الود ودي في ضلوعي أخيبك لا حي يدري و لا حي يلقاك🤎.
_______________
عند البنات|بمخيم الحريم
كانوا قاعدين وكل مجموعة تسوي شي كانت رهف،لين،غيداء،سارة يلعبون اونو وكانت رسيل و الهنوف يسولفون وش بتشتري رسيل عشان العرس اللي بعد اسبوعين-حددوا يوم العرس يوم كانوا بالملكة- واثير وورد و الجوهرة واميرة يسولفون عادي و عالية نايمة بحضن امها صافي-ام محمد-.
_________________
عند رسيل والهنوف:
الهنوف:طيب باقي عندنا اسبوعين عشان نجهز ترا
رسيل بتوتر:احسني متوترة من الحين اخخخ ياربي
الهنوف وهي تحاول تهديها:هدي يا عمري كل شي بيصير كويس بس اذا قعدنا كذا بنتزنق زنئة الكلاب منجد
رسيل:اههه ياربي مو قادرة استوعب
الهنوف وهي تدقها:خلاص يا بنت الحلال كل شي بيتصلح بس يلا
رسيل:تدرين ما ادري ولا عندي اي فكرة ايش بشتري ولا وش بجهز
الهنوف:خليها علي بس -وغمزت-
رسيل:الله يخليتس لي ولا يحرمني منتس ، يعني كل شي بيكون كويس؟
ضحكت الهنوف:وي شفيتس لا تخافين كل شي بيصير كويس بإذن الله تعالى بس انتي هدي واي خليها علي لا تشيلين هم اي شي
رسيل بتنهيدة:مرره شكراً يعيوني ولله بدونتس مدري شنو كنت بسوي
-وحضنتها-
الهنوف بحب:لا يعيوني لا تشكريني
ابتسمت رسيل وقاطع عليهم نايف وهو ينادي:ياااولدد
ام نايف:قومي يا الهنوف شوفي زوجتس
الهنوف ببتسامة:حاضر خالتي
وقامت لنايف.
_______________
عند الرباعي رهف،لين،غيداء،سارة
كانوا قاعدين يلعبون بهدوء
رهف بطفش رمت الورقة الاخيرة:اونو
لين:بنااااات طفش مو طبيعي تعالوا نسوي اي فعالية اي شي خلاص تعبت
سارة:ولله ودي
غيداء بتفكير:انا بروح اكلم جدي واقول له نروح نتمشى شوي
رهف بتعب:وين نتمشى بالله
غيداء:نروح نتمشى ونشوف اي شي
سارة:اي يلا رهوفييي امانة تكفين
رهف:انتوا روحوا انا حدي تعبانة
لين:هاو شفيتس
رهف:ولله ان راسي يعورني وبطني خلاااص
لين:تبغين شي سخن
رهف:لا يقلبي
هزت كتفها لين وقامت غيداء عشان تقول لـ امها هي ولين وسارة
واخذوا الموافقة بعد عناااااء وطبعاً بعدها راحوا عشان يقولون لجدهم
لين:يارب يوافق ياااارب
غيداء:يارب امين
سارة بضحك:امين شفيكم
وراحوا لجدهم.
_____________
عند نايف الهنوف
راحت له الهنوف
الهنوف بإستغراب:شفيك نايف عسى ما شر
مسك خصرها وباس خدها:لازم يكون في شي عشان اجي
الهنوف صار وجهها احمررر طماطم:ءء انا بروح وكانت بتروح الا ويمسكها نايف مره ثانية من خصرها:اشتقت لتس!
الهنوف بخجل:حتى انا
نايف:انتي وش -و ابتسم-
الهنوف بخجل:حتى انا اش اشتقت لك
نايف مسك قلبه بتمثيل:اه ياقلبي يارب اخلف علي
الهنوف:بعيد الشر عن قلبك
نايف مسكها اقوى
الهنوف تألمت وبان على ملامحها
نايف:اوجعتتس؟
الهنوف:اي صراحة"😭"
نايف نزل لخصرها وباسه الهنوف قشعر جسمها وحبست انفاسها
نايف:كذا كويسة؟
الهنوف ما ردت وتنهدت بقوة من كثر الحياء
نايف ضحك وتركها:احبتس
الهنوف اول ما تركها على طول ركضت وراحت وقالت فنفسها:اهخخ يا ربي يجنن .
وضحك عليها نايف مره ثانية وراح عند العيال .
________________
عند محمد|بالسيارة
كان توه واصل اتصل بعمر وماهي ثواني الا ورد عليه
عمر:هلا محمد وصلت
محمد:اي يلا اطلع لي
عمر:يلا وقفل وطلع له برا تحت انظار الكل بخيمة الرجال.
