خرج بحر يتبعه رافد علی أصوات أسعد وامجد وهما
یصرخان بغضب وانفعال وامجد یشهر مسدسه وصاح :
**_ انطونا أختنا.. نموت وما ننطیها لکم.. طلعوا لنا
أختنا.. فياان..خوية فياان..
فصاح بحر ،وقد وقفت أمه في ظهره وهي تلوح
ببندقية ::
**_ اختکم هي اللي أجتنی برجلیها .. ما مودي علیها..
فصاح أسعد بغضب::
**_ غشيمة وما تفتهم.. وما یحق لک تاخذها یمک
بدون رضا أهلها..وین الأصول..وين القیم...؟!!
صاح بحر::
**_ ماا عدکم اخت يمي.. وفیان صارت بحسبة مرتي..
وهجومکم هذا علینه ودوستکم عتبة بیتنا وأنتوا
مسلحین علیها گوامه وفصل..
هنا أطلق أمجد من مسدسه بعض الإطلاقات في
الهواء، فحاولت رضية اطلاق النار، لکن بحر منعها
وسحب منها السلاح وأمر رافد ان یدخلها القصر.
هرعت فيان وخرجت الی ساحة القصر ،تتبعها منال،
فأسرعت فيان تحول بین بحر واخویها وهي
تصرخ::
**_ خلاااااص.. کااافی بسسسکم.. لیوین تردون
طوفان نهر الدم یوصل ویدمرنا...؟!!
وصاحت بوجه اخویها::
**_ أني جیت لهنا.. أريد انهي هالمصیبه.. ماا أريد
السالفة تکبر.. وإذا حلّ المشكله یمّی ..فمستعده
انطي روحي حتی تفض بسلام..ولا ناس أبرياء
تموت بسببنا.. کافی لخاطر الله.. کاافی..
نهر الله یرحمه عزيز وغالي علی گلبي.. وفرهاد مهما
یکون هو إبن اخوي..والعائلتین خسرت ولدها..
فلهنا وبس.. کافی نخسر شباب مثل الورد علی ثار
لو طمع.. کااافی.. حراام...
فصاح أسعد::
**_ خوية تعوذي من ابليس وتعالي ویانه .. انتِ مو
هذا مکانچ.. انتِ بنت العزّ والدلال..نسيتي نفسچ انتِ منو و بنت من..؟!!.مو احنه اللي نرضالچ الذلّ والهوان
تعالي ویانه خويه وارجعي لبيت أبوچ معززة مكرمة..
واحنه نفداچ بارواحنه.. تعالي خوية...
فقالت له بحزم::
**_ لأن اعرف نفسي أني منو وأهلي شنو .. جیت
لهنا .. وحتی هذا بحر _ مدت ذراعها وأشارت له _
وأهله یعرفون کلش زین منو أني وشنو مکانتنا بين
الناس..
وراحت تنظر لبحر بسخط وتقول في نفسها..
** والّا ما حفی وراي سنين وهو یروح و يجي
ویتمنی ینول الرضا والقبول منّی ومن أهلي..**
ثم اشاحت بوجهها عنه واحتضنت أسعد قائلة::
**_ خوية تاج راسي.. محد یسوه تضیعون أنفسكم
علیه.. وحرامات أهلنا وناسنا يتأذون وینفجعون
باولادهم بلا ذنب... وإذا علیّه .. أني أعرف شلون
أدبر أموري هنا.. اعتبروني مسافرة.. وإذا ایّستوا منّی
اعتبروني من هذي اللحظة متت...
احتضنها أسعد ،واجهشت هي بالبکاء، ثم قال لها::
**_ وأبونا.. إذا گعد وسأل علیچ.. شراح نگول له..
شراح نگول لأبونا وهو روحه بیچ.. وبس علی وجهچ
ترد روحه.. ما فكرتي بیه خوية.. ما فكرتي بأمچ؟؟!!
