အမှိုက်ကောင်လေး၏ ပျော်ရွှင်ဖွယ်ဘဝ (Completed) အမွိုက္ေကာင္ေလး၏ ေပ်ာ္႐ႊင္ဖြယ္ဘဝ

အပိုင်း (၅၃)

အပိုင်း (၅၃) မုဆိုးကြီးပြန်လာပြီ ဇနီးလေးကတော့ပျော်နေတယ်တဲ့ -2

"အမ်း...ဆက်ပြောပါဦး မင်းသူတို့ကိုကာကွယ်ပေးနေတာကို ကိုယ်ထပ်ကြားချင်သေးတယ်"

ရှောင်ဟန်က ဒီစကားကြားတဲ့အခါ ပိုင်လီရဲ့လေသံကသိပ်မမှန်ဘူးလို့ ခံစားမိပေမယ့် သူက ပိုင်လီနောက်က အမြန်လိုက်သွားပြီး ပြောမိသွားတုန်းပါပဲ။

"သူတို့က ကိုယ်ဝန်ရှိနေကျတာလေ ကိုယ်ဝန်သည်တွေက မလွယ်ကူဘူး သူတို့ စိုးရိမ်နေတာ သဘာဝကျတယ်မလားဟင်"

ပိုင်လီက ဒီကောင်စုတ်လေးက အရိပ်သုံးပါးနားမလည်ပဲ တကယ်ကြီးဆက်ပြောလာလိမ့်မယ်လို့ မထင်ခဲ့ဘူး။ သူ့အနေနဲ့ ရှောင်ဟန်က မိသားစုအချင်းချင်းတွေမလို့ ဆက်ဆံရေးအဆင်ပြေအောင် ကြိုးစားချင်နေတာကို ခန့်မှန်းမိပေမယ့် ရှောင်ဟန်ရဲ့စိတ်ထားက သူ့ကိုနည်းနည်းစိတ်ပူစေခဲ့၏။

တကယ်တော့ ကျိုးရှီနဲ့စုရှီ ပိုင်အမေနဲ့ပိုင်မိန်ကိုပြန်ခေါ်တာက အိမ်အလုပ်တွေနဲ့မလုပ်ချင်လို့နဲ့ ရှောင်ဟန်တို့ကို ဂရုစိုက်နေတာကို မလိုလားနေလို့ဆိုတာ တွေးကြည့်တာနဲ့သိနိုင်ပြီး အဲဒီနှစ်ယောက်ရဲ့စိတ်ထားကလည်း သူတို့မပိုင်ရရင် မနာလိုတတ်တဲ့ပုံစံတွေဖြစ်တာကို လွယ်လွယ်နှင့်သိနိုင်သည်။

ဒါပေမယ့် ရှောင်ဟန်က ဒီလိုလူတွေအပေါ် အပြစ်တင်ချင်စိတ်မရှိခဲ့ဘူးပေါ့။ ​ပြီးတော့ ဖြည့်တောင်တွေးပေးချင်နေသေးတာလား။ ဒါကအရမ်းကိုအနိုင်ကျင့်ဖို့လွယ်မယ့် စိတ်နေစိတ်ထားမျိုးပါပဲ။

ပိုင်လီက သက်ပြင်းချလိုက်သော်လည်း ထိုကဲ့သို့လူနှစ်ယောက်ကြောင့် သူ့စိတ်ကိုအရှုပ်ခံဖို့စိတ်ကူးရှိမနေပေ။ သူကတဲအိမ်လေးအရောက်မှာ အနွေးကုတင်ပေါ်မှာ ကွေးကွေးလေးတွေအိပ်ပျော်နေတဲ့အသေးလေးတွေကိုတွေ့လိုက်ရပြီး သူကဒီကောင်လေးတွေကို မတွေ့ရတာသုံးရက်လောက်ရှိနေပြီဖြစ်လို့ သတိရနေတာဖြစ်သည်။ ပိုင်လီ အနွေးကုတင်နားသွားပြီးတော့ နှစ်နှစ်ခြိုက်ခြိုက်အိပ်ပျော်နေတဲ့အသေးလေးတွေရဲ့ ပါးလေးတွေကိုညှစ်လိုက်ပြီး....