي
-
و فـ الشركه تحديداََ
غيث : نويدر أسألك الحين شنسوي؟ نقعد على ذي الحاله نناظر وجيه بعض لا شغل ولا مشغله
نادر : أسأل نفسك ي المريض خلنا نرجع بيوتنا خلاص مافيه شغل اليوم
تنهد وقال : حمود مسوي حادث و انا ناوي اخطب بنت الناس و الشركه انقلبت فوق تحت
زفر وقال : عليك يا كبدي سلام الصابرين
-
فـ الليل تحديداََ الساعه 2:30
فبيت ابو سلطان
دخلوا بـتعب

-
يُتبع
-
( يـ شّيوخ قلبي شدوا الدعم و اذا عجبكم البارت حفزوني بـ نجمه و ان شاء الله يعجبكم البارت و توقعاتكم ريهام حامل بولد ولا بنت 🤩🤍؟ ترقبوا البارت 24 💕💕. )