1950 ( الماضي )
فتح دفتره وكتب " انا كاتب اتجرع كتاباتي كل ليله انتشي ب احرفي واقع بغرام كتاباتي احيك من وحي الخيال خليلي وفي عالم الخيال لي ..." قاطع كتاباته صوت واحد صاحله " عاكف " انتبه الي اسمه عاكف ل اخوه الاكبر ايهاب وكام كال " نعم سيدي "
رد ايهاب ب امر " ليش لهسه ما كملت شغلك اني مو امرتك تجيبلي اسماء التجار " باوع عاكف ببرود ل الاكبر وكال " حاضر سيدي راح اروح هسه " طلع عاكف من مكانه اقترب منه مجد وكال " سيدي حصلتلك المعلومات الي تريدها بظرف ساعه "
هز راسه وطلع ويه زلمه متجهين ناحيه التجار الي يسعون الهم بينما جانت السيارات تمشي بيهم مرو على حقول فتح عاكف جامه السياره مستنشق هذا الهوه النظيف جان يريد يوكف هسه ويمشي بين هل الحقول الخضره بس عده اشغال
بينما هو يمر هيج شاف بنيه حلوه شعرها اسود طويل مسويته كصايب لابسه دشداشه زرقه رافعتها شوي جانت تحش ب الزرع عبرت سيارته من جهتها وراحت ، ابتسم بس صوت مجد الي كال " سيدي التاجر الي راح نروحله اسمه محمود صارله عشرين سنة يشتغل بهل المجال شوي صعب انو يثق ب احد ف ارجو منك سيدي انو تكون هادئ وتتحكم ب اعصابك "
هز راسه وكال " تمام " ضل متامل الحقول والشوارع يحاول يصفي باله ک واحد يهوه الكتابه اجه بباله جمله " حين رايتها شعرت ب ان قلبي قد افاق من غفلته " ما لكه كلمات تكمل الي يفكر بيه
بعد مده نزل عاكف من السياره ويه زلمه دخلو لمكان هذا التاجر ، مد ايده لهذا الرجال وكال " سلام عليكم " باوع هذا تاجر ومد ايده سلم عليه كاله " وعليكم السلام بس بلا صغرتا منك منو انت "
كال صاحب الشعر الاسود بثقه " عاكف حميد " شبه هذا التاجر على الشاب من خلال شكله وكله وهو يقلص ملامحه بتسائل " انت اخو ايهاب ؟ " رد عاكف " اي دزني اخوي علمود صفقه السلاح الي لازم توفرها النا "
كعد التاجر وكال ب استهزاء " اني ما راح اتفق الا ويه السيد ايهاب " كلامه هذا خله عاكف يتعصب كال ب انزعاج " مو بعينك اني " كمل تاجر استهزاء وكال " بعدك صغير ما تفهم شلون الحياة تمشي " طلع عاكف مسدسه وصوب على ايد التاجر
الي صاح بقوه وطلعوا زلمه وجهوو اسلحتهم على عاكف وجماعته مما اضطرهم انو يطلعون من المكان ...
طاح على الكاع بعد ما اجاه راجدي قوي من اخوه الي كال بعصبيه " اني كلتلك روح صوب عليه لو اتفق وياه ليش انت غبي وما تفهم الحجي شوكت يصير براسك خير مو شيبتني من طاح حظك على هل العقليه الي شايلها كوم كوم من خلقتي لا اطلع حركه الدنيا كلها بيك عاكف "
كام عاكف بعد ما مسح الدم من حلكه وكال " اسف سيدي هو استفزني استهزا بيه ما تحملت وضربته " اجاه بوكس ببطنه خلاه يذب دم اكثر من حلكه كاله ايهاب بعصبيه " ما اريد اسمع حسك ما اريد اسمع تبريراتك امشي ولي من خلقتي لا تخليني اموتك بين ايدي هسه "
أنت تقرأ
الخيط الاحمر
Fanfiction#روايه_الخيط_الاحمر " صرت اشك انو الي عشته وياك جان حقيقه لو حلم وماكو اصعب من انو الانسان يشك بذكرياته لهل الدرجه انت اذيتني " نبذه عن الروايه ابن سياسي ضد مزارع عادي هذا هو الظاهر من القصه لكن الباطن غير شكل شنو الاسرار الي يضمها هذا شخصيات الم...