وطلع له
عمر:يا هلا يا هلا بمحمد
محمد:هلا ولله فيك و حضنوا بعض حضن شوق وحضن "سبع سنين"
عمر بعتاب:كذا كذا يا محمد يهون عليك كل هاذي السنين
محمد:ولله وانا خوك الشغل و تضحياته وانا كل يوم اقول بكرا بروح الاقي نفسي انضغطت اكثر بس هالمره خلاص توبة ابعد عنكم
عمر.اصلاً ما بنخليك،يلا اقلط اقلط
ضحك ودخل معاه
دخل محمد بخيمة الرجال وبصوت عالي:هلا ولله
قام ابو محمد بصدمة:محمد!
محمد وهو يتجه لأبوه ويحب راسه ويحضنه حضن بشوق كبيير
ابو محمد بدموع:وينك يا محمد كل هاذي السنين وينك يا ولدي
محمد وهو يمسح دموع ابوه:لا لا يبوي مايصير تسذا وولله يابوي ان كل هاذي السنين وانا اشتغل واقول كل يوم اليوم بسافر اليوم بسافر وما جا الوقت المناسب الا بعد سبع سنين و صدقني خلاص توبه -وباس راس ابوه للمره الثانية-اني اسافر لأمريكا مره ثانية
ابو محمد:وليه ما قلت انك بتجي؟؟.
محمد ناظر لعمر وضحك بخفة:ولله يبوي انا وعمر متفقين اننا بنسويها مُفاجأة
وضحكوا هو و عمر
الجد عبدالاله:افااا يامحمد ما تجي تسلم على جدك
فز محمد وراح سلم على جده وباس راسه و خشمه-سلام رجال-
الجد عبدالاله:كذا يا محمد كذا
محمد:ولله يجدي مو بيدي
ضحك الجد ومسح على كتفه بحنية وقام محمد و سلم عليهم كلهم بقوة
قاطع عليهم دخول لين وغيداء وسارة واثير
"فلاش باك لدقايق"
كانوا البنات بيقومون عشان يروحون لجدهم
اثير:هي انتي وياها وين رايحين
سارة بضحك:بنروح لجدي عشان نتمشى شوي تجي؟
اثير:ما ورانا شي ولله يلا
لين.يلا يقلبي
قامت وراحت اثير معاهم بحكم انها طفشانة.
______________
نرجع للحاضر
راحوا البنات سلموا على جدهم وباسوا راسه وطبعاً تحمدوا لـ محمد على سلامته ومحمد كان ماسك يد لين ويمسح عليها بحنية الارض
غيداء بتوتر:جدي ممكن طلب
الجد:هلا يا بنتي تكلمي
لين:امانة جدي لا تردنا تكفى
الجد:حاضر بس ايش هو؟
غيداء ولين بنفس الوقت:نطلع نتمشى برا
الجد:بشويش بشويش
اثير بهدوء:شوف ياجدي حنا مرره طفشانين مرره فقلنا خلينا نروح نتمشى والحين مغرب يعني شوي وتعتم الدنيا وحنا قلنا نقعد شوي نتمشى ونجي بعدها بس رهف قالت ان ما ودها عشان تعبانة وكذا فنحن قلنا لها ارتاحي وحنا بنروح
الجد بإستغرب:هاو شفيها رهف
غيداء:تعبانة واليوم اغمى عليها ووداها عمر المستشفى و الحين تقول ان بطنها يعورها ومصدعة
لين بتأكيد:اي وانا قلت لها نسوي لتس اي شي ساخن قالت لا ودي بس اقعد لحالي
الجد:تمام بس هذول احد من العيال
سارة:لا يجدي نبغى نقعد لوحدنا
الجد:لالا خليهم معاكم يلا واحد منكم يروح
مروان:انا بروح معاهم
ثامر:وانا كمان
تركي:وانا
سارة:سلامات كلكم جايين
مروان:سلامات يا كوكو ترا جدي هو اللي قال
طنشته سارة :المهم يلا ترا حنا بنروح
اثير كانت متوترة من نظرات محمد لها بس حاولت انها تتجاهل وطلعوا البنات والعيال برا الخيمة عشان يتمشون
______________
عند عمر اللي طلع من عندهم وهو يهوجس بكل شي حوله
وراح ورا المخيم ولمح ظل احد وعوف انها بنت يوم شاف شعرها الطويل يوم قرب من عند الظل
عمر:مـــيـــن
...:
_________
انتهى💗.
ادعموني بنجمة وكومنت فيه رايكم عن البارت✨💕.
