ندبات ࢪوحي

البارت الثاني 2

الكاتبه:: جمࢪهہ

ندبان ࢪوحي

.....................

كل عام وانتم بخير"‏نَحنُ الفُقَراءَ الـذِين أغنَاهُم الله بحُب علي "؏"🫀✨

__________________________

ومن سألته كال

__مجاوبت من حذفتي المحادثات لأن أدري أمج أجتج وجنت خايف خاف تدري جنتي تحجين ويايه وتأذيج...

__ههه خاف على ࢪوحك، أبشرك امي رجعتلي الموبايل..

__صدكـ والله، أي بس هم ديري بالج لا تشوف الرسائل..

__كلتلي ما أريد اي شي يخص حسين بالجهاز ههه...

__هههه ليش دائما تذكريني بانو أمج تكرهني..

__حسين تدري امي ليش مقابله بيك؟!

__لا وداعتج أنتي تعرفين؟؟!

__أي، امي مقابله بيك لان شايفه شي عليك..

__لا تخبليني ملاك شنو شايفه امج عليه غير تفهميني خو ماتنطيني السالفه مكطومه...

__والله العظيم ما ادري بس احسهه شايفه شي عليك.....

__ يشهد العباس عليه اي شي ما عندي اي نقطه سوده ماكو بحياتي كل الي يهمني هو انو اني وياج نتزوج غير هيج ما اريد شي......................

__أدري بيك والله بس شنو بيدي أسوي وما سويت حتى أمي تقبل بيك؟! ...

__كلشي ما أريد من الله غير يخلي طبع امج مثل طبع أبوج.......

__ههه، من سابع المستحيلات ابويه ما كو منه..

__راح اروح ويه زهراء للسوك من ارجع اراسلج.....

__لا أصلا راح ابلكك من يصير عندي مجال احجي وياك تمام........

__تمام يله باي في امان الله....

__الله وياك.....

حضرته ونزلت لجوه لكيت أمي مخبوصه خبص بالتنضيف.......

__شكو يمه شنو عندنه عرس هههه.

__لا يمه بس قبل شويه اتصلت خالتج أنسجام(ام حسين) كالت اول يوم العيد راح تجي من كركوك ويردون يتجمعون عدنه هي وخالاتج البقيه وخالج وسام هو راح يجي.

__ليش همه مو كل سنه يتجمعون بيت بيبي شعجب هل سنه يمنه.

__والله مادري تكول عندهه موضوع ويه ابوج بس والله اذا طلع الموضوع ؏ـن حسين أحرك البيت والبي.......

__ليش يمه ليش هلكد تكرهين حسين ترا هو صدك يحبني ومستحيل يعوفني بيـــوم من الايام، بعدين يمه أذا تزوجت حسين او غيره نفس الشي هم راح اروح وأعوفج.....

رفعت رأسها باوعتلي ورجعت دنكت كالت

__عوفج من السوالف هسه وروحي كعدي اخوج خطيه صارت بــــ٣:١٥ ولسه ممتغدي..

عفتهه ودخلت للغرفه كعدت حمودي ورجعت صعدت فوك جبت مويايلي وكعدت أقره بالروايه الي احبهه ((أجرام مستباح لثلاث ندبات)) للكاتبه أيلول،، وره نص ساعه تقريبا اجتي امي كلت لغدير::

__ كومي روحي انتي وحمودي جيبو لحم من الڪصاب...

نوب التفتتلي كالت::

__باجر نروح للسوك اني وخالتج ام علي وانتي تجين ويانه يعني باجر لازم تكعدين من وقت تمام؟؟!

__اي تمام هو انتن دوم تاخذني وياجن حتى أحمل مسواكجن..

راحت امي تنضف واني صعدت فوك اتصلت على حسين..

__ألوو ها حسين شلونك..

__هلا هلا حبيبتي بخير اذا انتي بخير...

__باجر اروح ويه امي وخالتي ام علي للسوك تمام....

__هذا هو شوفي اذا كدرتي روحي للامام وادعيلنه تفرج اني حتى جوامع ماكو قليله نوعا ما...

__تمام هاي أذا قبلت،، يله بايي اخذ راحتك..

__الله وياج..

سديته منه ونزلت سبحت طلعت لكيت ابويه راجع وغدير ومحمد هم وماما مسويه تحليه كل يوم تسوي وتكعد تحجي ويه خالاتي كام اتصلت عليهن وحده وحده ومن وصل دور خالتي انسجام سويت نفسي مشتاقتلها رحت حتى اسلم عليها لكيت حسين كاعد بصفها ويتباوع ع التلفزيون بس سمع صوتي التفت حتى يشوفني سويت نفسي ممهتمه كدام امي وهو هم مثل عدم المبالاه خلصت المكالمه صعدت نمت كعدت الصبح تريكنه ورحنه لخاله ام علي بعدها مرينه ع زوجه خالي تريد تشتري ملابس لبنتها.............

يتبع🍀

___________________